| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. སཀྐནཱམསུཏྟཝཎྞནཱ
2. Sakkanāmasuttavaṇṇanā
༢༣༦. སཀྐནཱམཀོཏི བལིཔུཏྟོ ཝིཡ སཀྐསྶ ཝསེན གཧིཏནཱམོ། ‘‘ཨེསོ ཀིརཱ’’ཏི པཱཋོ། ‘‘ཨེཀོ ཀིརཱ’’ཏིཔི ལིཁནྟི། མཱརསྶ པཀྑེ གཏོ མཱརཔཀྑིཀོ། ཡདཉྙནྟི ཨེཏྠ ཡནྟི ཀིརིཡཱཔརཱམསནཾ, ཏསྨཱ ཡཾ ཨཉྙསྶ ཨནུསཱསནཾ, ཏཾ སམཎསྶ ན སཱདྷཱུཏི ཡོཛནཱ། ཀཱརཎེནཱཏི ཀཱརཎམཏྟེན སཾཝཱསོ ཛཱཡཏི། ཡེན ཀེནཙི གཧཊྛེན ཝཱ པབྦཛིཏེན ཝཱ། ཏཾ ཀཱརཎནྟརཾ སམཱགཏཾ པུརིསཾ སཔྤཉྙོ སམྦུདྡྷོ ཨནུཀམྤིཏུཾ ནཱརཧཏི ཝིསེསཱདྷིགམཱབྷཱཝཱ, སཏི པན ཏསྨིཾ སཝིསེསཾ པསཱདོ ཧོཏཱིཏི། མནསཱ ཙེ…པེ॰… ན ཏེན ཧོཏི སཾཡུཏྟོ སིནེཧཝསེན ཨནུཀམྤཱ ཨནུདྡཡཱ ཏསྶཱ ཨསཾཀིལིཊྛསབྷཱཝཏྟཱ།
236.Sakkanāmakoti baliputto viya sakkassa vasena gahitanāmo. ‘‘Eso kirā’’ti pāṭho. ‘‘Eko kirā’’tipi likhanti. Mārassa pakkhe gato mārapakkhiko. Yadaññanti ettha yanti kiriyāparāmasanaṃ, tasmā yaṃ aññassa anusāsanaṃ, taṃ samaṇassa na sādhūti yojanā. Kāraṇenāti kāraṇamattena saṃvāso jāyati. Yena kenaci gahaṭṭhena vā pabbajitena vā. Taṃ kāraṇantaraṃ samāgataṃ purisaṃ sappañño sambuddho anukampituṃ nārahati visesādhigamābhāvā, sati pana tasmiṃ savisesaṃ pasādo hotīti. Manasā ce…pe… na tena hoti saṃyutto sinehavasena anukampā anuddayā tassā asaṃkiliṭṭhasabhāvattā.
སཀྐནཱམསུཏྟཝཎྞནཱ ནིཊྛིཏཱ།
Sakkanāmasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. སཀྐནཱམསུཏྟཾ • 2. Sakkanāmasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. སཀྐནཱམསུཏྟཝཎྞནཱ • 2. Sakkanāmasuttavaṇṇanā
