4. Sakosakakoraṇḍadāyakattheraapadānaṃ

14.

‘‘Akkantañca padaṃ disvā, sikhino lokabandhuno;

Ekaṃsaṃ ajinaṃ katvā, padaseṭṭhaṃ avandahaṃ.

15.

‘‘Koraṇḍaṃ pupphitaṃ disvā, pādapaṃ dharaṇīruhaṃ;

Sakosakaṃ ² gahetvāna, padacakkaṃ apūjayiṃ.

16.

‘‘Ekattiṃse ito kappe, yaṃ kammamakariṃ tadā;

Duggatiṃ nābhijānāmi, padapūjāyidaṃ phalaṃ.

17.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā sakosaka ⁴ koraṇḍadāyako thero imā gāthāyo abhāsitthāti.

Sakosakakoraṇḍadāyakattherassāpadānaṃ catutthaṃ.