| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೩. ಸಚ್ಚಕಥಾವಣ್ಣನಾ
3. Saccakathāvaṇṇanā
೪೫೨-೪೫೪. ಇದಾನಿ ಸಚ್ಚಕಥಾ ನಾಮ ಹೋತಿ। ತತ್ಥ ಯೇಸಂ ‘‘ಚತ್ತಾರಿಮಾನಿ, ಭಿಕ್ಖವೇ, ತಥಾನಿ ಅವಿತಥಾನೀ’’ತಿ (ಸಂ॰ ನಿ॰ ೫.೧೦೯೦) ಸುತ್ತಂ ನಿಸ್ಸಾಯ ‘‘ಚತ್ತಾರಿ ಸಚ್ಚಾನಿ ನಿಚ್ಚಾನಿ ಅಸಙ್ಖತಾನೀ’’ತಿ ಲದ್ಧಿ, ಸೇಯ್ಯಥಾಪಿ ಪುಬ್ಬಸೇಲಿಯಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಯಞ್ಹಿಸ್ಸ ಅಧಿಪ್ಪಾಯೋ – ದುಕ್ಖಸಮುದಯಮಗ್ಗೇಸು ವತ್ಥುಸಚ್ಚಂ ಸಙ್ಖತಂ, ಲಕ್ಖಣಸಚ್ಚಂ ಅಸಙ್ಖತಂ। ನಿರೋಧೇ ವತ್ಥುಸಚ್ಚಂ ನಾಮ ನತ್ಥಿ ಅಸಙ್ಖತಮೇವ ತನ್ತಿ। ತಸ್ಮಾ ಆಮನ್ತಾತಿ ಆಹ। ತಂ ಪನಸ್ಸ ಲದ್ಧಿಮತ್ತಮೇವ। ಸೋ ಹಿ ದುಕ್ಖಂ ವತ್ಥುಸಚ್ಚಂ ಇಚ್ಛತಿ, ತಥಾ ಸಮುದಯಂ ಮಗ್ಗಞ್ಚ। ಯಾನಿ ಪನ ನೇಸಂ ಬಾಧನಪಭವನಿಯ್ಯಾನಿಕಲಕ್ಖಣಾನಿ, ತಾನಿ ಲಕ್ಖಣಸಚ್ಚಂ ನಾಮಾತಿ, ನ ಚ ಬಾಧನಲಕ್ಖಣಾದೀಹಿ ಅಞ್ಞಾನಿ ದುಕ್ಖಾದೀನಿ ನಾಮ ಅತ್ಥೀತಿ। ತಾಣಾನೀತಿಆದೀಸು ಅಧಿಪ್ಪಾಯೋ ವುತ್ತನಯೇನೇವ ವೇದಿತಬ್ಬೋ।
452-454. Idāni saccakathā nāma hoti. Tattha yesaṃ ‘‘cattārimāni, bhikkhave, tathāni avitathānī’’ti (saṃ. ni. 5.1090) suttaṃ nissāya ‘‘cattāri saccāni niccāni asaṅkhatānī’’ti laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Ayañhissa adhippāyo – dukkhasamudayamaggesu vatthusaccaṃ saṅkhataṃ, lakkhaṇasaccaṃ asaṅkhataṃ. Nirodhe vatthusaccaṃ nāma natthi asaṅkhatameva tanti. Tasmā āmantāti āha. Taṃ panassa laddhimattameva. So hi dukkhaṃ vatthusaccaṃ icchati, tathā samudayaṃ maggañca. Yāni pana nesaṃ bādhanapabhavaniyyānikalakkhaṇāni, tāni lakkhaṇasaccaṃ nāmāti, na ca bādhanalakkhaṇādīhi aññāni dukkhādīni nāma atthīti. Tāṇānītiādīsu adhippāyo vuttanayeneva veditabbo.
ದುಕ್ಖಸಚ್ಚನ್ತಿ ಪಞ್ಹೇ ಲದ್ಧಿವಸೇನ ಲಕ್ಖಣಂ ಸನ್ಧಾಯ ಪಟಿಜಾನಾತಿ। ದುಕ್ಖನ್ತಿ ಪಞ್ಹೇ ವತ್ಥುಂ ಸನ್ಧಾಯ ಪಟಿಕ್ಖಿಪತಿ। ಇತೋ ಪರಂ ಸುದ್ಧಿಕಪಞ್ಹಾ ಚ ಸಂಸನ್ದನಪಞ್ಹಾ ಚ ಸಬ್ಬೇ ಪಾಳಿಅನುಸಾರೇನೇವ ವೇದಿತಬ್ಬಾ। ಅವಸಾನೇ ಲದ್ಧಿಪತಿಟ್ಠಾಪನತ್ಥಂ ಆಹಟಸುತ್ತಂ ಅತ್ಥಸ್ಸ ಮಿಚ್ಛಾ ಗಹಿತತ್ತಾ ಅನಾಹಟಸದಿಸಮೇವಾತಿ।
Dukkhasaccanti pañhe laddhivasena lakkhaṇaṃ sandhāya paṭijānāti. Dukkhanti pañhe vatthuṃ sandhāya paṭikkhipati. Ito paraṃ suddhikapañhā ca saṃsandanapañhā ca sabbe pāḷianusāreneva veditabbā. Avasāne laddhipatiṭṭhāpanatthaṃ āhaṭasuttaṃ atthassa micchā gahitattā anāhaṭasadisamevāti.
ಸಚ್ಚಕಥಾವಣ್ಣನಾ।
Saccakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೫೫) ೩. ಸಚ್ಚಕಥಾ • (55) 3. Saccakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩. ಸಚ್ಚಕಥಾವಣ್ಣನಾ • 3. Saccakathāvaṇṇanā
