| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. རཱཛཀཱརཱམཝགྒོ
2. Rājakārāmavaggo
༡. སཧསྶབྷིཀྑུནིསངྒྷསུཏྟཾ
1. Sahassabhikkhunisaṅghasuttaṃ
༡༠༠༧. ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི རཱཛཀཱརཱམེ། ཨཐ ཁོ སཧསྶབྷིཀྑུནིསངྒྷོ 1 ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི། ཨེཀམནྟཾ ཋིཏཱ ཁོ ཏཱ བྷིཀྑུནིཡོ བྷགཝཱ ཨེཏདཝོཙ –
1007. Ekaṃ samayaṃ bhagavā sāvatthiyaṃ viharati rājakārāme. Atha kho sahassabhikkhunisaṅgho 2 yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho tā bhikkhuniyo bhagavā etadavoca –
‘‘ཙཏཱུཧི ཁོ, བྷིཀྑུནིཡོ, དྷམྨེཧི སམནྣཱགཏོ ཨརིཡསཱཝཀོ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ། ཀཏམེཧི ཙཏཱུཧི? ཨིདྷ, བྷིཀྑུནིཡོ, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ཨིཏིཔི སོ བྷགཝཱ…པེ॰… སཏྠཱ དེཝམནུསྶཱནཾ བུདྡྷོ བྷགཝཱཏི། དྷམྨེ …པེ॰… སངྒྷེ…པེ॰… ཨརིཡཀནྟེཧི སཱིལེཧི སམནྣཱགཏོ ཧོཏི, ཨཁཎྜེཧི…པེ॰… སམཱདྷིསཾཝཏྟནིཀེཧི། ཨིམེཧི ཁོ, བྷིཀྑུནིཡོ, ཙཏཱུཧི དྷམྨེཧི སམནྣཱགཏོ ཨརིཡསཱཝཀོ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’’ཏི། པཋམཾ།
‘‘Catūhi kho, bhikkhuniyo, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo. Katamehi catūhi? Idha, bhikkhuniyo, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme …pe… saṅghe…pe… ariyakantehi sīlehi samannāgato hoti, akhaṇḍehi…pe… samādhisaṃvattanikehi. Imehi kho, bhikkhuniyo, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སཧསྶབྷིཀྑུནིསངྒྷསུཏྟཝཎྞནཱ • 1. Sahassabhikkhunisaṅghasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. སཧསྶབྷིཀྑུནིསངྒྷསུཏྟཝཎྞནཱ • 1. Sahassabhikkhunisaṅghasuttavaṇṇanā
