| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. самажид̇д̇аваг̇г̇о
4. Samacittavaggo
33. ‘‘асаббурисабхуумин̃жа во, бхигкавз, д̣̇зсзссаами саббурисабхуумин̃жа. д̇ам̣ сун̣аат̇а, саад̇хугам̣ манаси гарот̇а. бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
33. ‘‘Asappurisabhūmiñca vo, bhikkhave, desessāmi sappurisabhūmiñca. Taṃ suṇātha, sādhukaṃ manasi karotha. Bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амаа жа, бхигкавз, асаббурисабхууми? асаббурисо, бхигкавз, агад̇ан̃н̃уу ход̇и агад̇авзд̣̇ий. асаб̣бхи хзд̇ам̣, бхигкавз, убан̃н̃аад̇ам̣ яад̣̇ид̣̇ам̣ агад̇ан̃н̃уд̇аа агад̇авзд̣̇ид̇аа. гзвалаа зсаа, бхигкавз, асаббурисабхууми яад̣̇ид̣̇ам̣ агад̇ан̃н̃уд̇аа агад̇авзд̣̇ид̇аа. саббурисо жа ко, бхигкавз, гад̇ан̃н̃уу ход̇и гад̇авзд̣̇ий. саб̣бхи хзд̇ам̣, бхигкавз, убан̃н̃аад̇ам̣ яад̣̇ид̣̇ам̣ гад̇ан̃н̃уд̇аа гад̇авзд̣̇ид̇аа. гзвалаа зсаа, бхигкавз, саббурисабхууми яад̣̇ид̣̇ам̣ гад̇ан̃н̃уд̇аа гад̇авзд̣̇ид̇аа’’д̇и.
‘‘Katamā ca, bhikkhave, asappurisabhūmi? Asappuriso, bhikkhave, akataññū hoti akatavedī. Asabbhi hetaṃ, bhikkhave, upaññātaṃ yadidaṃ akataññutā akataveditā. Kevalā esā, bhikkhave, asappurisabhūmi yadidaṃ akataññutā akataveditā. Sappuriso ca kho, bhikkhave, kataññū hoti katavedī. Sabbhi hetaṃ, bhikkhave, upaññātaṃ yadidaṃ kataññutā kataveditā. Kevalā esā, bhikkhave, sappurisabhūmi yadidaṃ kataññutā kataveditā’’ti.
34. ‘‘д̣̇виннаахам̣, бхигкавз, на суббад̇игаарам̣ вад̣̇аами. гад̇амзсам̣ д̣̇виннам̣? маад̇у жа бид̇у жа. згзна, бхигкавз, ам̣сзна маад̇арам̣ барихарзяяа , згзна ам̣сзна бид̇арам̣ барихарзяяа вассасад̇ааяуго вассасад̇аж̇ийвий со жа нзсам̣ ужчаад̣̇анабаримад̣̇д̣̇ананхаабанасамб̣ааханзна. д̇з жа д̇ад̇т̇зва муд̇д̇агарийсам̣ жаж̇зяяум̣. на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа. имиссаа жа, бхигкавз, махаабат̇авияаа бахууд̇арад̇д̇арад̇анааяа 1 маад̇аабид̇аро иссараад̇хибажжз раж̇ж̇з бад̇идтаабзяяа, на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа. д̇ам̣ гисса хзд̇у? б̣ахугаараа 2, бхигкавз, маад̇аабид̇аро буд̇д̇аанам̣ аабаад̣̇агаа босагаа имасса логасса д̣̇ассзд̇ааро. яо жа ко, бхигкавз, маад̇аабид̇аро ассад̣̇д̇хз сад̣̇д̇хаасамбад̣̇ааяа самаад̣̇абзд̇и нивзсзд̇и бад̇идтаабзд̇и, д̣̇уссийлз сийласамбад̣̇ааяа самаад̣̇абзд̇и нивзсзд̇и бад̇идтаабзд̇и, мажчарий жааг̇асамбад̣̇ааяа самаад̣̇абзд̇и нивзсзд̇и бад̇идтаабзд̇и, д̣̇уббан̃н̃з бан̃н̃аасамбад̣̇ааяа самаад̣̇абзд̇и нивзсзд̇и бад̇идтаабзд̇и, зд̇д̇аавад̇аа ко, бхигкавз, маад̇аабид̇уунам̣ гад̇ан̃жа ход̇и бадигад̇ан̃жаа’’д̇и 3.
34. ‘‘Dvinnāhaṃ, bhikkhave, na suppatikāraṃ vadāmi. Katamesaṃ dvinnaṃ? Mātu ca pitu ca. Ekena, bhikkhave, aṃsena mātaraṃ parihareyya , ekena aṃsena pitaraṃ parihareyya vassasatāyuko vassasatajīvī so ca nesaṃ ucchādanaparimaddananhāpanasambāhanena. Te ca tattheva muttakarīsaṃ cajeyyuṃ. Na tveva, bhikkhave, mātāpitūnaṃ kataṃ vā hoti paṭikataṃ vā. Imissā ca, bhikkhave, mahāpathaviyā pahūtarattaratanāya 4 mātāpitaro issarādhipacce rajje patiṭṭhāpeyya, na tveva, bhikkhave, mātāpitūnaṃ kataṃ vā hoti paṭikataṃ vā. Taṃ kissa hetu? Bahukārā 5, bhikkhave, mātāpitaro puttānaṃ āpādakā posakā imassa lokassa dassetāro. Yo ca kho, bhikkhave, mātāpitaro assaddhe saddhāsampadāya samādapeti niveseti patiṭṭhāpeti, dussīle sīlasampadāya samādapeti niveseti patiṭṭhāpeti, maccharī cāgasampadāya samādapeti niveseti patiṭṭhāpeti, duppaññe paññāsampadāya samādapeti niveseti patiṭṭhāpeti, ettāvatā kho, bhikkhave, mātāpitūnaṃ katañca hoti paṭikatañcā’’ti 6.
35. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣…бз… згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘гим̣ваад̣̇ий бхавам̣ г̇од̇амо гимагкааяий’’д̇и? ‘‘гирияаваад̣̇ий жаахам̣, б̣раахман̣а, агирияаваад̣̇ий жаа’’д̇и. ‘‘яат̇аагат̇ам̣ бана бхавам̣ г̇од̇амо гирияаваад̣̇ий жа агирияаваад̣̇ий жаа’’д̇и?
35. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ…pe… ekamantaṃ nisinno kho so brāhmaṇo bhagavantaṃ etadavoca – ‘‘kiṃvādī bhavaṃ gotamo kimakkhāyī’’ti? ‘‘Kiriyavādī cāhaṃ, brāhmaṇa, akiriyavādī cā’’ti. ‘‘Yathākathaṃ pana bhavaṃ gotamo kiriyavādī ca akiriyavādī cā’’ti?
‘‘агирияам̣ ко ахам̣, б̣раахман̣а, вад̣̇аами гааяад̣̇ужжарид̇асса важийд̣̇ужжарид̇асса манод̣̇ужжарид̇асса, анзгавихид̇аанам̣ баабагаанам̣ агусалаанам̣ д̇хаммаанам̣ агирияам̣ вад̣̇аами. гирияан̃жа ко ахам̣, б̣раахман̣а, вад̣̇аами гааяасужарид̇асса важийсужарид̇асса маносужарид̇асса, анзгавихид̇аанам̣ гусалаанам̣ д̇хаммаанам̣ гирияам̣ вад̣̇аами. звам̣ ко ахам̣, б̣раахман̣а, гирияаваад̣̇ий жа агирияаваад̣̇ий жаа’’д̇и.
‘‘Akiriyaṃ kho ahaṃ, brāhmaṇa, vadāmi kāyaduccaritassa vacīduccaritassa manoduccaritassa, anekavihitānaṃ pāpakānaṃ akusalānaṃ dhammānaṃ akiriyaṃ vadāmi. Kiriyañca kho ahaṃ, brāhmaṇa, vadāmi kāyasucaritassa vacīsucaritassa manosucaritassa, anekavihitānaṃ kusalānaṃ dhammānaṃ kiriyaṃ vadāmi. Evaṃ kho ahaṃ, brāhmaṇa, kiriyavādī ca akiriyavādī cā’’ti.
‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
36. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко анаат̇абин̣д̣иго г̇ахабад̇и бхаг̇аванд̇ам̣ зд̇ад̣̇авожа – ‘‘гад̇и ну ко, бханд̇з, логз д̣̇агкин̣зяяаа, гад̇т̇а жа д̣̇аанам̣ д̣̇аад̇аб̣б̣а’’нд̇и? ‘‘д̣̇вз ко, г̇ахабад̇и, логз д̣̇агкин̣зяяаа – сзко жа асзко жа. имз ко, г̇ахабад̇и, д̣̇вз логз д̣̇агкин̣зяяаа, зд̇т̇а жа д̣̇аанам̣ д̣̇аад̇аб̣б̣а’’нд̇и.
36. Atha kho anāthapiṇḍiko gahapati yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho anāthapiṇḍiko gahapati bhagavantaṃ etadavoca – ‘‘kati nu kho, bhante, loke dakkhiṇeyyā, kattha ca dānaṃ dātabba’’nti? ‘‘Dve kho, gahapati, loke dakkhiṇeyyā – sekho ca asekho ca. Ime kho, gahapati, dve loke dakkhiṇeyyā, ettha ca dānaṃ dātabba’’nti.
ид̣̇амавожа бхаг̇аваа. ид̣̇ам̣ вад̇ваана 7 суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna 8 sugato athāparaṃ etadavoca satthā –
‘‘сзко асзко жа имасмим̣ логз,
‘‘Sekho asekho ca imasmiṃ loke,
аахунзяяаа яаж̇амаанаанам̣ хонд̇и;
Āhuneyyā yajamānānaṃ honti;
кзд̇д̇ам̣ д̇ам̣ яаж̇амаанаанам̣, зд̇т̇а д̣̇иннам̣ махабпала’’нд̇и.
Khettaṃ taṃ yajamānānaṃ, ettha dinnaṃ mahapphala’’nti.
37. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа саарибуд̇д̇о саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа – ‘‘аж̇жхад̇д̇асам̣яож̇анан̃жа, аавусо, буг̇г̇алам̣ д̣̇зсзссаами б̣ахид̣̇д̇хаасам̣яож̇анан̃жа. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
37. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto sāvatthiyaṃ viharati pubbārāme migāramātupāsāde. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca – ‘‘ajjhattasaṃyojanañca, āvuso, puggalaṃ desessāmi bahiddhāsaṃyojanañca. Taṃ suṇātha, sādhukaṃ manasi karotha; bhāsissāmī’’ti. ‘‘Evamāvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘гад̇амо жаавусо, аж̇жхад̇д̇асам̣яож̇ано буг̇г̇ало? ид̇хаавусо, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно , ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о ааг̇аамий ход̇и, ааг̇анд̇аа ид̇т̇ад̇д̇ам̣. аяам̣ вужжад̇и, аавусо, аж̇жхад̇д̇асам̣яож̇ано буг̇г̇ало ааг̇аамий ход̇и, ааг̇анд̇аа ид̇т̇ад̇д̇ам̣.
