| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. দুতিযপণ্ণাসকং
2. Dutiyapaṇṇāsakaṃ
(৬) ১. সচিত্তৰগ্গো
(6) 1. Sacittavaggo
১-১০. সচিত্তসুত্তাদিৰণ্ণনা
1-10. Sacittasuttādivaṇṇanā
৫১-৬০. দুতিযস্স পঠমাদীনি উত্তানত্থানি। দসমে পিত্তং সমুট্ঠানমেতেসন্তি পিত্তসমুট্ঠানা, পিত্তপচ্চযাপিত্তহেতুকাতি অত্থো। সেম্হসমুট্ঠানাদীসুপি এসেৰ নযো। সন্নিপাতিকাতি তিণ্ণম্পি পিত্তাদীনং কোপেন সমুট্ঠিতা। উতুপরিণামজাতি ৰিসভাগউতুতো জাতা। জঙ্গলদেসৰাসীনঞ্হি অনূপদেসে ৰসন্তানং ৰিসভাগো চ উতু উপ্পজ্জতি, অনূপদেসৰাসীনঞ্চ জঙ্গলদেসেতি এৰং পরসমুদ্দতীরাদিৰসেনপি উতুৰিসভাগতা উপ্পজ্জতিযেৰ। ততো জাতাতি উতুপরিণামজা। অত্তনো পকতিচরিযানং ৰিসযানং ৰিসমং কাযপরিহরণৰসেন জাতা ৰিসমপরিহারজা। তেনাহ ‘‘অতিচিরট্ঠাননিসজ্জাদিনা ৰিসমপরিহারেন জাতা’’তি। আদি-সদ্দেন মহাভারৰহনসুধাকোট্টনাদীনং সঙ্গহো। পরস্স উপক্কমতো নিব্বত্তা ওপক্কমিকা। বাহিরং পচ্চযং অনপেক্খিত্ৰা কেৰলং কম্মৰিপাকতোৰ জাতা কম্মৰিপাকজা। তত্থ পুরিমেহি সত্তহি কারণেহি উপ্পন্না সারীরিকা ৰেদনা সক্কা পটিবাহিতুং, কম্মৰিপাকজানং পন সব্বভেসজ্জানিপি সব্বপরিত্তানিপি নালং পটিঘাতায।
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
সচিত্তসুত্তাদিৰণ্ণনা নিট্ঠিতা।
Sacittasuttādivaṇṇanā niṭṭhitā.
সচিত্তৰগ্গৰণ্ণনা নিট্ঠিতা।
Sacittavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. সচিত্তসুত্তং • 1. Sacittasuttaṃ
২. সারিপুত্তসুত্তং • 2. Sāriputtasuttaṃ
৩. ঠিতিসুত্তং • 3. Ṭhitisuttaṃ
৪. সমথসুত্তং • 4. Samathasuttaṃ
৫. পরিহানসুত্তং • 5. Parihānasuttaṃ
৬. পঠমসঞ্ঞাসুত্তং • 6. Paṭhamasaññāsuttaṃ
৭. দুতিযসঞ্ঞাসুত্তং • 7. Dutiyasaññāsuttaṃ
৮. মূলকসুত্তং • 8. Mūlakasuttaṃ
৯. পব্বজ্জাসুত্তং • 9. Pabbajjāsuttaṃ
১০. গিরিমানন্দসুত্তং • 10. Girimānandasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১-৪. সচিত্তসুত্তাদিৰণ্ণনা • 1-4. Sacittasuttādivaṇṇanā
৮. মূলকসুত্তৰণ্ণনা • 8. Mūlakasuttavaṇṇanā
৯. পব্বজ্জাসুত্তৰণ্ণনা • 9. Pabbajjāsuttavaṇṇanā
১০. গিরিমানন্দসুত্তৰণ্ণনা • 10. Girimānandasuttavaṇṇanā
