7. Sakacintaniyavaggo

1. Sakacintaniyattheraapadānaṃ

1.

‘‘Pavanaṃ kānanaṃ disvā, appasaddamannāvilaṃ;

Isīnaṃ anuciṇṇaṃva, āhutīnaṃ paṭiggahaṃ.

2.

‘‘Thūpaṃ katvāna pulinaṃ ², nānāpupphaṃ samokiriṃ;

Sammukhā viya sambuddhaṃ, nimmitaṃ abhivandahaṃ.

3.

‘‘Sattaratanasampanno , rājā raṭṭhamhi issaro;

Sakakammābhiraddhohaṃ, pupphapūjāyidaṃ ⁴ phalaṃ.

4.

‘‘Ekanavutito kappe, yaṃ pupphamabhiropayiṃ;

Duggatiṃ nābhijānāmi, pupphapūjāyidaṃ ⁶ phalaṃ.

5.

‘‘Asītikappenantayaso, cakkavattī ahosahaṃ;

Sattaratanasampanno, catudīpamhi issaro.

6.

‘‘Paṭisambhidā catasso, vimokkhāpi ca aṭṭhime;

Chaḷabhiññā sacchikatā, kataṃ buddhassa sāsanaṃ’’.

Itthaṃ sudaṃ āyasmā sakacintaniyo thero imā gāthāyo abhāsitthāti.

Sakacintaniyattherassāpadānaṃ paṭhamaṃ.