‘‘Katamo cāvuso, ajjhattasaṃyojano puggalo? Idhāvuso, bhikkhu sīlavā hoti, pātimokkhasaṃvarasaṃvuto viharati ācāragocarasampanno , aṇumattesu vajjesu bhayadassāvī, samādāya sikkhati sikkhāpadesu. So kāyassa bhedā paraṃ maraṇā aññataraṃ devanikāyaṃ upapajjati. So tato cuto āgāmī hoti, āgantā itthattaṃ. Ayaṃ vuccati, āvuso, ajjhattasaṃyojano puggalo āgāmī hoti, āgantā itthattaṃ.
‘‘гад̇амо жаавусо, б̣ахид̣̇д̇хаасам̣яож̇ано буг̇г̇ало? ид̇хаавусо, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. со ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о анааг̇аамий ход̇и, анааг̇анд̇аа ид̇т̇ад̇д̇ам̣. аяам̣ вужжад̇аавусо, б̣ахид̣̇д̇хаасам̣яож̇ано буг̇г̇ало анааг̇аамий ход̇и, анааг̇анд̇аа ид̇т̇ад̇д̇ам̣.
‘‘Katamo cāvuso, bahiddhāsaṃyojano puggalo? Idhāvuso, bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. So aññataraṃ santaṃ cetovimuttiṃ upasampajja viharati. So kāyassa bhedā paraṃ maraṇā aññataraṃ devanikāyaṃ upapajjati. So tato cuto anāgāmī hoti, anāgantā itthattaṃ. Ayaṃ vuccatāvuso, bahiddhāsaṃyojano puggalo anāgāmī hoti, anāgantā itthattaṃ.
‘‘буна жабарам̣, аавусо, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. со гаамаанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и. со бхаваанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и. со д̇ан̣хаагкаяааяа бадибанно ход̇и. со лобхагкаяааяа бадибанно ход̇и. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о анааг̇аамий ход̇и, анааг̇анд̇аа ид̇т̇ад̇д̇ам̣. аяам̣ вужжад̇аавусо, б̣ахид̣̇д̇хаасам̣яож̇ано буг̇г̇ало анааг̇аамий ход̇и, анааг̇анд̇аа ид̇т̇ад̇д̇а’’нд̇и.
‘‘Puna caparaṃ, āvuso, bhikkhu sīlavā hoti…pe… samādāya sikkhati sikkhāpadesu. So kāmānaṃyeva nibbidāya virāgāya nirodhāya paṭipanno hoti. So bhavānaṃyeva nibbidāya virāgāya nirodhāya paṭipanno hoti. So taṇhākkhayāya paṭipanno hoti. So lobhakkhayāya paṭipanno hoti. So kāyassa bhedā paraṃ maraṇā aññataraṃ devanikāyaṃ upapajjati. So tato cuto anāgāmī hoti, anāgantā itthattaṃ. Ayaṃ vuccatāvuso, bahiddhāsaṃyojano puggalo anāgāmī hoti, anāgantā itthatta’’nti.
ат̇а ко самб̣ахулаа самажид̇д̇аа д̣̇звад̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа д̣̇звад̇аа бхаг̇аванд̇ам̣ зд̇ад̣̇авожум̣ – ‘‘зсо, бханд̇з, ааяасмаа саарибуд̇д̇о буб̣б̣аараамз миг̇аарамаад̇убаасаад̣̇з бхигкуунам̣ аж̇жхад̇д̇асам̣яож̇анан̃жа буг̇г̇алам̣ д̣̇зсзд̇и б̣ахид̣̇д̇хаасам̣яож̇анан̃жа. хадтаа, бханд̇з, барисаа. саад̇ху, бханд̇з, бхаг̇аваа язнааяасмаа саарибуд̇д̇о д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко бхаг̇аваа – сзяяат̇ааби наама б̣алаваа бурисо самин̃ж̇ид̇ам̣ 11 ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа , звамзвам̣ – ж̇зд̇аванз анд̇арахид̇о буб̣б̣аараамз миг̇аарамаад̇убаасаад̣̇з ааяасмад̇о саарибуд̇д̇асса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. ааяасмааби ко саарибуд̇д̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа –
Atha kho sambahulā samacittā devatā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā devatā bhagavantaṃ etadavocuṃ – ‘‘eso, bhante, āyasmā sāriputto pubbārāme migāramātupāsāde bhikkhūnaṃ ajjhattasaṃyojanañca puggalaṃ deseti bahiddhāsaṃyojanañca. Haṭṭhā, bhante, parisā. Sādhu, bhante, bhagavā yenāyasmā sāriputto tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena. Atha kho bhagavā – seyyathāpi nāma balavā puriso samiñjitaṃ 12 vā bāhaṃ pasāreyya, pasāritaṃ vā bāhaṃ samiñjeyya , evamevaṃ – jetavane antarahito pubbārāme migāramātupāsāde āyasmato sāriputtassa sammukhe pāturahosi. Nisīdi bhagavā paññatte āsane. Āyasmāpi kho sāriputto bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca –
