| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. သဂာထာသုတ္တဝဏ္ဏနာ
6. Sagāthāsuttavaṇṇanā
၁၀၀. ‘‘ဓာတုသော သံသန္ဒန္တီ’’တိ ဣဒံ အဇ္ဈာသယတော သရိက္ခတာဒသ္သနံ, န ကာယေန မိသ္သီဘာဝဒသ္သနန္တိ အာဟ ‘‘သမုဒ္ဒန္တရေ’’တိအာဒိ။ နိရန္တရောတိ နိဗ္ဗိသေသော။ သံသဂ္ဂာတိ ပဉ္စဝိဓသံသဂ္ဂဟေတု။ သံသဂ္ဂဂဟဏေန စေတ္ထ သံသဂ္ဂဝတ္ထုကာ တဏ္ဟာ ဂဟိတာ။ တေနာဟ ‘‘ဒသ္သန။ပေ.။ သ္နေဟေနာ’’တိ။
100. ‘‘Dhātuso saṃsandantī’’ti idaṃ ajjhāsayato sarikkhatādassanaṃ, na kāyena missībhāvadassananti āha ‘‘samuddantare’’tiādi. Nirantaroti nibbiseso. Saṃsaggāti pañcavidhasaṃsaggahetu. Saṃsaggagahaṇena cettha saṃsaggavatthukā taṇhā gahitā. Tenāha ‘‘dassana…pe… snehenā’’ti.
ဝနတိ ဘဇတိ သဇ္ဇတိ တေနာတိ ဝနံ, ဝနထောတိ စ ကိလေသော ဝုစ္စတီတိ အာဟ ‘‘ဝနထော ဇာတောတိ ကိလေသဝနံ ဇာတ’’န္တိ။ ဣတရေ သံသဂ္ဂမူလကာတိ တမေဝ ပဋိက္ခိပန္တော အာဟ ‘‘အဒသ္သနေနာ’’တိ။ သာဓုဇီဝီတိ သာဓု သုဋ္ဌု ဇီဝီ, တံဇီဝနသီလော။ တေနာဟ ‘‘ပရိသုဒ္ဓဇီဝိတံ ဇီဝမာနော’’တိ။
Vanati bhajati sajjati tenāti vanaṃ, vanathoti ca kileso vuccatīti āha ‘‘vanatho jātoti kilesavanaṃ jāta’’nti. Itare saṃsaggamūlakāti tameva paṭikkhipanto āha ‘‘adassanenā’’ti. Sādhujīvīti sādhu suṭṭhu jīvī, taṃjīvanasīlo. Tenāha ‘‘parisuddhajīvitaṃ jīvamāno’’ti.
သဂာထာသုတ္တဝဏ္ဏနာ နိဋ္ဌိတာ။
Sagāthāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. သဂာထာသုတ္တံ • 6. Sagāthāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. သဂာထာသုတ္တဝဏ္ဏနာ • 6. Sagāthāsuttavaṇṇanā
