| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. သာကေတသုတ္တဝဏ္ဏနာ
3. Sāketasuttavaṇṇanā
၅၁၃. တတိယေ အဉ္ဇနဝနေတိ အဉ္ဇနဝဏ္ဏပုပ္ဖာနံ ရုက္ခာနံ ရောပိတဝနေ။ ယံ, ဘိက္ခဝေ, သဒ္ဓိန္ဒ္ရိယံ, တံ သဒ္ဓာဗလန္တိ တဉ္ဟိ အဓိမောက္ခလက္ခဏေ ဣန္ဒဋ္ဌေန သဒ္ဓိန္ဒ္ရိယံ, အသ္သဒ္ဓိယေ အကမ္ပနေန သဒ္ဓာဗလံ။ ဣတရေသံ ပဂ္ဂဟဥပဋ္ဌာနအဝိက္ခေပပဇာနနလက္ခဏေသု ဣန္ဒဋ္ဌေန ဣန္ဒ္ရိယဘာဝော, ကောသဇ္ဇမုဋ္ဌသစ္စဝိက္ခေပာဝိဇ္ဇာသု အကမ္ပနေန ဗလဘာဝော ဝေဒိတဗ္ဗော။ ဧဝမေဝ ခောတိ တသ္သာ နဒိယာ ဧကသောတံ ဝိယ သဒ္ဓာဝီရိယသတိသမာဓိပညာဝသေန ဧတေသံ နိန္နာနာကရဏံ ဝေဒိတဗ္ဗံ, ဒ္ဝေ သောတာနိ ဝိယ ဣန္ဒဋ္ဌအကမ္ပနဋ္ဌေဟိ ဣန္ဒ္ရိယဗလဝသေန နာနာကရဏံ ဝေဒိတဗ္ဗံ။
513. Tatiye añjanavaneti añjanavaṇṇapupphānaṃ rukkhānaṃ ropitavane. Yaṃ, bhikkhave, saddhindriyaṃ, taṃ saddhābalanti tañhi adhimokkhalakkhaṇe indaṭṭhena saddhindriyaṃ, assaddhiye akampanena saddhābalaṃ. Itaresaṃ paggahaupaṭṭhānaavikkhepapajānanalakkhaṇesu indaṭṭhena indriyabhāvo, kosajjamuṭṭhasaccavikkhepāvijjāsu akampanena balabhāvo veditabbo. Evameva khoti tassā nadiyā ekasotaṃ viya saddhāvīriyasatisamādhipaññāvasena etesaṃ ninnānākaraṇaṃ veditabbaṃ, dve sotāni viya indaṭṭhaakampanaṭṭhehi indriyabalavasena nānākaraṇaṃ veditabbaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. သာကေတသုတ္တံ • 3. Sāketasuttaṃ
