| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១២. សច្ចសំយុត្តំ
12. Saccasaṃyuttaṃ
១. សមាធិវគ្គោ
1. Samādhivaggo
១. សមាធិសុត្តវណ្ណនា
1. Samādhisuttavaṇṇanā
១០៧១. ចិត្តេកគ្គតាយាតិ និស្សក្កវចនំ ‘‘បរិហាយន្តី’’តិ បទំ អបេក្ខិត្វា។ យថាភូតាទិវសេនាតិ យថាគតាទិវសេន។ យថាភូតំ នាម ឥមស្មិំ សុត្តេ ‘‘សមាហិតោ, ភិក្ខវេ, ភិក្ខុ យថាភូតំ បជានាតី’’តិអាទិ។ អាទិ-សទ្ទេន ‘‘តថា យស្មា’’តិអាទិសង្គហោ ទដ្ឋព្ពោ។ តថា ហិ យថាភូតវសេន ការណច្ឆេទោ កតោ ‘‘តថា យស្មា’’តិអាទិវចនេហិ។ វណ្ណាតិ អក្ខរា, ‘‘គុណា’’តិ កេចិ។ បទព្យញ្ជនានីតិ នាមាទិបទានិ ចេវ តំសមុទាយភូតព្យញ្ជនានិ ច។
1071.Cittekaggatāyāti nissakkavacanaṃ ‘‘parihāyantī’’ti padaṃ apekkhitvā. Yathābhūtādivasenāti yathāgatādivasena. Yathābhūtaṃ nāma imasmiṃ sutte ‘‘samāhito, bhikkhave, bhikkhu yathābhūtaṃ pajānātī’’tiādi. Ādi-saddena ‘‘tathā yasmā’’tiādisaṅgaho daṭṭhabbo. Tathā hi yathābhūtavasena kāraṇacchedo kato ‘‘tathā yasmā’’tiādivacanehi. Vaṇṇāti akkharā, ‘‘guṇā’’ti keci. Padabyañjanānīti nāmādipadāni ceva taṃsamudāyabhūtabyañjanāni ca.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. សមាធិសុត្តំ • 1. Samādhisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. សមាធិសុត្តវណ្ណនា • 1. Samādhisuttavaṇṇanā
