| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൮. അട്ഠാരസമവഗ്ഗോ
18. Aṭṭhārasamavaggo
(൧൮൪) ൮. സദ്ദം സുണാതീതികഥാ
(184) 8. Saddaṃ suṇātītikathā
൮൨൩. സമാപന്നോ സദ്ദം സുണാതീതി? ആമന്താ. സമാപന്നോ ചക്ഖുനാ രൂപം പസ്സതി…പേ॰… സോതേന…പേ॰… ഘാനേന…പേ॰… ജിവ്ഹായ…പേ॰… കായേന ഫോട്ഠബ്ബം ഫുസതീതി? ന ഹേവം വത്തബ്ബേ…പേ॰….
823. Samāpanno saddaṃ suṇātīti? Āmantā. Samāpanno cakkhunā rūpaṃ passati…pe… sotena…pe… ghānena…pe… jivhāya…pe… kāyena phoṭṭhabbaṃ phusatīti? Na hevaṃ vattabbe…pe….
സമാപന്നോ സദ്ദം സുണാതീതി? ആമന്താ. സോതവിഞ്ഞാണസമങ്ഗീ സമാപന്നോതി? ന ഹേവം വത്തബ്ബേ. നനു സമാധി മനോവിഞ്ഞാണസമങ്ഗിസ്സാതി? ആമന്താ. ഹഞ്ചി സമാധി മനോവിഞ്ഞാണസമങ്ഗിസ്സ, നോ ച വത രേ വത്തബ്ബേ – ‘‘സമാപന്നോ സദ്ദം സുണാതീ’’തി.
Samāpanno saddaṃ suṇātīti? Āmantā. Sotaviññāṇasamaṅgī samāpannoti? Na hevaṃ vattabbe. Nanu samādhi manoviññāṇasamaṅgissāti? Āmantā. Hañci samādhi manoviññāṇasamaṅgissa, no ca vata re vattabbe – ‘‘samāpanno saddaṃ suṇātī’’ti.
സമാധി മനോവിഞ്ഞാണസമങ്ഗിസ്സ, സോതവിഞ്ഞാണസമങ്ഗീ സദ്ദം സുണാതീതി? ആമന്താ. ഹഞ്ചി സമാധി മനോവിഞ്ഞാണസമങ്ഗിസ്സ, സോതവിഞ്ഞാണസമങ്ഗീ സദ്ദം സുണാതി, നോ ച വത രേ വത്തബ്ബേ – ‘‘സമാപന്നോ സദ്ദം സുണാതീ’’തി . സമാധി മനോവിഞ്ഞാണസമങ്ഗിസ്സ, സോതവിഞ്ഞാണസമങ്ഗീ സദ്ദം സുണാതീതി? ആമന്താ. ദ്വിന്നം ഫസ്സാനം…പേ॰… ദ്വിന്നം ചിത്താനം സമോധാനം ഹോതീതി? ന ഹേവം വത്തബ്ബേ…പേ॰….
Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Hañci samādhi manoviññāṇasamaṅgissa, sotaviññāṇasamaṅgī saddaṃ suṇāti, no ca vata re vattabbe – ‘‘samāpanno saddaṃ suṇātī’’ti . Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
൮൨൪. ന വത്തബ്ബം – ‘‘സമാപന്നോ സദ്ദം സുണാതീ’’തി? ആമന്താ. നനു പഠമസ്സ ഝാനസ്സ സദ്ദോ കണ്ടകോ വുത്തോ ഭഗവതാതി? ആമന്താ . ഹഞ്ചി പഠമസ്സ ഝാനസ്സ സദ്ദോ കണ്ടകോ വുത്തോ ഭഗവതാ, തേന വത രേ വത്തബ്ബേ – ‘‘സമാപന്നോ സദ്ദം സുണാതീ’’തി.
824. Na vattabbaṃ – ‘‘samāpanno saddaṃ suṇātī’’ti? Āmantā. Nanu paṭhamassa jhānassa saddo kaṇṭako vutto bhagavatāti? Āmantā . Hañci paṭhamassa jhānassa saddo kaṇṭako vutto bhagavatā, tena vata re vattabbe – ‘‘samāpanno saddaṃ suṇātī’’ti.
൮൨൫. പഠമസ്സ ഝാനസ്സ സദ്ദോ കണ്ടകോ വുത്തോ ഭഗവതാതി, സമാപന്നോ സദ്ദം സുണാതീതി? ആമന്താ. ദുതിയസ്സ ഝാനസ്സ വിതക്കോ വിചാരോ കണ്ടകോ വുത്തോ ഭഗവതാ, അത്ഥി തസ്സ വിതക്കവിചാരാതി? ന ഹേവം വത്തബ്ബേ…പേ॰….
825. Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Dutiyassa jhānassa vitakko vicāro kaṇṭako vutto bhagavatā, atthi tassa vitakkavicārāti? Na hevaṃ vattabbe…pe….
പഠമസ്സ ഝാനസ്സ സദ്ദോ കണ്ടകോ വുത്തോ ഭഗവതാതി, സമാപന്നോ സദ്ദം സുണാതീതി? ആമന്താ. തതിയസ്സ ഝാനസ്സ പീതി കണ്ടകോ…പേ॰… ചതുത്ഥസ്സ ഝാനസ്സ അസ്സാസപസ്സാസോ കണ്ടകോ … ആകാസാനഞ്ചായതനം സമാപന്നസ്സ രൂപസഞ്ഞാ കണ്ടകോ… വിഞ്ഞാണഞ്ചായതനം സമാപന്നസ്സ ആകാസാനഞ്ചായതനസഞ്ഞാ കണ്ടകോ… ആകിഞ്ചഞ്ഞായതനം സമാപന്നസ്സ വിഞ്ഞാണഞ്ചായതനസഞ്ഞാ കണ്ടകോ… നേവസഞ്ഞാനാസഞ്ഞായതനം സമാപന്നസ്സ ആകിഞ്ചഞ്ഞായതനസഞ്ഞാ കണ്ടകോ… സഞ്ഞാവേദയിതനിരോധം സമാപന്നസ്സ സഞ്ഞാ ച വേദനാ ച കണ്ടകോ വുത്തോ ഭഗവതാ, അത്ഥി തസ്സ സഞ്ഞാ ച വേദനാ ചാതി? ന ഹേവം വത്തബ്ബേ…പേ॰….
Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Tatiyassa jhānassa pīti kaṇṭako…pe… catutthassa jhānassa assāsapassāso kaṇṭako … ākāsānañcāyatanaṃ samāpannassa rūpasaññā kaṇṭako… viññāṇañcāyatanaṃ samāpannassa ākāsānañcāyatanasaññā kaṇṭako… ākiñcaññāyatanaṃ samāpannassa viññāṇañcāyatanasaññā kaṇṭako… nevasaññānāsaññāyatanaṃ samāpannassa ākiñcaññāyatanasaññā kaṇṭako… saññāvedayitanirodhaṃ samāpannassa saññā ca vedanā ca kaṇṭako vutto bhagavatā, atthi tassa saññā ca vedanā cāti? Na hevaṃ vattabbe…pe….
സദ്ദം സുണാതീതികഥാ നിട്ഠിതാ.
Saddaṃ suṇātītikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. സമാപന്നോ സദ്ദം സുണാതീതികഥാവണ്ണനാ • 8. Samāpanno saddaṃ suṇātītikathāvaṇṇanā
