| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. သစ္ဆိကရဏီယသုတ္တဝဏ္ဏနာ
9. Sacchikaraṇīyasuttavaṇṇanā
၁၈၉. နဝမေ ကာယေနာတိ နာမကာယေန။ သစ္ဆိကရဏီယာတိ ပစ္စက္ခံ ကာတဗ္ဗာ။ သတိယာတိ ပုဗ္ဗေနိဝာသာနုသ္သတိယာ။ စက္ခုနာတိ ဒိဗ္ဗစက္ခုနာ။ ပညာယာတိ ဈာနပညာယ ဝိပသ္သနာပညာ သစ္ဆိကာတဗ္ဗာ, ဝိပသ္သနာပညာယ မဂ္ဂပညာ, မဂ္ဂပညာယ ဖလပညာ, ဖလပညာယ ပစ္စဝေက္ခဏပညာ သစ္ဆိကာတဗ္ဗာ, ပတ္တဗ္ဗာတိ အတ္ထော။ အာသဝာနံ ခယသင္ခာတံ ပန အရဟတ္တံ ပစ္စဝေက္ခဏဝသေန ပစ္စဝေက္ခဏပညာယ သစ္ဆိကရဏီယံ နာမာတိ။
189. Navame kāyenāti nāmakāyena. Sacchikaraṇīyāti paccakkhaṃ kātabbā. Satiyāti pubbenivāsānussatiyā. Cakkhunāti dibbacakkhunā. Paññāyāti jhānapaññāya vipassanāpaññā sacchikātabbā, vipassanāpaññāya maggapaññā, maggapaññāya phalapaññā, phalapaññāya paccavekkhaṇapaññā sacchikātabbā, pattabbāti attho. Āsavānaṃ khayasaṅkhātaṃ pana arahattaṃ paccavekkhaṇavasena paccavekkhaṇapaññāya sacchikaraṇīyaṃ nāmāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. သစ္ဆိကရဏီယသုတ္တံ • 9. Sacchikaraṇīyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. သစ္ဆိကရဏီယသုတ္တဝဏ္ဏနာ • 9. Sacchikaraṇīyasuttavaṇṇanā
