| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૨. સહાયકસુત્તવણ્ણના
12. Sahāyakasuttavaṇṇanā
૨૪૬. દ્વાદસમે ચિરરત્તંસમેતિકાતિ દીઘરત્તં સંસન્દિત્વા સમેત્વા ઠિતલદ્ધિનો. તે કિર પઞ્ચજાતિસતાનિ એકતોવ વિચરિંસુ. સમેતિ નેસં સદ્ધમ્મોતિ ઇદાનિ ઇમેસં અયં સાસનધમ્મો સંસન્દતિ સમેતિ. ધમ્મે બુદ્ધપ્પવેદિતેતિ બુદ્ધેન પવેદિતે ધમ્મે એતેસં સાસનધમ્મો સોભતીતિ અત્થો. સુવિનીતા કપ્પિનેનાતિ અત્તનો ઉપજ્ઝાયેન અરિયપ્પવેદિતે ધમ્મે સુટ્ઠુ વિનીતા. સેસં સબ્બત્થ ઉત્તાનમેવાતિ. દ્વાદસમં.
246. Dvādasame cirarattaṃsametikāti dīgharattaṃ saṃsanditvā sametvā ṭhitaladdhino. Te kira pañcajātisatāni ekatova vicariṃsu. Sameti nesaṃ saddhammoti idāni imesaṃ ayaṃ sāsanadhammo saṃsandati sameti. Dhamme buddhappavediteti buddhena pavedite dhamme etesaṃ sāsanadhammo sobhatīti attho. Suvinītā kappinenāti attano upajjhāyena ariyappavedite dhamme suṭṭhu vinītā. Sesaṃ sabbattha uttānamevāti. Dvādasamaṃ.
ભિક્ખુસંયુત્તવણ્ણના નિટ્ઠિતા.
Bhikkhusaṃyuttavaṇṇanā niṭṭhitā.
ઇતિ સારત્થપ્પકાસિનિયા સંયુત્તનિકાય-અટ્ઠકથાય
Iti sāratthappakāsiniyā saṃyuttanikāya-aṭṭhakathāya
નિદાનવગ્ગવણ્ણના નિટ્ઠિતા.
Nidānavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૨. સહાયકસુત્તં • 12. Sahāyakasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૨. સહાયકસુત્તવણ્ણના • 12. Sahāyakasuttavaṇṇanā
