| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. সদ্ধসুত্তং
8. Saddhasuttaṃ
৩৮. ‘‘পঞ্চিমে , ভিক্খৰে, সদ্ধে কুলপুত্তে আনিসংসা। কতমে পঞ্চ? যে তে, ভিক্খৰে, লোকে সন্তো সপ্পুরিসা তে সদ্ধঞ্ঞেৰ পঠমং অনুকম্পন্তা অনুকম্পন্তি, নো তথা অস্সদ্ধং; সদ্ধঞ্ঞেৰ পঠমং উপসঙ্কমন্তা উপসঙ্কমন্তি, নো তথা অস্সদ্ধং; সদ্ধঞ্ঞেৰ পঠমং পটিগ্গণ্হন্তা পটিগ্গণ্হন্তি, নো তথা অস্সদ্ধং; সদ্ধঞ্ঞেৰ পঠমং ধম্মং দেসেন্তা দেসেন্তি, নো তথা অস্সদ্ধং; সদ্ধো কাযস্স ভেদা পরং মরণা সুগতিং সগ্গং লোকং উপপজ্জতি। ইমে খো, ভিক্খৰে, পঞ্চ সদ্ধে কুলপুত্তে আনিসংসা।
38. ‘‘Pañcime , bhikkhave, saddhe kulaputte ānisaṃsā. Katame pañca? Ye te, bhikkhave, loke santo sappurisā te saddhaññeva paṭhamaṃ anukampantā anukampanti, no tathā assaddhaṃ; saddhaññeva paṭhamaṃ upasaṅkamantā upasaṅkamanti, no tathā assaddhaṃ; saddhaññeva paṭhamaṃ paṭiggaṇhantā paṭiggaṇhanti, no tathā assaddhaṃ; saddhaññeva paṭhamaṃ dhammaṃ desentā desenti, no tathā assaddhaṃ; saddho kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca saddhe kulaputte ānisaṃsā.
‘‘সেয্যথাপি, ভিক্খৰে, সুভূমিযং চতুমহাপথে মহানিগ্রোধো সমন্তা পক্খীনং পটিসরণং হোতি; এৰমেৰং খো, ভিক্খৰে, সদ্ধো কুলপুত্তো বহুনো জনস্স পটিসরণং হোতি ভিক্খূনং ভিক্খুনীনং উপাসকানং উপাসিকান’’ন্তি।
‘‘Seyyathāpi, bhikkhave, subhūmiyaṃ catumahāpathe mahānigrodho samantā pakkhīnaṃ paṭisaraṇaṃ hoti; evamevaṃ kho, bhikkhave, saddho kulaputto bahuno janassa paṭisaraṇaṃ hoti bhikkhūnaṃ bhikkhunīnaṃ upāsakānaṃ upāsikāna’’nti.
মূলৰা ফলসম্পন্নো, পতিট্ঠা হোতি পক্খিনং॥
Mūlavā phalasampanno, patiṭṭhā hoti pakkhinaṃ.
‘‘মনোরমে আযতনে, সেৰন্তি নং ৰিহঙ্গমা।
‘‘Manorame āyatane, sevanti naṃ vihaṅgamā;
‘‘তথেৰ সীলসম্পন্নং, সদ্ধং পুরিসপুগ্গলং।
‘‘Tatheva sīlasampannaṃ, saddhaṃ purisapuggalaṃ;
নিৰাতৰুত্তিং অত্থদ্ধং, সোরতং সখিলং মুদুং॥
Nivātavuttiṃ atthaddhaṃ, sorataṃ sakhilaṃ muduṃ.
‘‘ৰীতরাগা ৰীতদোসা, ৰীতমোহা অনাসৰা।
‘‘Vītarāgā vītadosā, vītamohā anāsavā;
পুঞ্ঞক্খেত্তানি লোকস্মিং, সেৰন্তি তাদিসং নরং॥
Puññakkhettāni lokasmiṃ, sevanti tādisaṃ naraṃ.
‘‘তে তস্স ধম্মং দেসেন্তি, সব্বদুক্খাপনূদনং।
‘‘Te tassa dhammaṃ desenti, sabbadukkhāpanūdanaṃ;
যং সো ধম্মং ইধঞ্ঞায, পরিনিব্বাতি অনাসৰো’’তি॥ অট্ঠমং।
Yaṃ so dhammaṃ idhaññāya, parinibbāti anāsavo’’ti. aṭṭhamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮. সদ্ধসুত্তৰণ্ণনা • 8. Saddhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮. সদ্ধসুত্তৰণ্ণনা • 8. Saddhasuttavaṇṇanā
