| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. ஸச்சஸஞ்ஞகத்தே²ரஅபதா³னங்
3. Saccasaññakattheraapadānaṃ
11.
11.
‘‘வெஸ்ஸபூ⁴ தம்ஹி ஸமயே, பி⁴க்கு²ஸங்க⁴புரக்க²தோ;
‘‘Vessabhū tamhi samaye, bhikkhusaṅghapurakkhato;
தே³ஸேதி அரியஸச்சானி, நிப்³பா³பெந்தோ மஹாஜனங்.
Deseti ariyasaccāni, nibbāpento mahājanaṃ.
12.
12.
‘‘பரமகாருஞ்ஞபத்தொம்ஹி, ஸமிதிங் அக³மாஸஹங்;
‘‘Paramakāruññapattomhi, samitiṃ agamāsahaṃ;
ஸோஹங் நிஸின்னகோ ஸந்தோ, த⁴ம்மமஸ்ஸோஸி ஸத்து²னோ.
Sohaṃ nisinnako santo, dhammamassosi satthuno.
13.
13.
‘‘தஸ்ஸாஹங் த⁴ம்மங் ஸுத்வான, தே³வலோகங் அக³ச்ச²ஹங்;
‘‘Tassāhaṃ dhammaṃ sutvāna, devalokaṃ agacchahaṃ;
திங்ஸகப்பானி தே³வேஸு, அவஸிங் தத்த²ஹங் புரே.
Tiṃsakappāni devesu, avasiṃ tatthahaṃ pure.
14.
14.
‘‘ஏகத்திங்ஸே இதோ கப்பே, யங் ஸஞ்ஞமலபி⁴ங் ததா³;
‘‘Ekattiṃse ito kappe, yaṃ saññamalabhiṃ tadā;
து³க்³க³திங் நாபி⁴ஜானாமி, ஸச்சஸஞ்ஞாயித³ங் ப²லங்.
Duggatiṃ nābhijānāmi, saccasaññāyidaṃ phalaṃ.
15.
15.
‘‘ச²ப்³பீ³ஸம்ஹி இதோ கப்பே, ஏகோ ஆஸிங் ஜனாதி⁴போ;
‘‘Chabbīsamhi ito kappe, eko āsiṃ janādhipo;
ஏகபு²ஸிதனாமேன, சக்கவத்தீ மஹப்³ப³லோ.
Ekaphusitanāmena, cakkavattī mahabbalo.
16.
16.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸச்சஸஞ்ஞகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā saccasaññako thero imā gāthāyo abhāsitthāti.
ஸச்சஸஞ்ஞகத்தே²ரஸ்ஸாபதா³னங் ததியங்.
Saccasaññakattherassāpadānaṃ tatiyaṃ.
