| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සලලමාලියත්ථෙරඅපදානං
7. Salalamāliyattheraapadānaṃ
30.
30.
‘‘කණිකාරංව ජොතන්තං, නිසින්නං පබ්බතන්තරෙ;
‘‘Kaṇikāraṃva jotantaṃ, nisinnaṃ pabbatantare;
ඔභාසෙන්තං දිසා සබ්බා, සිද්ධත්ථං නරසාරථිං.
Obhāsentaṃ disā sabbā, siddhatthaṃ narasārathiṃ.
31.
31.
‘‘ධනුං අද්වෙජ්ඣං කත්වාන, උසුං සන්නය්හහං තදා;
‘‘Dhanuṃ advejjhaṃ katvāna, usuṃ sannayhahaṃ tadā;
පුප්ඵං සවණ්ටං ඡෙත්වාන, බුද්ධස්ස අභිරොපයිං.
Pupphaṃ savaṇṭaṃ chetvāna, buddhassa abhiropayiṃ.
32.
32.
‘‘චතුන්නවුතිතො කප්පෙ, යං පුප්ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
33.
33.
‘‘එකපඤ්ඤාසිතො කප්පෙ, එකො ආසිං ජුතින්ධරො;
‘‘Ekapaññāsito kappe, eko āsiṃ jutindharo;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
34.
34.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා සලලමාලියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā salalamāliyo thero imā gāthāyo abhāsitthāti.
සලලමාලියත්ථෙරස්සාපදානං සත්තමං.
Salalamāliyattherassāpadānaṃ sattamaṃ.
