| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಸಕ್ಕನಾಮಸುತ್ತವಣ್ಣನಾ
2. Sakkanāmasuttavaṇṇanā
೨೫೮. ಮನುಸ್ಸಭೂತೋತಿ ಮನುಸ್ಸೇಸು ಭೂತೋ, ಮನುಸ್ಸತ್ತಂ ವಾ ಪತ್ತೋ। ಆವಸಥನ್ತಿ ನಿವಾಸಟ್ಠಾನಂ ಕಾರೇತ್ವಾ ಅದಾಸಿ, ತಸ್ಮಾ ವಾಸಂ ಅದಾಸೀತಿ ವಾಸವೋ। ಅತ್ಥ-ಸದ್ದೋ ಇಧ ಕಾರಣಪರಿಯಾಯೋತಿ ಆಹ ‘‘ಸಹಸ್ಸಮ್ಪಿ ಕಾರಣಾನ’’ನ್ತಿ। ಸ್ವಾಯಮತ್ಥೋ ಹೇಟ್ಠಾ ವಿಭಾವಿತೋವ। ವಿನಿಚ್ಛಿನತಿ, ತಸ್ಮಾ ಸಹಸ್ಸಂ ಪಞ್ಞಾಅಕ್ಖೀನಿ ಏತಸ್ಸಾತಿ ಸಹಸ್ಸಕ್ಖೋ। ಮಘಂ ವುಚ್ಚತಿ ಧನಂ, ತಂ ಪನ ಸದ್ಧಾಸಙ್ಖಾತಂ ಮಘಂ ಅಸ್ಸ ಅತ್ಥೀತಿ ಮಘವಾ। ಪುರೇ ದಾನಂ ದದಾತೀತಿ ಪುರಿನ್ದದೋ ಅನುನಾಸಿಕಲೋಪಂ ಅಕತ್ವಾ। ಪುಞ್ಞಾನಿ ಕಾತುಂ ಸಕ್ಕೋತೀತಿ ಸಕ್ಕೋ।
258.Manussabhūtoti manussesu bhūto, manussattaṃ vā patto. Āvasathanti nivāsaṭṭhānaṃ kāretvā adāsi, tasmā vāsaṃ adāsīti vāsavo. Attha-saddo idha kāraṇapariyāyoti āha ‘‘sahassampi kāraṇāna’’nti. Svāyamattho heṭṭhā vibhāvitova. Vinicchinati, tasmā sahassaṃ paññāakkhīni etassāti sahassakkho. Maghaṃ vuccati dhanaṃ, taṃ pana saddhāsaṅkhātaṃ maghaṃ assa atthīti maghavā. Pure dānaṃ dadātīti purindado anunāsikalopaṃ akatvā. Puññāni kātuṃ sakkotīti sakko.
ಸಕ್ಕನಾಮಸುತ್ತವಣ್ಣನಾ ನಿಟ್ಠಿತಾ।
Sakkanāmasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಸಕ್ಕನಾಮಸುತ್ತಂ • 2. Sakkanāmasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಸಕ್ಕನಾಮಸುತ್ತವಣ್ಣನಾ • 2. Sakkanāmasuttavaṇṇanā
