| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. สกฺกนามสุตฺตวณฺณนา
2. Sakkanāmasuttavaṇṇanā
๒๓๖. สกฺกนามโกติ พลิปุโตฺต วิย สกฺกสฺส วเสน คหิตนาโมฯ ‘‘เอโส กิรา’’ติ ปาโฐฯ ‘‘เอโก กิรา’’ติปิ ลิขนฺติฯ มารสฺส ปเกฺข คโต มารปกฺขิโกฯ ยทญฺญนฺติ เอตฺถ ยนฺติ กิริยาปรามสนํ, ตสฺมา ยํ อญฺญสฺส อนุสาสนํ, ตํ สมณสฺส น สาธูติ โยชนาฯ การเณนาติ การณมเตฺตน สํวาโส ชายติฯ เยน เกนจิ คหเฎฺฐน วา ปพฺพชิเตน วาฯ ตํ การณนฺตรํ สมาคตํ ปุริสํ สปฺปโญฺญ สมฺพุโทฺธ อนุกมฺปิตุํ นารหติ วิเสสาธิคมาภาวา, สติ ปน ตสฺมิํ สวิเสสํ ปสาโท โหตีติฯ มนสา เจ…เป.… น เตน โหติ สํยุโตฺต สิเนหวเสน อนุกมฺปา อนุทฺทยา ตสฺสา อสํกิลิฎฺฐสภาวตฺตาฯ
236.Sakkanāmakoti baliputto viya sakkassa vasena gahitanāmo. ‘‘Eso kirā’’ti pāṭho. ‘‘Eko kirā’’tipi likhanti. Mārassa pakkhe gato mārapakkhiko. Yadaññanti ettha yanti kiriyāparāmasanaṃ, tasmā yaṃ aññassa anusāsanaṃ, taṃ samaṇassa na sādhūti yojanā. Kāraṇenāti kāraṇamattena saṃvāso jāyati. Yena kenaci gahaṭṭhena vā pabbajitena vā. Taṃ kāraṇantaraṃ samāgataṃ purisaṃ sappañño sambuddho anukampituṃ nārahati visesādhigamābhāvā, sati pana tasmiṃ savisesaṃ pasādo hotīti. Manasā ce…pe… na tena hoti saṃyutto sinehavasena anukampā anuddayā tassā asaṃkiliṭṭhasabhāvattā.
สกฺกนามสุตฺตวณฺณนา นิฎฺฐิตาฯ
Sakkanāmasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๒. สกฺกนามสุตฺตํ • 2. Sakkanāmasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒. สกฺกนามสุตฺตวณฺณนา • 2. Sakkanāmasuttavaṇṇanā