‘‘ид̇ха, саарибуд̇д̇а, самб̣ахулаа самажид̇д̇аа д̣̇звад̇аа язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко, саарибуд̇д̇а, д̇аа д̣̇звад̇аа мам̣ зд̇ад̣̇авожум̣ – ‘зсо, бханд̇з, ааяасмаа саарибуд̇д̇о буб̣б̣аараамз миг̇аарамаад̇убаасаад̣̇з бхигкуунам̣ аж̇жхад̇д̇асам̣яож̇анан̃жа буг̇г̇алам̣ д̣̇зсзд̇и б̣ахид̣̇д̇хаасам̣яож̇анан̃жа. хадтаа, бханд̇з, барисаа. саад̇ху, бханд̇з, бхаг̇аваа язна ааяасмаа саарибуд̇д̇о д̇знубасан̇гамад̇у анугамбам̣ убаад̣̇ааяаа’д̇и. д̇аа ко бана, саарибуд̇д̇а, д̣̇звад̇аа д̣̇асаби худ̇ваа вийсамби худ̇ваа д̇им̣самби худ̇ваа жад̇д̇аалийсамби худ̇ваа бан̃н̃аасамби худ̇ваа садтиби худ̇ваа аараг̇г̇агодинид̇уд̣̇анамад̇д̇зби д̇идтанд̇и, на жа ан̃н̃аман̃н̃ам̣ б̣яааб̣аад̇хзнд̇и 13. сияаа ко бана 14, саарибуд̇д̇а, звамасса – ‘д̇ад̇т̇а нууна д̇аасам̣ д̣̇звад̇аанам̣ д̇ат̇аа жид̇д̇ам̣ бхаавид̇ам̣ язна д̇аа д̣̇звад̇аа д̣̇асаби худ̇ваа вийсамби худ̇ваа д̇им̣самби худ̇ваа жад̇д̇аалийсамби худ̇ваа бан̃н̃аасамби худ̇ваа садтиби худ̇ваа аараг̇г̇агодинид̇уд̣̇анамад̇д̇зби д̇идтанд̇и на жа ан̃н̃аман̃н̃ам̣ б̣яааб̣аад̇хзнд̇ий’д̇и. на ко банзд̇ам̣, саарибуд̇д̇а, звам̣ д̣̇адтаб̣б̣ам̣. ид̇хзва ко, саарибуд̇д̇а, д̇аасам̣ д̣̇звад̇аанам̣ д̇ат̇аа жид̇д̇ам̣ бхаавид̇ам̣, язна д̇аа д̣̇звад̇аа д̣̇асаби худ̇ваа…бз… на жа ан̃н̃аман̃н̃ам̣ б̣яааб̣аад̇хзнд̇и. д̇асмаад̇иха, саарибуд̇д̇а, звам̣ сигкид̇аб̣б̣ам̣ – ‘санд̇инд̣̇рияаа бхависсаама санд̇амаанасаа’д̇и. зван̃хи во, саарибуд̇д̇а, сигкид̇аб̣б̣ам̣. ‘санд̇инд̣̇рияаанан̃хи во, саарибуд̇д̇а, санд̇амаанасаанам̣ санд̇ам̣язва гааяагаммам̣ бхависсад̇и санд̇ам̣ важийгаммам̣ санд̇ам̣ маногаммам̣. санд̇ам̣язва убахаарам̣ убахариссаама саб̣рахмажаарийсуу’д̇и. ‘зван̃хи во, саарибуд̇д̇а, сигкид̇аб̣б̣ам̣. анассум̣ ко, саарибуд̇д̇а, ан̃н̃ад̇ид̇т̇ияаа бариб̣б̣ааж̇агаа яз имам̣ д̇хаммабарияааяам̣ наассосу’’’нд̇и.
‘‘Idha, sāriputta, sambahulā samacittā devatā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ aṭṭhaṃsu. Ekamantaṃ ṭhitā kho, sāriputta, tā devatā maṃ etadavocuṃ – ‘eso, bhante, āyasmā sāriputto pubbārāme migāramātupāsāde bhikkhūnaṃ ajjhattasaṃyojanañca puggalaṃ deseti bahiddhāsaṃyojanañca. Haṭṭhā, bhante, parisā. Sādhu, bhante, bhagavā yena āyasmā sāriputto tenupasaṅkamatu anukampaṃ upādāyā’ti. Tā kho pana, sāriputta, devatā dasapi hutvā vīsampi hutvā tiṃsampi hutvā cattālīsampi hutvā paññāsampi hutvā saṭṭhipi hutvā āraggakoṭinitudanamattepi tiṭṭhanti, na ca aññamaññaṃ byābādhenti 15. Siyā kho pana 16, sāriputta, evamassa – ‘tattha nūna tāsaṃ devatānaṃ tathā cittaṃ bhāvitaṃ yena tā devatā dasapi hutvā vīsampi hutvā tiṃsampi hutvā cattālīsampi hutvā paññāsampi hutvā saṭṭhipi hutvā āraggakoṭinitudanamattepi tiṭṭhanti na ca aññamaññaṃ byābādhentī’ti. Na kho panetaṃ, sāriputta, evaṃ daṭṭhabbaṃ. Idheva kho, sāriputta, tāsaṃ devatānaṃ tathā cittaṃ bhāvitaṃ, yena tā devatā dasapi hutvā…pe… na ca aññamaññaṃ byābādhenti. Tasmātiha, sāriputta, evaṃ sikkhitabbaṃ – ‘santindriyā bhavissāma santamānasā’ti. Evañhi vo, sāriputta, sikkhitabbaṃ. ‘Santindriyānañhi vo, sāriputta, santamānasānaṃ santaṃyeva kāyakammaṃ bhavissati santaṃ vacīkammaṃ santaṃ manokammaṃ. Santaṃyeva upahāraṃ upaharissāma sabrahmacārīsū’ti. ‘Evañhi vo, sāriputta, sikkhitabbaṃ. Anassuṃ kho, sāriputta, aññatitthiyā paribbājakā ye imaṃ dhammapariyāyaṃ nāssosu’’’nti.
