| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༦. སཱལ༹ྷསུཏྟཝཎྞནཱ
6. Sāḷhasuttavaṇṇanā
༦༧. ཚཊྛེ པཱཏོ ཨསིཏབྦབྷོཛནཾ པཱཏརཱསཾ, བྷུཏྟཾ པཱཏརཱསཾ ཨེཏེསནྟི བྷུཏྟཔཱཏརཱསཱ། དཱསཱ ནཱམ ཨནྟོཛཱཏཱ ཝཱ དྷནཀྐཱིཏཱ ཝཱ ཀརམརཱནཱིཏཱ ཝཱ སཡཾ ཝཱ དཱསབྱཾ ཨུཔགཏཱ། བྷཏྟཝེཏནབྷཏཱ ཀམྨཀཱརཱ ནཱམ།
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
ནིཙྪཱཏོཏི ཨེཏྠ ཚཱཏཾ ཝུཙྩཏི ཏཎྷཱ ཛིགྷཙྪཱཧེཏུཏཱཡ, སཱ ཨསྶ ནཏྠཱིཏི ནིཙྪཱཏོ། ཏེནཱཧ ‘‘ནིཏྟཎྷོ’’ཏི། ཨབྦྷནྟརེ སནྟཱཔཀརཱནཾ ཀིལེསཱནནྟི ཨཏྟནོ སནྟཱནེ དརཐཔརིལཱ༹ཧཛནནེན སནྟཱཔནཀིལེསཱནཾ། ཨནྟོཏཱཔནཀིལེསཱནཾ ཨབྷཱཝཱ སཱིཏོ སཱིཏལོ བྷཱུཏོ ཛཱཏོཏི སཱིཏིབྷཱུཏོ། ཏེནཱཧ ‘‘སཱིཏལཱིབྷཱུཏོ’’ཏི། མགྒཕལནིབྦཱནསུཁཱནི ཝཱ པཊིསཾཝེདེཏཱིཏི སུཁཔྤཊིསཾཝེདཱི། སེསཾ སུཝིཉྙེཡྻམེཝ།
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
སཱལ༹ྷསུཏྟཝཎྞནཱ ནིཊྛིཏཱ།
Sāḷhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. སཱལ༹ྷསུཏྟཾ • 6. Sāḷhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦. སཱལ༹ྷསུཏྟཝཎྞནཱ • 6. Sāḷhasuttavaṇṇanā
