| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਸਹਜਾਤવਾਰવਣ੍ਣਨਾ
2. Sahajātavāravaṇṇanā
੨੩੪-੨੪੨. ਸਹਜਾਤવਾਰੇ ਕੁਸਲਂ ਧਮ੍ਮਂ ਸਹਜਾਤੋਤਿ ਕੁਸਲਂ ਧਮ੍ਮਂ ਪਟਿਚ੍ਚ ਤੇਨ ਸਹਜਾਤੋ ਹੁਤ੍વਾਤਿ ਅਤ੍ਥੋ। ਸੇਸਮੇਤ੍ਥ ਪਟਿਚ੍ਚવਾਰੇ વੁਤ੍ਤਨਯੇਨੇવ વੇਦਿਤਬ੍ਬਂ। ਅવਸਾਨੇ ਪਨਸ੍ਸ ‘‘ਪਟਿਚ੍ਚਤ੍ਤਂ ਨਾਮ ਸਹਜਾਤਤ੍ਤਂ, ਸਹਜਾਤਤ੍ਤਂ ਨਾਮ ਪਟਿਚ੍ਚਤ੍ਤ’’ਨ੍ਤਿ ਇਦਂ ਉਭਿਨ੍ਨਮ੍ਪਿ ਏਤੇਸਂ વਾਰਾਨਂ ਅਤ੍ਥਤੋ ਨਿਨ੍ਨਾਨਾਕਰਣਭਾવਦਸ੍ਸਨਤ੍ਥਂ વੁਤ੍ਤਂ। ਅਤ੍ਥਤੋ ਹਿ ਏਤੇ ਦ੍વੇਪਿ ਨਿਨ੍ਨਾਨਾਕਰਣਾ। ਏવਂ ਸਨ੍ਤੇਪਿ ਅਞ੍ਞਮਞ੍ਞਸ੍ਸ ਅਤ੍ਥਨਿਯਮਨਤ੍ਥਂ વੁਤ੍ਤਾ। ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚਾ’’ਤਿਆਦੀਸੁ ਹਿ ਅਸਹਜਾਤਮ੍ਪਿ ਪਟਿਚ੍ਚ ਉਪ੍ਪਜ੍ਜਤੀਤਿ વੁਚ੍ਚਤਿ। ਸਹਜਾਤਮ੍ਪਿ ਚ ਉਪਾਦਾਰੂਪਂ ਭੂਤਰੂਪਸ੍ਸ ਪਚ੍ਚਯੋ ਨ ਹੋਤਿ। ਇਤਿ ਪਟਿਚ੍ਚવਾਰੇਨ ਸਹਜਾਤਪਚ੍ਚਯਭਾવਂ, ਸਹਜਾਤવਾਰੇਨ ਚ ਪਟਿਚ੍ਚਾਤਿ વੁਤ੍ਤਸ੍ਸ ਸਹਜਾਤਭਾવਂ ਨਿਯਮੇਤੁਂ ਉਭੋਪੇਤੇ વੁਤ੍ਤਾ। ਅਪਿਚ ਤਥਾ ਬੁਜ੍ਝਨਕਾਨਂ ਅਜ੍ਝਾਸਯવਸੇਨ ਦੇਸਨਾવਿਲਾਸੇਨ ਨਿਰੁਤ੍ਤਿਪਟਿਸਮ੍ਭਿਦਾਪ੍ਪਭੇਦਜਾਨਨવਸੇਨ ਚਾਪਿ ਏਤੇ ਉਭੋਪਿ વੁਤ੍ਤਾਤਿ।
234-242. Sahajātavāre kusalaṃ dhammaṃ sahajātoti kusalaṃ dhammaṃ paṭicca tena sahajāto hutvāti attho. Sesamettha paṭiccavāre vuttanayeneva veditabbaṃ. Avasāne panassa ‘‘paṭiccattaṃ nāma sahajātattaṃ, sahajātattaṃ nāma paṭiccatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi ete dvepi ninnānākaraṇā. Evaṃ santepi aññamaññassa atthaniyamanatthaṃ vuttā. ‘‘Cakkhuñca paṭicca rūpe cā’’tiādīsu hi asahajātampi paṭicca uppajjatīti vuccati. Sahajātampi ca upādārūpaṃ bhūtarūpassa paccayo na hoti. Iti paṭiccavārena sahajātapaccayabhāvaṃ, sahajātavārena ca paṭiccāti vuttassa sahajātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāppabhedajānanavasena cāpi ete ubhopi vuttāti.
ਸਹਜਾਤવਾਰવਣ੍ਣਨਾ ਨਿਟ੍ਠਿਤਾ।
Sahajātavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / ੧. ਕੁਸਲਤ੍ਤਿਕਂ • 1. Kusalattikaṃ