38. звам̣ мз суд̇ам̣ – згам̣ самаяам̣ ааяасмаа махаагажжаано варан̣ааяам̣ вихарад̇и бхад̣̇д̣̇асаарид̇ийрз 17. ат̇а ко аараамад̣̇ан̣д̣о б̣раахман̣о язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко аараамад̣̇ан̣д̣о б̣раахман̣о ааяасманд̇ам̣ махаагажжаанам̣ зд̇ад̣̇авожа – ‘‘го ну ко, бхо гажжаана, хзд̇у го бажжаяо язна кад̇д̇ияааби кад̇д̇иязхи вивад̣̇анд̇и, б̣раахман̣ааби б̣раахман̣зхи вивад̣̇анд̇и, г̇ахабад̇игааби г̇ахабад̇игзхи вивад̣̇анд̇ий’’д̇и? ‘‘гаамарааг̇аабхинивзсавиниб̣анд̇ха 18 балиг̇зд̇хабарияудтаанаж̇жхосаанахзд̇у ко, б̣раахман̣а, кад̇д̇ияааби кад̇д̇иязхи вивад̣̇анд̇и, б̣раахман̣ааби б̣раахман̣зхи вивад̣̇анд̇и, г̇ахабад̇игааби г̇ахабад̇игзхи вивад̣̇анд̇ий’’д̇и.
38. Evaṃ me sutaṃ – ekaṃ samayaṃ āyasmā mahākaccāno varaṇāyaṃ viharati bhaddasāritīre 19. Atha kho ārāmadaṇḍo brāhmaṇo yenāyasmā mahākaccāno tenupasaṅkami; upasaṅkamitvā āyasmatā mahākaccānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho ārāmadaṇḍo brāhmaṇo āyasmantaṃ mahākaccānaṃ etadavoca – ‘‘ko nu kho, bho kaccāna, hetu ko paccayo yena khattiyāpi khattiyehi vivadanti, brāhmaṇāpi brāhmaṇehi vivadanti, gahapatikāpi gahapatikehi vivadantī’’ti? ‘‘Kāmarāgābhinivesavinibandha 20 paligedhapariyuṭṭhānajjhosānahetu kho, brāhmaṇa, khattiyāpi khattiyehi vivadanti, brāhmaṇāpi brāhmaṇehi vivadanti, gahapatikāpi gahapatikehi vivadantī’’ti.
‘‘го бана, бхо гажжаана, хзд̇у го бажжаяо язна саман̣ааби саман̣зхи вивад̣̇анд̇ий’’д̇и? ‘‘д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанахзд̇у ко, б̣раахман̣а, саман̣ааби саман̣зхи вивад̣̇анд̇ий’’д̇и.
‘‘Ko pana, bho kaccāna, hetu ko paccayo yena samaṇāpi samaṇehi vivadantī’’ti? ‘‘Diṭṭhirāgābhinivesavinibandhapaligedhapariyuṭṭhānajjhosānahetu kho, brāhmaṇa, samaṇāpi samaṇehi vivadantī’’ti.
‘‘ад̇т̇и бана, бхо гажжаана, гожи логасмим̣ яо иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и? ‘‘ад̇т̇и, б̣раахман̣а, логасмим̣ яо иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
‘‘Atthi pana, bho kaccāna, koci lokasmiṃ yo imañceva kāmarāgābhinivesavinibandhapaligedhapariyuṭṭhānajjhosānaṃ samatikkanto, imañca diṭṭhirāgābhinivesavinibandhapaligedhapariyuṭṭhānajjhosānaṃ samatikkanto’’ti? ‘‘Atthi, brāhmaṇa, lokasmiṃ yo imañceva kāmarāgābhinivesavinibandhapaligedhapariyuṭṭhānajjhosānaṃ samatikkanto, imañca diṭṭhirāgābhinivesavinibandhapaligedhapariyuṭṭhānajjhosānaṃ samatikkanto’’ti.
‘‘го бана со, бхо гажжаана, логасмим̣ яо иман̃жзва гааг̇арааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и? ‘‘ад̇т̇и, б̣раахман̣а, бурад̇т̇имзсу ж̇анабад̣̇зсу саавад̇т̇ий наама наг̇арам̣. д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо. со хи, б̣раахман̣а, бхаг̇аваа иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о , иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
‘‘Ko pana so, bho kaccāna, lokasmiṃ yo imañceva kāgarāgābhinivesavinibandhapaligedhapariyuṭṭhānajjhosānaṃ samatikkanto, imañca diṭṭhirāgābhinivesavinibandhapaligedhapariyuṭṭhānajjhosānaṃ samatikkanto’’ti? ‘‘Atthi, brāhmaṇa, puratthimesu janapadesu sāvatthī nāma nagaraṃ. Tattha so bhagavā etarahi viharati arahaṃ sammāsambuddho. So hi, brāhmaṇa, bhagavā imañceva kāmarāgābhinivesavinibandhapaligedhapariyuṭṭhānajjhosānaṃ samatikkanto , imañca diṭṭhirāgābhinivesavinibandhapaligedhapariyuṭṭhānajjhosānaṃ samatikkanto’’ti.
