| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. సగాథాసుత్తవణ్ణనా
6. Sagāthāsuttavaṇṇanā
౧౦౦. ఛట్ఠే గూథో గూథేన సంసన్దతి సమేతీతి సముద్దన్తరే జనపదన్తరే చక్కవాళన్తరే ఠితోపి వణ్ణేనపి గన్ధేనపి రసేనపి నానత్తం అనుపగచ్ఛన్తో సంసన్దతి సమేతి, ఏకసదిసోవ హోతి నిరన్తరో. సేసేసుపి ఏసేవ నయో. అయం పన అనిట్ఠఉపమా హీనజ్ఝాసయానం హీనఅజ్ఝాసయస్స సరిక్ఖభావదస్సనత్థం ఆహటా, ఖీరాదివిసిట్ఠోపమా కల్యాణజ్ఝాసయానం అజ్ఝాసయస్స సరిక్ఖభావదస్సనత్థం.
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
సంసగ్గాతి దస్సనసవనసంసగ్గాదివత్థుకేన తణ్హాస్నేహేన. వనథో జాతోతి కిలేసవనం జాతం . అసంసగ్గేన ఛిజ్జతీతి ఏకతో ఠాననిసజ్జాదీని అకరోన్తస్స అసంసగ్గేన అదస్సనేన ఛిజ్జతి. సాధుజీవీతి పరిసుద్ధజీవితం జీవమానో. సహావసేతి సహవాసం వసేయ్య. ఛట్ఠం.
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. సగాథాసుత్తం • 6. Sagāthāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. సగాథాసుత్తవణ్ణనా • 6. Sagāthāsuttavaṇṇanā
