| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. সহেতুঅনত্তসুত্তং
9. Sahetuanattasuttaṃ
২০. সাৰত্থিনিদানং। ‘‘রূপং, ভিক্খৰে, অনত্তা। যোপি হেতু যোপি পচ্চযো রূপস্স উপ্পাদায, সোপি অনত্তা। অনত্তসম্ভূতং, ভিক্খৰে, রূপং কুতো অত্তা ভৰিস্সতি! ৰেদনা অনত্তা… সঞ্ঞা অনত্তা… সঙ্খারা অনত্তা… ৰিঞ্ঞাণং অনত্তা। যোপি হেতু যোপি পচ্চযো ৰিঞ্ঞাণস্স উপ্পাদায, সোপি অনত্তা। অনত্তসম্ভূতং, ভিক্খৰে, ৰিঞ্ঞাণং কুতো অত্তা ভৰিস্সতি! এৰং পস্সং…পে॰… নাপরং ইত্থত্তাযাতি পজানাতী’’তি। নৰমং।
20. Sāvatthinidānaṃ. ‘‘Rūpaṃ, bhikkhave, anattā. Yopi hetu yopi paccayo rūpassa uppādāya, sopi anattā. Anattasambhūtaṃ, bhikkhave, rūpaṃ kuto attā bhavissati! Vedanā anattā… saññā anattā… saṅkhārā anattā… viññāṇaṃ anattā. Yopi hetu yopi paccayo viññāṇassa uppādāya, sopi anattā. Anattasambhūtaṃ, bhikkhave, viññāṇaṃ kuto attā bhavissati! Evaṃ passaṃ…pe… nāparaṃ itthattāyāti pajānātī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১০. অনিচ্চসুত্তাদিৰণ্ণনা • 1-10. Aniccasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১০. অনিচ্চাদিসুত্তৰণ্ণনা • 1-10. Aniccādisuttavaṇṇanā
