| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೮. ಸಲ್ಲಸುತ್ತಂ
8. Sallasuttaṃ
೫೭೯.
579.
ಅನಿಮಿತ್ತಮನಞ್ಞಾತಂ , ಮಚ್ಚಾನಂ ಇಧ ಜೀವಿತಂ।
Animittamanaññātaṃ , maccānaṃ idha jīvitaṃ;
ಕಸಿರಞ್ಚ ಪರಿತ್ತಞ್ಚ, ತಞ್ಚ ದುಕ್ಖೇನ ಸಂಯುತಂ॥
Kasirañca parittañca, tañca dukkhena saṃyutaṃ.
೫೮೦.
580.
ನ ಹಿ ಸೋ ಉಪಕ್ಕಮೋ ಅತ್ಥಿ, ಯೇನ ಜಾತಾ ನ ಮಿಯ್ಯರೇ।
Na hi so upakkamo atthi, yena jātā na miyyare;
ಜರಮ್ಪಿ ಪತ್ವಾ ಮರಣಂ, ಏವಂಧಮ್ಮಾ ಹಿ ಪಾಣಿನೋ॥
Jarampi patvā maraṇaṃ, evaṃdhammā hi pāṇino.
೫೮೧.
581.
ಏವಂ ಜಾತಾನ ಮಚ್ಚಾನಂ, ನಿಚ್ಚಂ ಮರಣತೋ ಭಯಂ॥
Evaṃ jātāna maccānaṃ, niccaṃ maraṇato bhayaṃ.
೫೮೨.
582.
ಯಥಾಪಿ ಕುಮ್ಭಕಾರಸ್ಸ, ಕತಾ ಮತ್ತಿಕಭಾಜನಾ।
Yathāpi kumbhakārassa, katā mattikabhājanā;
೫೮೩.
583.
ದಹರಾ ಚ ಮಹನ್ತಾ ಚ, ಯೇ ಬಾಲಾ ಯೇ ಚ ಪಣ್ಡಿತಾ।
Daharā ca mahantā ca, ye bālā ye ca paṇḍitā;
ಸಬ್ಬೇ ಮಚ್ಚುವಸಂ ಯನ್ತಿ, ಸಬ್ಬೇ ಮಚ್ಚುಪರಾಯಣಾ॥
Sabbe maccuvasaṃ yanti, sabbe maccuparāyaṇā.
೫೮೪.
584.
ತೇಸಂ ಮಚ್ಚುಪರೇತಾನಂ, ಗಚ್ಛತಂ ಪರಲೋಕತೋ।
Tesaṃ maccuparetānaṃ, gacchataṃ paralokato;
ನ ಪಿತಾ ತಾಯತೇ ಪುತ್ತಂ, ಞಾತೀ ವಾ ಪನ ಞಾತಕೇ॥
Na pitā tāyate puttaṃ, ñātī vā pana ñātake.
೫೮೫.
585.
ಪೇಕ್ಖತಂ ಯೇವ ಞಾತೀನಂ, ಪಸ್ಸ ಲಾಲಪತಂ ಪುಥು।
Pekkhataṃ yeva ñātīnaṃ, passa lālapataṃ puthu;
೫೮೬.
586.
ಏವಮಬ್ಭಾಹತೋ ಲೋಕೋ, ಮಚ್ಚುನಾ ಚ ಜರಾಯ ಚ।
Evamabbhāhato loko, maccunā ca jarāya ca;
ತಸ್ಮಾ ಧೀರಾ ನ ಸೋಚನ್ತಿ, ವಿದಿತ್ವಾ ಲೋಕಪರಿಯಾಯಂ॥
Tasmā dhīrā na socanti, viditvā lokapariyāyaṃ.
೫೮೭.
587.
ಯಸ್ಸ ಮಗ್ಗಂ ನ ಜಾನಾಸಿ, ಆಗತಸ್ಸ ಗತಸ್ಸ ವಾ।
Yassa maggaṃ na jānāsi, āgatassa gatassa vā;
ಉಭೋ ಅನ್ತೇ ಅಸಮ್ಪಸ್ಸಂ, ನಿರತ್ಥಂ ಪರಿದೇವಸಿ॥
Ubho ante asampassaṃ, niratthaṃ paridevasi.
೫೮೮.
588.
ಪರಿದೇವಯಮಾನೋ ಚೇ, ಕಿಞ್ಚಿದತ್ಥಂ ಉದಬ್ಬಹೇ।
Paridevayamāno ce, kiñcidatthaṃ udabbahe;
ಸಮ್ಮೂಳ್ಹೋ ಹಿಂಸಮತ್ತಾನಂ, ಕಯಿರಾ ಚೇ ನಂ ವಿಚಕ್ಖಣೋ॥
Sammūḷho hiṃsamattānaṃ, kayirā ce naṃ vicakkhaṇo.
೫೮೯.
589.
ನ ಹಿ ರುಣ್ಣೇನ ಸೋಕೇನ, ಸನ್ತಿಂ ಪಪ್ಪೋತಿ ಚೇತಸೋ।
Na hi ruṇṇena sokena, santiṃ pappoti cetaso;
ಭಿಯ್ಯಸ್ಸುಪ್ಪಜ್ಜತೇ ದುಕ್ಖಂ, ಸರೀರಂ ಚುಪಹಞ್ಞತಿ॥
Bhiyyassuppajjate dukkhaṃ, sarīraṃ cupahaññati.
