| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૬. સગાથાસુત્તવણ્ણના
6. Sagāthāsuttavaṇṇanā
૧૦૦. ‘‘ધાતુસો સંસન્દન્તી’’તિ ઇદં અજ્ઝાસયતો સરિક્ખતાદસ્સનં, ન કાયેન મિસ્સીભાવદસ્સનન્તિ આહ ‘‘સમુદ્દન્તરે’’તિઆદિ. નિરન્તરોતિ નિબ્બિસેસો. સંસગ્ગાતિ પઞ્ચવિધસંસગ્ગહેતુ. સંસગ્ગગહણેન ચેત્થ સંસગ્ગવત્થુકા તણ્હા ગહિતા. તેનાહ ‘‘દસ્સન…પે॰… સ્નેહેના’’તિ.
100. ‘‘Dhātuso saṃsandantī’’ti idaṃ ajjhāsayato sarikkhatādassanaṃ, na kāyena missībhāvadassananti āha ‘‘samuddantare’’tiādi. Nirantaroti nibbiseso. Saṃsaggāti pañcavidhasaṃsaggahetu. Saṃsaggagahaṇena cettha saṃsaggavatthukā taṇhā gahitā. Tenāha ‘‘dassana…pe… snehenā’’ti.
વનતિ ભજતિ સજ્જતિ તેનાતિ વનં, વનથોતિ ચ કિલેસો વુચ્ચતીતિ આહ ‘‘વનથો જાતોતિ કિલેસવનં જાત’’ન્તિ. ઇતરે સંસગ્ગમૂલકાતિ તમેવ પટિક્ખિપન્તો આહ ‘‘અદસ્સનેના’’તિ. સાધુજીવીતિ સાધુ સુટ્ઠુ જીવી, તંજીવનસીલો. તેનાહ ‘‘પરિસુદ્ધજીવિતં જીવમાનો’’તિ.
Vanati bhajati sajjati tenāti vanaṃ, vanathoti ca kileso vuccatīti āha ‘‘vanatho jātoti kilesavanaṃ jāta’’nti. Itare saṃsaggamūlakāti tameva paṭikkhipanto āha ‘‘adassanenā’’ti. Sādhujīvīti sādhu suṭṭhu jīvī, taṃjīvanasīlo. Tenāha ‘‘parisuddhajīvitaṃ jīvamāno’’ti.
સગાથાસુત્તવણ્ણના નિટ્ઠિતા.
Sagāthāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. સગાથાસુત્તં • 6. Sagāthāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. સગાથાસુત્તવણ્ણના • 6. Sagāthāsuttavaṇṇanā