звам̣ вуд̇д̇з аараамад̣̇ан̣д̣о б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇агкин̣ам̣ ж̇аан̣уман̣д̣алам̣ бат̇авияам̣ ниханд̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси –
Evaṃ vutte ārāmadaṇḍo brāhmaṇo uṭṭhāyāsanā ekaṃsaṃ uttarāsaṅgaṃ karitvā dakkhiṇaṃ jāṇumaṇḍalaṃ pathaviyaṃ nihantvā yena bhagavā tenañjaliṃ paṇāmetvā tikkhattuṃ udānaṃ udānesi –
‘‘намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хасса. яо хи со бхаг̇аваа иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
‘‘Namo tassa bhagavato arahato sammāsambuddhassa, namo tassa bhagavato arahato sammāsambuddhassa, namo tassa bhagavato arahato sammāsambuddhassa. Yo hi so bhagavā imañceva kāmarāgābhinivesavinibandhapaligedhapariyuṭṭhānajjhosānaṃ samatikkanto, imañca diṭṭhirāgābhinivesavinibandhapaligedhapariyuṭṭhānajjhosānaṃ samatikkanto’’ti.
‘‘абхигганд̇ам̣, бхо гажжаана, абхигганд̇ам̣, бхо гажжаана! сзяяат̇ааби, бхо гажжаана, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и, звамзвам̣ бход̇аа гажжаанзна анзгабарияааязна д̇хаммо багаасид̇о. зсаахам̣, бхо гажжаана, д̇ам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ, bho kaccāna, abhikkantaṃ, bho kaccāna! Seyyathāpi, bho kaccāna, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti, evamevaṃ bhotā kaccānena anekapariyāyena dhammo pakāsito. Esāhaṃ, bho kaccāna, taṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti.
39. згам̣ самаяам̣ ааяасмаа махаагажжаано мад̇хурааяам̣ вихарад̇и г̇унд̣̇ааванз. ат̇а ко ганд̣̇арааяано 21 б̣раахман̣о язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣…бз… згаманд̇ам̣ нисинно ко ганд̣̇арааяано б̣раахман̣о ааяасманд̇ам̣ махаагажжаанам̣ зд̇ад̣̇авожа – ‘‘суд̇ам̣ мзд̇ам̣, бхо гажжаана, ‘на саман̣о гажжаано б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇ий’д̇и. д̇аяид̣̇ам̣, бхо гажжаана, д̇ат̇зва? на хи бхавам̣ гажжаано б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇и. д̇аяид̣̇ам̣, бхо гажжаана, на самбаннамзваа’’д̇и.
39. Ekaṃ samayaṃ āyasmā mahākaccāno madhurāyaṃ viharati gundāvane. Atha kho kandarāyano 22 brāhmaṇo yenāyasmā mahākaccāno tenupasaṅkami; upasaṅkamitvā āyasmatā mahākaccānena saddhiṃ…pe… ekamantaṃ nisinno kho kandarāyano brāhmaṇo āyasmantaṃ mahākaccānaṃ etadavoca – ‘‘sutaṃ metaṃ, bho kaccāna, ‘na samaṇo kaccāno brāhmaṇe jiṇṇe vuddhe mahallake addhagate vayoanuppatte abhivādeti vā paccuṭṭheti vā āsanena vā nimantetī’ti. Tayidaṃ, bho kaccāna, tatheva? Na hi bhavaṃ kaccāno brāhmaṇe jiṇṇe vuddhe mahallake addhagate vayoanuppatte abhivādeti vā paccuṭṭheti vā āsanena vā nimanteti. Tayidaṃ, bho kaccāna, na sampannamevā’’ti.
‘‘ад̇т̇и, б̣раахман̣а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна вуд̣̇д̇хабхууми жа агкаад̇аа д̣̇ахарабхууми жа. вуд̣̇д̇хо жзби, б̣раахман̣а, ход̇и аасийд̇иго ваа наавуд̇иго ваа вассасад̇иго ваа ж̇аад̇ияаа, со жа гаамз барибхун̃ж̇ад̇и гаамамаж̇жхаавасад̇и гаамабарил̣аахзна барид̣аяхад̇и гаамавид̇аггзхи каж̇ж̇ад̇и гаамабариязсанааяа уссуго. ат̇а ко со б̣аало на т̇зрод̇взва сан̇кяам̣ г̇ажчад̇и. д̣̇ахаро жзби, б̣раахман̣а, ход̇и яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа . со жа на гаамз барибхун̃ж̇ад̇и на гаамамаж̇жхаавасад̇и, на гаамабарил̣аахзна барид̣аяхад̇и, на гаамавид̇аггзхи каж̇ж̇ад̇и, на гаамабариязсанааяа уссуго. ат̇а ко со бан̣д̣ид̇о т̇зрод̇взва сан̇кяам̣ г̇ажчад̇ий’’д̇и.