೫೯೦.
590.
ಕಿಸೋ ವಿವಣ್ಣೋ ಭವತಿ, ಹಿಂಸಮತ್ತಾನಮತ್ತನಾ।
Kiso vivaṇṇo bhavati, hiṃsamattānamattanā;
ನ ತೇನ ಪೇತಾ ಪಾಲೇನ್ತಿ, ನಿರತ್ಥಾ ಪರಿದೇವನಾ॥
Na tena petā pālenti, niratthā paridevanā.
೫೯೧.
591.
ಸೋಕಮಪ್ಪಜಹಂ ಜನ್ತು, ಭಿಯ್ಯೋ ದುಕ್ಖಂ ನಿಗಚ್ಛತಿ।
Sokamappajahaṃ jantu, bhiyyo dukkhaṃ nigacchati;
೫೯೨.
592.
ಅಞ್ಞೇಪಿ ಪಸ್ಸ ಗಮಿನೇ, ಯಥಾಕಮ್ಮೂಪಗೇ ನರೇ।
Aññepi passa gamine, yathākammūpage nare;
ಮಚ್ಚುನೋ ವಸಮಾಗಮ್ಮ, ಫನ್ದನ್ತೇವಿಧ ಪಾಣಿನೋ॥
Maccuno vasamāgamma, phandantevidha pāṇino.
೫೯೩.
593.
ಯೇನ ಯೇನ ಹಿ ಮಞ್ಞನ್ತಿ, ತತೋ ತಂ ಹೋತಿ ಅಞ್ಞಥಾ।
Yena yena hi maññanti, tato taṃ hoti aññathā;
ಏತಾದಿಸೋ ವಿನಾಭಾವೋ, ಪಸ್ಸ ಲೋಕಸ್ಸ ಪರಿಯಾಯಂ॥
Etādiso vinābhāvo, passa lokassa pariyāyaṃ.
೫೯೪.
594.
ಅಪಿ ವಸ್ಸಸತಂ ಜೀವೇ, ಭಿಯ್ಯೋ ವಾ ಪನ ಮಾಣವೋ।
Api vassasataṃ jīve, bhiyyo vā pana māṇavo;
ಞಾತಿಸಙ್ಘಾ ವಿನಾ ಹೋತಿ, ಜಹಾತಿ ಇಧ ಜೀವಿತಂ॥
Ñātisaṅghā vinā hoti, jahāti idha jīvitaṃ.
೫೯೫.
595.
ತಸ್ಮಾ ಅರಹತೋ ಸುತ್ವಾ, ವಿನೇಯ್ಯ ಪರಿದೇವಿತಂ।
Tasmā arahato sutvā, vineyya paridevitaṃ;
ಪೇತಂ ಕಾಲಙ್ಕತಂ ದಿಸ್ವಾ, ನೇಸೋ ಲಬ್ಭಾ ಮಯಾ ಇತಿ॥
Petaṃ kālaṅkataṃ disvā, neso labbhā mayā iti.
೫೯೬.
596.
ಏವಮ್ಪಿ ಧೀರೋ ಸಪಞ್ಞೋ, ಪಣ್ಡಿತೋ ಕುಸಲೋ ನರೋ।
Evampi dhīro sapañño, paṇḍito kusalo naro;
ಖಿಪ್ಪಮುಪ್ಪತಿತಂ ಸೋಕಂ, ವಾತೋ ತೂಲಂವ ಧಂಸಯೇ॥
Khippamuppatitaṃ sokaṃ, vāto tūlaṃva dhaṃsaye.
೫೯೭.
597.
ಪರಿದೇವಂ ಪಜಪ್ಪಞ್ಚ, ದೋಮನಸ್ಸಞ್ಚ ಅತ್ತನೋ।
Paridevaṃ pajappañca, domanassañca attano;
ಅತ್ತನೋ ಸುಖಮೇಸಾನೋ, ಅಬ್ಬಹೇ ಸಲ್ಲಮತ್ತನೋ॥
Attano sukhamesāno, abbahe sallamattano.
೫೯೮.
598.
ಅಬ್ಬುಳ್ಹಸಲ್ಲೋ ಅಸಿತೋ, ಸನ್ತಿಂ ಪಪ್ಪುಯ್ಯ ಚೇತಸೋ।
Abbuḷhasallo asito, santiṃ pappuyya cetaso;
ಸಬ್ಬಸೋಕಂ ಅತಿಕ್ಕನ್ತೋ, ಅಸೋಕೋ ಹೋತಿ ನಿಬ್ಬುತೋತಿ॥
Sabbasokaṃ atikkanto, asoko hoti nibbutoti.
ಸಲ್ಲಸುತ್ತಂ ಅಟ್ಠಮಂ ನಿಟ್ಠಿತಂ।
Sallasuttaṃ aṭṭhamaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೮. ಸಲ್ಲಸುತ್ತವಣ್ಣನಾ • 8. Sallasuttavaṇṇanā
