| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૨. સહજાતવારવણ્ણના
2. Sahajātavāravaṇṇanā
૨૩૪-૨૪૨. કુસલં ધમ્મં સહજાતો, કુસલં એકં ખન્ધં સહજાતોતિઆદીસુ સહજાતસદ્દેન સહજાતપચ્ચયકરણં સહજાતાયત્તભાવગમનં વા વુત્તન્તિ તસ્સ કરણસ્સ ગમનસ્સ વા કુસલાદીનં કમ્મભાવતો ઉપયોગવચનં કતન્તિ દટ્ઠબ્બં. એસ નયો પચ્ચયવારાદીસુપિ. તત્રાપિ હિ પચ્ચયસદ્દેન ચ નિસ્સયપચ્ચયકરણં નિસ્સયાયત્તભાવગમનં વા વુત્તં, સંસટ્ઠસદ્દેન ચ સમ્પયુત્તપચ્ચયકરણં સમ્પયુત્તાયત્તભાવગમનં વાતિ તંકમ્મભાવતો ઉપયોગવચનં કુસલાદીસુ કતન્તિ. સહજાતમ્પિ ચ ઉપાદારૂપં ભૂતરૂપસ્સ પચ્ચયો ન હોતીતિ ‘‘પટિચ્ચા’’તિ ઇમિના વચનેન દીપિતો પચ્ચયો ન હોતીતિ અત્થો. ‘‘ઉપાદારૂપં ભૂતરૂપસ્સા’’તિ ચ નિદસ્સનવસેન વુત્તં. ઉપાદારૂપસ્સપિ હિ ઉપાદારૂપં યથાવુત્તો પચ્ચયો ન હોતિ, વત્થુવજ્જાનિ રૂપાનિ ચ અરૂપાનન્તિ.
234-242. Kusalaṃ dhammaṃ sahajāto, kusalaṃ ekaṃ khandhaṃ sahajātotiādīsu sahajātasaddena sahajātapaccayakaraṇaṃ sahajātāyattabhāvagamanaṃ vā vuttanti tassa karaṇassa gamanassa vā kusalādīnaṃ kammabhāvato upayogavacanaṃ katanti daṭṭhabbaṃ. Esa nayo paccayavārādīsupi. Tatrāpi hi paccayasaddena ca nissayapaccayakaraṇaṃ nissayāyattabhāvagamanaṃ vā vuttaṃ, saṃsaṭṭhasaddena ca sampayuttapaccayakaraṇaṃ sampayuttāyattabhāvagamanaṃ vāti taṃkammabhāvato upayogavacanaṃ kusalādīsu katanti. Sahajātampi ca upādārūpaṃ bhūtarūpassa paccayo na hotīti ‘‘paṭiccā’’ti iminā vacanena dīpito paccayo na hotīti attho. ‘‘Upādārūpaṃ bhūtarūpassā’’ti ca nidassanavasena vuttaṃ. Upādārūpassapi hi upādārūpaṃ yathāvutto paccayo na hoti, vatthuvajjāni rūpāni ca arūpānanti.
સહજાતવારવણ્ણના નિટ્ઠિતા.
Sahajātavāravaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / ૧. કુસલત્તિકં • 1. Kusalattikaṃ
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. સહજાતવારવણ્ણના • 2. Sahajātavāravaṇṇanā
