| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၂. သဟာယကသုတ္တဝဏ္ဏနာ
12. Sahāyakasuttavaṇṇanā
၂၄၆. ဒ္ဝာဒသမေ စိရရတ္တံသမေတိကာတိ ဒီဃရတ္တံ သံသန္ဒိတ္ဝာ သမေတ္ဝာ ဌိတလဒ္ဓိနော။ တေ ကိရ ပဉ္စဇာတိသတာနိ ဧကတောဝ ဝိစရိံသု။ သမေတိ နေသံ သဒ္ဓမ္မောတိ ဣဒာနိ ဣမေသံ အယံ သာသနဓမ္မော သံသန္ဒတိ သမေတိ။ ဓမ္မေ ဗုဒ္ဓပ္ပဝေဒိတေတိ ဗုဒ္ဓေန ပဝေဒိတေ ဓမ္မေ ဧတေသံ သာသနဓမ္မော သောဘတီတိ အတ္ထော။ သုဝိနီတာ ကပ္ပိနေနာတိ အတ္တနော ဥပဇ္ဈာယေန အရိယပ္ပဝေဒိတေ ဓမ္မေ သုဋ္ဌု ဝိနီတာ။ သေသံ သဗ္ဗတ္ထ ဥတ္တာနမေဝာတိ။ ဒ္ဝာဒသမံ။
246. Dvādasame cirarattaṃsametikāti dīgharattaṃ saṃsanditvā sametvā ṭhitaladdhino. Te kira pañcajātisatāni ekatova vicariṃsu. Sameti nesaṃ saddhammoti idāni imesaṃ ayaṃ sāsanadhammo saṃsandati sameti. Dhamme buddhappavediteti buddhena pavedite dhamme etesaṃ sāsanadhammo sobhatīti attho. Suvinītā kappinenāti attano upajjhāyena ariyappavedite dhamme suṭṭhu vinītā. Sesaṃ sabbattha uttānamevāti. Dvādasamaṃ.
ဘိက္ခုသံယုတ္တဝဏ္ဏနာ နိဋ္ဌိတာ။
Bhikkhusaṃyuttavaṇṇanā niṭṭhitā.
ဣတိ သာရတ္ထပ္ပကာသိနိယာ သံယုတ္တနိကာယ-အဋ္ဌကထာယ
Iti sāratthappakāsiniyā saṃyuttanikāya-aṭṭhakathāya
နိဒာနဝဂ္ဂဝဏ္ဏနာ နိဋ္ဌိတာ။
Nidānavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၂. သဟာယကသုတ္တံ • 12. Sahāyakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၂. သဟာယကသုတ္တဝဏ္ဏနာ • 12. Sahāyakasuttavaṇṇanā
