| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၆. သာဠ္ဟသုတ္တဝဏ္ဏနာ
6. Sāḷhasuttavaṇṇanā
၆၇. ဆဋ္ဌေ ပာတော အသိတဗ္ဗဘောဇနံ ပာတရာသံ, ဘုတ္တံ ပာတရာသံ ဧတေသန္တိ ဘုတ္တပာတရာသာ။ ဒာသာ နာမ အန္တောဇာတာ ဝာ ဓနက္ကီတာ ဝာ ကရမရာနီတာ ဝာ သယံ ဝာ ဒာသဗ္ယံ ဥပဂတာ။ ဘတ္တဝေတနဘတာ ကမ္မကာရာ နာမ။
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
နိစ္ဆာတောတိ ဧတ္ထ ဆာတံ ဝုစ္စတိ တဏ္ဟာ ဇိဃစ္ဆာဟေတုတာယ, သာ အသ္သ နတ္ထီတိ နိစ္ဆာတော။ တေနာဟ ‘‘နိတ္တဏ္ဟော’’တိ။ အဗ္ဘန္တရေ သန္တာပကရာနံ ကိလေသာနန္တိ အတ္တနော သန္တာနေ ဒရထပရိဠာဟဇနနေန သန္တာပနကိလေသာနံ။ အန္တောတာပနကိလေသာနံ အဘာဝာ သီတော သီတလော ဘူတော ဇာတောတိ သီတိဘူတော။ တေနာဟ ‘‘သီတလီဘူတော’’တိ။ မဂ္ဂဖလနိဗ္ဗာနသုခာနိ ဝာ ပဋိသံဝေဒေတီတိ သုခပ္ပဋိသံဝေဒီ။ သေသံ သုဝိညေယ္ယမေဝ။
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
သာဠ္ဟသုတ္တဝဏ္ဏနာ နိဋ္ဌိတာ။
Sāḷhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. သာဠ္ဟသုတ္တံ • 6. Sāḷhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၆. သာဠ္ဟသုတ္တဝဏ္ဏနာ • 6. Sāḷhasuttavaṇṇanā