‘‘Atthi, brāhmaṇa, tena bhagavatā jānatā passatā arahatā sammāsambuddhena vuddhabhūmi ca akkhātā daharabhūmi ca. Vuddho cepi, brāhmaṇa, hoti āsītiko vā nāvutiko vā vassasatiko vā jātiyā, so ca kāme paribhuñjati kāmamajjhāvasati kāmapariḷāhena pariḍayhati kāmavitakkehi khajjati kāmapariyesanāya ussuko. Atha kho so bālo na therotveva saṅkhyaṃ gacchati. Daharo cepi, brāhmaṇa, hoti yuvā susukāḷakeso bhadrena yobbanena samannāgato paṭhamena vayasā . So ca na kāme paribhuñjati na kāmamajjhāvasati, na kāmapariḷāhena pariḍayhati, na kāmavitakkehi khajjati, na kāmapariyesanāya ussuko. Atha kho so paṇḍito therotveva saṅkhyaṃ gacchatī’’ti.
звам̣ вуд̇д̇з ганд̣̇арааяано б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇ахараанам̣ сад̇ам̣ 23 бхигкуунам̣ баад̣̇з сирасаа ванд̣̇ад̇и – ‘‘вуд̣̇д̇хаа бхаванд̇о, вуд̣̇д̇хабхуумияам̣ тид̇аа. д̣̇ахараа маяам̣, д̣̇ахарабхуумияам̣ тид̇аа’’д̇и.
Evaṃ vutte kandarāyano brāhmaṇo uṭṭhāyāsanā ekaṃsaṃ uttarāsaṅgaṃ karitvā daharānaṃ sataṃ 24 bhikkhūnaṃ pāde sirasā vandati – ‘‘vuddhā bhavanto, vuddhabhūmiyaṃ ṭhitā. Daharā mayaṃ, daharabhūmiyaṃ ṭhitā’’ti.
‘‘абхигганд̇ам̣, бхо гажжаана…бз… убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ, bho kaccāna…pe… upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti.
40. ‘‘яасмим̣, бхигкавз, самаяз жораа б̣алаванд̇о хонд̇и, рааж̇аано д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз ран̃н̃о на паасу ход̇и ад̇ияаад̇ум̣ ваа нияяаад̇ум̣ ваа бажжанд̇имз ваа ж̇анабад̣̇з анусан̃н̃аад̇ум̣. б̣раахман̣аг̇ахабад̇игаанамби д̇асмим̣ самаяз на паасу ход̇и ад̇ияаад̇ум̣ ваа нияяаад̇ум̣ ваа б̣аахираани ваа гамманд̇аани бадивзгкид̇ум̣. звамзвам̣ ко, бхигкавз, яасмим̣ самаяз баабабхигкуу б̣алаванд̇о хонд̇и, бзсалаа бхигкуу д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз бзсалаа бхигкуу д̇ун̣хийбхууд̇аа д̇ун̣хийбхууд̇аава сан̇гхамаж̇жхз сан̇гасааяанд̇и 25 бажжанд̇имз ваа ж̇анабад̣̇з ажчанд̇и 26. д̇аяид̣̇ам̣, бхигкавз, ход̇и б̣ахуж̇анаахид̇ааяа б̣ахуж̇анаасукааяа, б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣.
40. ‘‘Yasmiṃ, bhikkhave, samaye corā balavanto honti, rājāno tasmiṃ samaye dubbalā honti. Tasmiṃ, bhikkhave, samaye rañño na phāsu hoti atiyātuṃ vā niyyātuṃ vā paccantime vā janapade anusaññātuṃ. Brāhmaṇagahapatikānampi tasmiṃ samaye na phāsu hoti atiyātuṃ vā niyyātuṃ vā bāhirāni vā kammantāni paṭivekkhituṃ. Evamevaṃ kho, bhikkhave, yasmiṃ samaye pāpabhikkhū balavanto honti, pesalā bhikkhū tasmiṃ samaye dubbalā honti. Tasmiṃ, bhikkhave, samaye pesalā bhikkhū tuṇhībhūtā tuṇhībhūtāva saṅghamajjhe saṅkasāyanti 27 paccantime vā janapade acchanti 28. Tayidaṃ, bhikkhave, hoti bahujanāhitāya bahujanāsukhāya, bahuno janassa anatthāya ahitāya dukkhāya devamanussānaṃ.
‘‘яасмим̣ , бхигкавз, самаяз рааж̇аано б̣алаванд̇о хонд̇и, жораа д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз ран̃н̃о паасу ход̇и ад̇ияаад̇ум̣ ваа нияяаад̇ум̣ ваа бажжанд̇имз ваа ж̇анабад̣̇з анусан̃н̃аад̇ум̣. б̣раахман̣аг̇ахабад̇игаанамби д̇асмим̣ самаяз паасу ход̇и ад̇ияаад̇ум̣ ваа нияяаад̇ум̣ ваа б̣аахираани ваа гамманд̇аани бадивзгкид̇ум̣. звамзвам̣ ко, бхигкавз, яасмим̣ самаяз бзсалаа бхигкуу б̣алаванд̇о хонд̇и, баабабхигкуу д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз баабабхигкуу д̇ун̣хийбхууд̇аа д̇ун̣хийбхууд̇аава сан̇гхамаж̇жхз сан̇гасааяанд̇и, язна ваа бана д̇зна баггаманд̇и 29. д̇аяид̣̇ам̣, бхигкавз, ход̇и б̣ахуж̇анахид̇ааяа б̣ахуж̇анасукааяа, б̣ахуно ж̇анасса ад̇т̇ааяа хид̇ааяа сукааяа д̣̇звамануссаана’’нд̇и.
