| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೬. ಸಗಾಥಾಸುತ್ತವಣ್ಣನಾ
6. Sagāthāsuttavaṇṇanā
೧೦೦. ‘‘ಧಾತುಸೋ ಸಂಸನ್ದನ್ತೀ’’ತಿ ಇದಂ ಅಜ್ಝಾಸಯತೋ ಸರಿಕ್ಖತಾದಸ್ಸನಂ, ನ ಕಾಯೇನ ಮಿಸ್ಸೀಭಾವದಸ್ಸನನ್ತಿ ಆಹ ‘‘ಸಮುದ್ದನ್ತರೇ’’ತಿಆದಿ। ನಿರನ್ತರೋತಿ ನಿಬ್ಬಿಸೇಸೋ। ಸಂಸಗ್ಗಾತಿ ಪಞ್ಚವಿಧಸಂಸಗ್ಗಹೇತು। ಸಂಸಗ್ಗಗಹಣೇನ ಚೇತ್ಥ ಸಂಸಗ್ಗವತ್ಥುಕಾ ತಣ್ಹಾ ಗಹಿತಾ। ತೇನಾಹ ‘‘ದಸ್ಸನ…ಪೇ॰… ಸ್ನೇಹೇನಾ’’ತಿ।
100. ‘‘Dhātuso saṃsandantī’’ti idaṃ ajjhāsayato sarikkhatādassanaṃ, na kāyena missībhāvadassananti āha ‘‘samuddantare’’tiādi. Nirantaroti nibbiseso. Saṃsaggāti pañcavidhasaṃsaggahetu. Saṃsaggagahaṇena cettha saṃsaggavatthukā taṇhā gahitā. Tenāha ‘‘dassana…pe… snehenā’’ti.
ವನತಿ ಭಜತಿ ಸಜ್ಜತಿ ತೇನಾತಿ ವನಂ, ವನಥೋತಿ ಚ ಕಿಲೇಸೋ ವುಚ್ಚತೀತಿ ಆಹ ‘‘ವನಥೋ ಜಾತೋತಿ ಕಿಲೇಸವನಂ ಜಾತ’’ನ್ತಿ। ಇತರೇ ಸಂಸಗ್ಗಮೂಲಕಾತಿ ತಮೇವ ಪಟಿಕ್ಖಿಪನ್ತೋ ಆಹ ‘‘ಅದಸ್ಸನೇನಾ’’ತಿ। ಸಾಧುಜೀವೀತಿ ಸಾಧು ಸುಟ್ಠು ಜೀವೀ, ತಂಜೀವನಸೀಲೋ। ತೇನಾಹ ‘‘ಪರಿಸುದ್ಧಜೀವಿತಂ ಜೀವಮಾನೋ’’ತಿ।
Vanati bhajati sajjati tenāti vanaṃ, vanathoti ca kileso vuccatīti āha ‘‘vanatho jātoti kilesavanaṃ jāta’’nti. Itare saṃsaggamūlakāti tameva paṭikkhipanto āha ‘‘adassanenā’’ti. Sādhujīvīti sādhu suṭṭhu jīvī, taṃjīvanasīlo. Tenāha ‘‘parisuddhajīvitaṃ jīvamāno’’ti.
ಸಗಾಥಾಸುತ್ತವಣ್ಣನಾ ನಿಟ್ಠಿತಾ।
Sagāthāsuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಸಗಾಥಾಸುತ್ತಂ • 6. Sagāthāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಸಗಾಥಾಸುತ್ತವಣ್ಣನಾ • 6. Sagāthāsuttavaṇṇanā
