| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. सललमालियत्थेरअपदानं
7. Salalamāliyattheraapadānaṃ
३०.
30.
‘‘कणिकारंव जोतन्तं, निसिन्नं पब्बतन्तरे।
‘‘Kaṇikāraṃva jotantaṃ, nisinnaṃ pabbatantare;
ओभासेन्तं दिसा सब्बा, सिद्धत्थं नरसारथिं॥
Obhāsentaṃ disā sabbā, siddhatthaṃ narasārathiṃ.
३१.
31.
‘‘धनुं अद्वेज्झं कत्वान, उसुं सन्नय्हहं तदा।
‘‘Dhanuṃ advejjhaṃ katvāna, usuṃ sannayhahaṃ tadā;
पुप्फं सवण्टं छेत्वान, बुद्धस्स अभिरोपयिं॥
Pupphaṃ savaṇṭaṃ chetvāna, buddhassa abhiropayiṃ.
३२.
32.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३३.
33.
‘‘एकपञ्ञासितो कप्पे, एको आसिं जुतिन्धरो।
‘‘Ekapaññāsito kappe, eko āsiṃ jutindharo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
३४.
34.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सललमालियो थेरो इमा गाथायो अभासित्थाति।
Itthaṃ sudaṃ āyasmā salalamāliyo thero imā gāthāyo abhāsitthāti.
सललमालियत्थेरस्सापदानं सत्तमं।
Salalamāliyattherassāpadānaṃ sattamaṃ.
