| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. သက္ကနာမသုတ္တဝဏ္ဏနာ
2. Sakkanāmasuttavaṇṇanā
၂၅၈. မနုသ္သဘူတောတိ မနုသ္သေသု ဘူတော, မနုသ္သတ္တံ ဝာ ပတ္တော။ အာဝသထန္တိ နိဝာသဋ္ဌာနံ ကာရေတ္ဝာ အဒာသိ, တသ္မာ ဝာသံ အဒာသီတိ ဝာသဝော။ အတ္ထ-သဒ္ဒော ဣဓ ကာရဏပရိယာယောတိ အာဟ ‘‘သဟသ္သမ္ပိ ကာရဏာန’’န္တိ။ သ္ဝာယမတ္ထော ဟေဋ္ဌာ ဝိဘာဝိတောဝ။ ဝိနိစ္ဆိနတိ, တသ္မာ သဟသ္သံ ပညာအက္ခီနိ ဧတသ္သာတိ သဟသ္သက္ခော။ မဃံ ဝုစ္စတိ ဓနံ, တံ ပန သဒ္ဓာသင္ခာတံ မဃံ အသ္သ အတ္ထီတိ မဃဝာ။ ပုရေ ဒာနံ ဒဒာတီတိ ပုရိန္ဒဒော အနုနာသိကလောပံ အကတ္ဝာ။ ပုညာနိ ကာတုံ သက္ကောတီတိ သက္ကော။
258.Manussabhūtoti manussesu bhūto, manussattaṃ vā patto. Āvasathanti nivāsaṭṭhānaṃ kāretvā adāsi, tasmā vāsaṃ adāsīti vāsavo. Attha-saddo idha kāraṇapariyāyoti āha ‘‘sahassampi kāraṇāna’’nti. Svāyamattho heṭṭhā vibhāvitova. Vinicchinati, tasmā sahassaṃ paññāakkhīni etassāti sahassakkho. Maghaṃ vuccati dhanaṃ, taṃ pana saddhāsaṅkhātaṃ maghaṃ assa atthīti maghavā. Pure dānaṃ dadātīti purindado anunāsikalopaṃ akatvā. Puññāni kātuṃ sakkotīti sakko.
သက္ကနာမသုတ္တဝဏ္ဏနာ နိဋ္ဌိတာ။
Sakkanāmasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. သက္ကနာမသုတ္တံ • 2. Sakkanāmasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. သက္ကနာမသုတ္တဝဏ္ဏနာ • 2. Sakkanāmasuttavaṇṇanā
