| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. সমাধিমূলককল্লিতসুত্তং
4. Samādhimūlakakallitasuttaṃ
৬৬৫. সাৰত্থিনিদানং। ‘‘চত্তারোমে, ভিক্খৰে, ঝাযী। কতমে চত্তারো? ইধ, ভিক্খৰে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং কল্লিতকুসলো। ইধ পন, ভিক্খৰে, একচ্চো ঝাযী সমাধিস্মিং কল্লিতকুসলো হোতি, ন সমাধিস্মিং সমাধিকুসলো। ইধ পন, ভিক্খৰে, একচ্চো ঝাযী নেৰ সমাধিস্মিং সমাধিকুসলো হোতি, ন চ সমাধিস্মিং কল্লিতকুসলো। ইধ পন, ভিক্খৰে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং কল্লিতকুসলো চ। তত্র, ভিক্খৰে, য্ৰাযং ঝাযী সমাধিস্মিং সমাধিকুসলো চ হোতি সমাধিস্মিং কল্লিতকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৰরো চ। সেয্যথাপি, ভিক্খৰে, গৰা খীরং…পে॰… পৰরো চা’’তি। চতুত্থং।
665. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ kallitakusalo. Idha pana, bhikkhave, ekacco jhāyī samādhismiṃ kallitakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ kallitakusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ kallitakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ kallitakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৫৫. সমাধিমূলকঠিতিসুত্তাদিৰণ্ণনা • 2-55. Samādhimūlakaṭhitisuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫৫. সমাধিমূলকঠিতিসুত্তাদিৰণ্ণনা • 2-55. Samādhimūlakaṭhitisuttādivaṇṇanā
