| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. သကလိကသုတ္တဝဏ္ဏနာ
3. Sakalikasuttavaṇṇanā
၁၄၉. မန္ဒဘာဝေနာတိ ဇဠဘာဝေန မောမူဟဘာဝေနာတိ မဟာမူဠ္ဟတာယ။ ကဗ္ဗကရဏေန မတ္တောတိ ကဗ္ဗကိရိယာပသုတတာဒိဝသေန မတ္တော ကဗ္ဗံ ကတ္ဝာ။ ကိမိဒံ သောပ္ပသေဝာတိ ဣဒံ တဝ သောပ္ပံ ကိမတ္ထံ, ပုရိသေန နာမ ပုရိသတ္တကရေန ဘဝိတဗ္ဗံ, န သောပ္ပတိယေဝ။ အတ္ထံ သမာဂန္တ္ဝာတိ ပရမတ္ထံ နိဗ္ဗာနံ သမ္မာ အာဂန္တ္ဝာ အဓိဂန္တ္ဝာ။ အသင္ဂ။ပေ.။ နတ္ထိ သဗ္ဗသော သိဒ္ဓတ္ထဘာဝတော။ ဇဂ္ဂန္တောတိ ဇာဂရန္တော ပုရိသော ဝိယ, န ဘာယာမိ ဘယဟေတူနံ အဘာဝာ။ နာနုတပန္တိ သဗ္ဗတ္ထ သဗ္ဗဒာပိ ဝိသ္သဋ္ဌဘာဝတော, မာမန္တိ မမံ။ ဂာထာသုခတ္ထဉ္ဟိ ဒီဃံ ကတ္ဝာ ဝုတ္တံ။ ဌိတတ္တာတိ ဥဒ္ဒေသပရိပုစ္ဆာယ ပရိစ္ဆိဇ္ဇတ္တာ။ ဟာနိန္တိ ကသ္သစိ ဇာနိံ။
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
သကလိကသုတ္တဝဏ္ဏနာ နိဋ္ဌိတာ။
Sakalikasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. သကလိကသုတ္တံ • 3. Sakalikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. သကလိကသုတ္တဝဏ္ဏနာ • 3. Sakalikasuttavaṇṇanā
