| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. សឡលមណ្ឌបិយត្ថេរអបទានំ
8. Saḷalamaṇḍapiyattheraapadānaṃ
៤៤៩.
449.
‘‘និព្ពុតេ កកុសន្ធម្ហិ, ព្រាហ្មណម្ហិ វុសីមតិ;
‘‘Nibbute kakusandhamhi, brāhmaṇamhi vusīmati;
គហេត្វា សឡលំ មាលំ, មណ្ឌបំ ការយិំ អហំ។
Gahetvā saḷalaṃ mālaṃ, maṇḍapaṃ kārayiṃ ahaṃ.
៤៥០.
450.
‘‘តាវតិំសគតោ សន្តោ, លភាមិ ព្យម្ហមុត្តមំ;
‘‘Tāvatiṃsagato santo, labhāmi byamhamuttamaṃ;
អញ្ញេ ទេវេតិរោចាមិ, បុញ្ញកម្មស្សិទំ ផលំ។
Aññe devetirocāmi, puññakammassidaṃ phalaṃ.
៤៥១.
451.
‘‘ទិវា វា យទិ វា រត្តិំ, ចង្កមន្តោ ឋិតោ ចហំ;
‘‘Divā vā yadi vā rattiṃ, caṅkamanto ṭhito cahaṃ;
ឆន្នោ សឡលបុប្ផេហិ, បុញ្ញកម្មស្សិទំ ផលំ។
Channo saḷalapupphehi, puññakammassidaṃ phalaṃ.
៤៥២.
452.
‘‘ឥមស្មិំយេវ កប្បម្ហិ, យំ ពុទ្ធមភិបូជយិំ;
‘‘Imasmiṃyeva kappamhi, yaṃ buddhamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៤៥៣.
453.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៤៥៤.
454.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៤៥៥.
455.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សឡលមណ្ឌបិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā saḷalamaṇḍapiyo thero imā gāthāyo abhāsitthāti.
សឡលមណ្ឌបិយត្ថេរស្សាបទានំ អដ្ឋមំ។
Saḷalamaṇḍapiyattherassāpadānaṃ aṭṭhamaṃ.
