| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. सच्चसञ्ञकत्थेरअपदानं
3. Saccasaññakattheraapadānaṃ
११.
11.
‘‘वेस्सभू तम्हि समये, भिक्खुसङ्घपुरक्खतो।
‘‘Vessabhū tamhi samaye, bhikkhusaṅghapurakkhato;
देसेति अरियसच्चानि, निब्बापेन्तो महाजनं॥
Deseti ariyasaccāni, nibbāpento mahājanaṃ.
१२.
12.
‘‘परमकारुञ्ञपत्तोम्हि, समितिं अगमासहं।
‘‘Paramakāruññapattomhi, samitiṃ agamāsahaṃ;
सोहं निसिन्नको सन्तो, धम्ममस्सोसि सत्थुनो॥
Sohaṃ nisinnako santo, dhammamassosi satthuno.
१३.
13.
‘‘तस्साहं धम्मं सुत्वान, देवलोकं अगच्छहं।
‘‘Tassāhaṃ dhammaṃ sutvāna, devalokaṃ agacchahaṃ;
तिंसकप्पानि देवेसु, अवसिं तत्थहं पुरे॥
Tiṃsakappāni devesu, avasiṃ tatthahaṃ pure.
१४.
14.
‘‘एकत्तिंसे इतो कप्पे, यं सञ्ञमलभिं तदा।
‘‘Ekattiṃse ito kappe, yaṃ saññamalabhiṃ tadā;
दुग्गतिं नाभिजानामि, सच्चसञ्ञायिदं फलं॥
Duggatiṃ nābhijānāmi, saccasaññāyidaṃ phalaṃ.
१५.
15.
‘‘छब्बीसम्हि इतो कप्पे, एको आसिं जनाधिपो।
‘‘Chabbīsamhi ito kappe, eko āsiṃ janādhipo;
एकफुसितनामेन, चक्कवत्ती महब्बलो॥
Ekaphusitanāmena, cakkavattī mahabbalo.
१६.
16.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सच्चसञ्ञको थेरो इमा गाथायो अभासित्थाति।
Itthaṃ sudaṃ āyasmā saccasaññako thero imā gāthāyo abhāsitthāti.
सच्चसञ्ञकत्थेरस्सापदानं ततियं।
Saccasaññakattherassāpadānaṃ tatiyaṃ.
