| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
8. ஸல்லஸுத்தங்
8. Sallasuttaṃ
579.
579.
அனிமித்தமனஞ்ஞாதங் , மச்சானங் இத⁴ ஜீவிதங்;
Animittamanaññātaṃ , maccānaṃ idha jīvitaṃ;
கஸிரஞ்ச பரித்தஞ்ச, தஞ்ச து³க்கே²ன ஸங்யுதங்.
Kasirañca parittañca, tañca dukkhena saṃyutaṃ.
580.
580.
ந ஹி ஸோ உபக்கமோ அத்தி², யேன ஜாதா ந மிய்யரே;
Na hi so upakkamo atthi, yena jātā na miyyare;
ஜரம்பி பத்வா மரணங், ஏவங்த⁴ம்மா ஹி பாணினோ.
Jarampi patvā maraṇaṃ, evaṃdhammā hi pāṇino.
581.
581.
ஏவங் ஜாதான மச்சானங், நிச்சங் மரணதோ ப⁴யங்.
Evaṃ jātāna maccānaṃ, niccaṃ maraṇato bhayaṃ.
582.
582.
யதா²பி கும்ப⁴காரஸ்ஸ, கதா மத்திகபா⁴ஜனா;
Yathāpi kumbhakārassa, katā mattikabhājanā;
583.
583.
த³ஹரா ச மஹந்தா ச, யே பா³லா யே ச பண்டி³தா;
Daharā ca mahantā ca, ye bālā ye ca paṇḍitā;
ஸப்³பே³ மச்சுவஸங் யந்தி, ஸப்³பே³ மச்சுபராயணா.
Sabbe maccuvasaṃ yanti, sabbe maccuparāyaṇā.
584.
584.
தேஸங் மச்சுபரேதானங், க³ச்ச²தங் பரலோகதோ;
Tesaṃ maccuparetānaṃ, gacchataṃ paralokato;
ந பிதா தாயதே புத்தங், ஞாதீ வா பன ஞாதகே.
Na pitā tāyate puttaṃ, ñātī vā pana ñātake.
585.
585.
பெக்க²தங் யேவ ஞாதீனங், பஸ்ஸ லாலபதங் புது²;
Pekkhataṃ yeva ñātīnaṃ, passa lālapataṃ puthu;
586.
586.
ஏவமப்³பா⁴ஹதோ லோகோ, மச்சுனா ச ஜராய ச;
Evamabbhāhato loko, maccunā ca jarāya ca;
தஸ்மா தீ⁴ரா ந ஸோசந்தி, விதி³த்வா லோகபரியாயங்.
Tasmā dhīrā na socanti, viditvā lokapariyāyaṃ.
587.
587.
யஸ்ஸ மக்³க³ங் ந ஜானாஸி, ஆக³தஸ்ஸ க³தஸ்ஸ வா;
Yassa maggaṃ na jānāsi, āgatassa gatassa vā;
உபோ⁴ அந்தே அஸம்பஸ்ஸங், நிரத்த²ங் பரிதே³வஸி.
Ubho ante asampassaṃ, niratthaṃ paridevasi.
588.
588.
பரிதே³வயமானோ சே, கிஞ்சித³த்த²ங் உத³ப்³ப³ஹே;
Paridevayamāno ce, kiñcidatthaṃ udabbahe;
ஸம்மூள்ஹோ ஹிங்ஸமத்தானங், கயிரா சே நங் விசக்க²ணோ.
Sammūḷho hiṃsamattānaṃ, kayirā ce naṃ vicakkhaṇo.
589.
589.
ந ஹி ருண்ணேன ஸோகேன, ஸந்திங் பப்போதி சேதஸோ;
Na hi ruṇṇena sokena, santiṃ pappoti cetaso;
பி⁴ய்யஸ்ஸுப்பஜ்ஜதே து³க்க²ங், ஸரீரங் சுபஹஞ்ஞதி.
Bhiyyassuppajjate dukkhaṃ, sarīraṃ cupahaññati.
590.
590.
கிஸோ விவண்ணோ ப⁴வதி, ஹிங்ஸமத்தானமத்தனா;
Kiso vivaṇṇo bhavati, hiṃsamattānamattanā;
ந தேன பேதா பாலெந்தி, நிரத்தா² பரிதே³வனா.
Na tena petā pālenti, niratthā paridevanā.
591.
591.
ஸோகமப்பஜஹங் ஜந்து, பி⁴ய்யோ து³க்க²ங் நிக³ச்ச²தி;
Sokamappajahaṃ jantu, bhiyyo dukkhaṃ nigacchati;
592.
592.
அஞ்ஞேபி பஸ்ஸ க³மினே, யதா²கம்மூபகே³ நரே;
Aññepi passa gamine, yathākammūpage nare;
மச்சுனோ வஸமாக³ம்ம, ப²ந்த³ந்தேவித⁴ பாணினோ.
Maccuno vasamāgamma, phandantevidha pāṇino.
593.
593.
யேன யேன ஹி மஞ்ஞந்தி, ததோ தங் ஹோதி அஞ்ஞதா²;
Yena yena hi maññanti, tato taṃ hoti aññathā;
ஏதாதி³ஸோ வினாபா⁴வோ, பஸ்ஸ லோகஸ்ஸ பரியாயங்.
Etādiso vinābhāvo, passa lokassa pariyāyaṃ.
594.
594.
அபி வஸ்ஸஸதங் ஜீவே, பி⁴ய்யோ வா பன மாணவோ;
Api vassasataṃ jīve, bhiyyo vā pana māṇavo;
ஞாதிஸங்கா⁴ வினா ஹோதி, ஜஹாதி இத⁴ ஜீவிதங்.
Ñātisaṅghā vinā hoti, jahāti idha jīvitaṃ.
595.
595.
தஸ்மா அரஹதோ ஸுத்வா, வினெய்ய பரிதே³விதங்;
Tasmā arahato sutvā, vineyya paridevitaṃ;
பேதங் காலங்கதங் தி³ஸ்வா, நேஸோ லப்³பா⁴ மயா இதி.
Petaṃ kālaṅkataṃ disvā, neso labbhā mayā iti.
596.
596.
ஏவம்பி தீ⁴ரோ ஸபஞ்ஞோ, பண்டி³தோ குஸலோ நரோ;
Evampi dhīro sapañño, paṇḍito kusalo naro;
கி²ப்பமுப்பதிதங் ஸோகங், வாதோ தூலங்வ த⁴ங்ஸயே.
Khippamuppatitaṃ sokaṃ, vāto tūlaṃva dhaṃsaye.
597.
597.
பரிதே³வங் பஜப்பஞ்ச, தோ³மனஸ்ஸஞ்ச அத்தனோ;
Paridevaṃ pajappañca, domanassañca attano;
அத்தனோ ஸுக²மேஸானோ, அப்³ப³ஹே ஸல்லமத்தனோ.
Attano sukhamesāno, abbahe sallamattano.
598.
598.
அப்³பு³ள்ஹஸல்லோ அஸிதோ, ஸந்திங் பப்புய்ய சேதஸோ;
Abbuḷhasallo asito, santiṃ pappuyya cetaso;
ஸப்³ப³ஸோகங் அதிக்கந்தோ, அஸோகோ ஹோதி நிப்³பு³தோதி.
Sabbasokaṃ atikkanto, asoko hoti nibbutoti.
ஸல்லஸுத்தங் அட்ட²மங் நிட்டி²தங்.
Sallasuttaṃ aṭṭhamaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 8. ஸல்லஸுத்தவண்ணனா • 8. Sallasuttavaṇṇanā
