| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៤. សក្កច្ចវគ្គវណ្ណនា
4. Sakkaccavaggavaṇṇanā
៦០៩. សូបោទនវិញ្ញត្តិសិក្ខាបទេ ‘‘សូបោ នាម ទ្វេ សូបា’’តិ ន វុត្តំ សូបគ្គហណេន បណីតភោជនេហិ អវសេសានំ សព្ពភោជនានំ សង្គណ្ហនត្ថំ។ អនាបត្តិវារេ ចស្ស ‘‘ញាតកានំ បវារិតានំ អញ្ញស្សត្ថាយ អត្តនោ ធនេនា’’តិ ឥទំ អធិកំ។ កត្ថចិ បោត្ថកេ ‘‘អនាបត្តិ អសញ្ចិច្ច អសតិយា អជានន្តស្ស គិលានស្ស អាបទាសូ’’តិ ឯត្តកមេវ វុត្តំ, តំ ន, ‘‘សមសូបកំ បិណ្ឌបាតំ ភុញ្ជិស្សាមី’’តិ ឥមស្ស អនាបត្តិវារេ ‘‘អញ្ញស្សត្ថាយា’’តិ កត្ថចិ លិខិតំ, តញ្ច បមាទវសេន លិខិតំ។ ‘‘មុខេ បក្ខិបិត្វា បុន វិប្បដិសារី ហុត្វា ឱគិលិតុកាមស្សបិ សហសា ចេ បវិសតិ, ឯត្ថ ‘អសញ្ចិច្ចា’តិ វុច្ចតិ។ វិញ្ញត្តម្បិ អវិញ្ញត្តម្បិ ឯកស្មិំ ឋានេ ឋិតំ សហសា អនុបធារេត្វា គហេត្វា ភុញ្ជន្តោ ‘អសតិយា’តិ វុច្ចតី’’តិ លិខិតំ, អនាបត្តិវារេ ឯកច្ចេសុ បោត្ថកេសុ ‘‘រសរសេតិ លិខិតំ, តំ គហេតព្ព’’ន្តិ វុត្តំ។
609.Sūpodanaviññattisikkhāpade ‘‘sūpo nāma dve sūpā’’ti na vuttaṃ sūpaggahaṇena paṇītabhojanehi avasesānaṃ sabbabhojanānaṃ saṅgaṇhanatthaṃ. Anāpattivāre cassa ‘‘ñātakānaṃ pavāritānaṃ aññassatthāya attano dhanenā’’ti idaṃ adhikaṃ. Katthaci potthake ‘‘anāpatti asañcicca asatiyā ajānantassa gilānassa āpadāsū’’ti ettakameva vuttaṃ, taṃ na, ‘‘samasūpakaṃ piṇḍapātaṃ bhuñjissāmī’’ti imassa anāpattivāre ‘‘aññassatthāyā’’ti katthaci likhitaṃ, tañca pamādavasena likhitaṃ. ‘‘Mukhe pakkhipitvā puna vippaṭisārī hutvā ogilitukāmassapi sahasā ce pavisati, ettha ‘asañciccā’ti vuccati. Viññattampi aviññattampi ekasmiṃ ṭhāne ṭhitaṃ sahasā anupadhāretvā gahetvā bhuñjanto ‘asatiyā’ti vuccatī’’ti likhitaṃ, anāpattivāre ekaccesu potthakesu ‘‘rasaraseti likhitaṃ, taṃ gahetabba’’nti vuttaṃ.
សក្កច្ចវគ្គវណ្ណនា និដ្ឋិតា។
Sakkaccavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. សក្កច្ចវគ្គោ • 4. Sakkaccavaggo
