| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૪. સાજીવસુત્તં
4. Sājīvasuttaṃ
૧૬૪. 1 તત્ર ખો આયસ્મા સારિપુત્તો ભિક્ખૂ આમન્તેસિ…પે॰… ‘‘પઞ્ચહિ, આવુસો, ધમ્મેહિ સમન્નાગતો ભિક્ખુ અલંસાજીવો સબ્રહ્મચારીનં. કતમેહિ પઞ્ચહિ? ઇધાવુસો, ભિક્ખુ અત્તના ચ સીલસમ્પન્નો હોતિ , સીલસમ્પદાકથાય ચ આગતં પઞ્હં બ્યાકત્તા હોતિ; અત્તના ચ સમાધિસમ્પન્નો હોતિ, સમાધિસમ્પદાકથાય ચ આગતં પઞ્હં બ્યાકત્તા હોતિ; અત્તના ચ પઞ્ઞાસમ્પન્નો હોતિ, પઞ્ઞાસમ્પદાકથાય ચ આગતં પઞ્હં બ્યાકત્તા હોતિ; અત્તના ચ વિમુત્તિસમ્પન્નો હોતિ, વિમુત્તિસમ્પદાકથાય ચ આગતં પઞ્હં બ્યાકત્તા હોતિ; અત્તના ચ વિમુત્તિઞાણદસ્સનસમ્પન્નો હોતિ, વિમુત્તિઞાણદસ્સનસમ્પદાકથાય ચ આગતં પઞ્હં બ્યાકત્તા હોતિ. ઇમેહિ ખો, આવુસો, પઞ્ચહિ ધમ્મેહિ સમન્નાગતો ભિક્ખુ અલંસાજીવો સબ્રહ્મચારીન’’ન્તિ. ચતુત્થં.
164.2 Tatra kho āyasmā sāriputto bhikkhū āmantesi…pe… ‘‘pañcahi, āvuso, dhammehi samannāgato bhikkhu alaṃsājīvo sabrahmacārīnaṃ. Katamehi pañcahi? Idhāvuso, bhikkhu attanā ca sīlasampanno hoti , sīlasampadākathāya ca āgataṃ pañhaṃ byākattā hoti; attanā ca samādhisampanno hoti, samādhisampadākathāya ca āgataṃ pañhaṃ byākattā hoti; attanā ca paññāsampanno hoti, paññāsampadākathāya ca āgataṃ pañhaṃ byākattā hoti; attanā ca vimuttisampanno hoti, vimuttisampadākathāya ca āgataṃ pañhaṃ byākattā hoti; attanā ca vimuttiñāṇadassanasampanno hoti, vimuttiñāṇadassanasampadākathāya ca āgataṃ pañhaṃ byākattā hoti. Imehi kho, āvuso, pañcahi dhammehi samannāgato bhikkhu alaṃsājīvo sabrahmacārīna’’nti. Catutthaṃ.
Footnotes:
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૫. પઠમઆઘાતપટિવિનયસુત્તાદિવણ્ણના • 1-5. Paṭhamaāghātapaṭivinayasuttādivaṇṇanā
