| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. सालपुप्फियत्थेरअपदानं
3. Sālapupphiyattheraapadānaṃ
९.
9.
‘‘अरुणवतिया नगरे, अहोसिं पूपिको तदा।
‘‘Aruṇavatiyā nagare, ahosiṃ pūpiko tadā;
मम द्वारेन गच्छन्तं, सिखिनं अद्दसं जिनं॥
Mama dvārena gacchantaṃ, sikhinaṃ addasaṃ jinaṃ.
१०.
10.
‘‘बुद्धस्स पत्तं पग्गय्ह, सालपुप्फं अदासहं।
‘‘Buddhassa pattaṃ paggayha, sālapupphaṃ adāsahaṃ;
सम्मग्गतस्स बुद्धस्स, विप्पसन्नेन चेतसा॥
Sammaggatassa buddhassa, vippasannena cetasā.
११.
11.
दुग्गतिं नाभिजानामि, सालपुप्फस्सिदं फलं॥
Duggatiṃ nābhijānāmi, sālapupphassidaṃ phalaṃ.
१२.
12.
‘‘इतो चुद्दसकप्पम्हि, अहोसिं अमितञ्जलो।
‘‘Ito cuddasakappamhi, ahosiṃ amitañjalo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
१३.
13.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सालपुप्फियो थेरो इमा गाथायो अभासित्थाति।
Itthaṃ sudaṃ āyasmā sālapupphiyo thero imā gāthāyo abhāsitthāti.
सालपुप्फियत्थेरस्सापदानं ततियं।
Sālapupphiyattherassāpadānaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०.उदकासनदायकत्थेरअपदानादिवण्णना • 1-10.Udakāsanadāyakattheraapadānādivaṇṇanā