‘‘Yasmiṃ , bhikkhave, samaye rājāno balavanto honti, corā tasmiṃ samaye dubbalā honti. Tasmiṃ, bhikkhave, samaye rañño phāsu hoti atiyātuṃ vā niyyātuṃ vā paccantime vā janapade anusaññātuṃ. Brāhmaṇagahapatikānampi tasmiṃ samaye phāsu hoti atiyātuṃ vā niyyātuṃ vā bāhirāni vā kammantāni paṭivekkhituṃ. Evamevaṃ kho, bhikkhave, yasmiṃ samaye pesalā bhikkhū balavanto honti, pāpabhikkhū tasmiṃ samaye dubbalā honti. Tasmiṃ, bhikkhave, samaye pāpabhikkhū tuṇhībhūtā tuṇhībhūtāva saṅghamajjhe saṅkasāyanti, yena vā pana tena pakkamanti 30. Tayidaṃ, bhikkhave, hoti bahujanahitāya bahujanasukhāya, bahuno janassa atthāya hitāya sukhāya devamanussāna’’nti.
41. ‘‘д̣̇виннаахам̣ , бхигкавз, мижчаабадибад̇д̇им̣ на ван̣н̣зми, г̇ихисса ваа баб̣б̣аж̇ид̇асса ваа. г̇ихий ваа, бхигкавз, баб̣б̣аж̇ид̇о ваа мижчаабадибанно мижчаабадибад̇д̇аад̇хигаран̣ахзд̇у на аараад̇хаго ход̇и н̃ааяам̣ д̇хаммам̣ гусалам̣.
41. ‘‘Dvinnāhaṃ , bhikkhave, micchāpaṭipattiṃ na vaṇṇemi, gihissa vā pabbajitassa vā. Gihī vā, bhikkhave, pabbajito vā micchāpaṭipanno micchāpaṭipattādhikaraṇahetu na ārādhako hoti ñāyaṃ dhammaṃ kusalaṃ.
‘‘д̣̇виннаахам̣, бхигкавз, саммаабадибад̇д̇им̣ ван̣н̣зми, г̇ихисса ваа баб̣б̣аж̇ид̇асса ваа. г̇ихий ваа, бхигкавз, баб̣б̣аж̇ид̇о ваа саммаабадибанно саммаабадибад̇д̇аад̇хигаран̣ахзд̇у аараад̇хаго ход̇и н̃ааяам̣ д̇хаммам̣ гусала’’нд̇и.
‘‘Dvinnāhaṃ, bhikkhave, sammāpaṭipattiṃ vaṇṇemi, gihissa vā pabbajitassa vā. Gihī vā, bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti.
42. ‘‘яз д̇з, бхигкавз, бхигкуу д̣̇уг̇г̇ахид̇зхи суд̇д̇анд̇зхи б̣яан̃ж̇анаббад̇ируубагзхи ад̇т̇ан̃жа д̇хамман̃жа бадивааханд̇и д̇з, бхигкавз, бхигкуу б̣ахуж̇анаахид̇ааяа бадибаннаа б̣ахуж̇анаасукааяа, б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. б̣ахун̃жа д̇з, бхигкавз, бхигкуу абун̃н̃ам̣ басаванд̇и, д̇з жимам̣ сад̣̇д̇хаммам̣ анд̇арад̇хаабзнд̇и.
42. ‘‘Ye te, bhikkhave, bhikkhū duggahitehi suttantehi byañjanappatirūpakehi atthañca dhammañca paṭivāhanti te, bhikkhave, bhikkhū bahujanāhitāya paṭipannā bahujanāsukhāya, bahuno janassa anatthāya ahitāya dukkhāya devamanussānaṃ. Bahuñca te, bhikkhave, bhikkhū apuññaṃ pasavanti, te cimaṃ saddhammaṃ antaradhāpenti.
‘‘яз д̇з, бхигкавз, бхигкуу суг̇г̇ахид̇зхи суд̇д̇анд̇зхи б̣яан̃ж̇анаббад̇ируубагзхи ад̇т̇ан̃жа д̇хамман̃жа ануломзнд̇и д̇з, бхигкавз, бхигкуу б̣ахуж̇анахид̇ааяа бадибаннаа б̣ахуж̇анасукааяа, б̣ахуно ж̇анасса ад̇т̇ааяа хид̇ааяа сукааяа д̣̇звамануссаанам̣. б̣ахун̃жа д̇з, бхигкавз, бхигкуу бун̃н̃ам̣ басаванд̇и, д̇з жимам̣ сад̣̇д̇хаммам̣ табзнд̇ий’’д̇и.
‘‘Ye te, bhikkhave, bhikkhū suggahitehi suttantehi byañjanappatirūpakehi atthañca dhammañca anulomenti te, bhikkhave, bhikkhū bahujanahitāya paṭipannā bahujanasukhāya, bahuno janassa atthāya hitāya sukhāya devamanussānaṃ. Bahuñca te, bhikkhave, bhikkhū puññaṃ pasavanti, te cimaṃ saddhammaṃ ṭhapentī’’ti.
самажид̇д̇аваг̇г̇о жад̇уд̇т̇о.
Samacittavaggo catuttho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. самажид̇д̇аваг̇г̇аван̣н̣анаа • 4. Samacittavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. самажид̇д̇аваг̇г̇аван̣н̣анаа • 4. Samacittavaggavaṇṇanā
