| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
6. сабхияасуд̇д̇ам̣
6. Sabhiyasuttaṃ
звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна сабхияасса бариб̣б̣ааж̇агасса бураан̣асаалохид̇ааяа д̣̇звад̇ааяа бан̃хаа уд̣̇д̣̇идтаа хонд̇и – ‘‘яо д̇з, сабхияа, саман̣о ваа б̣раахман̣о ваа имз бан̃хз будто б̣яаагарод̇и д̇асса санд̇игз б̣рахмажарияам̣ жарзяяаасий’’д̇и.
Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena sabhiyassa paribbājakassa purāṇasālohitāya devatāya pañhā uddiṭṭhā honti – ‘‘yo te, sabhiya, samaṇo vā brāhmaṇo vā ime pañhe puṭṭho byākaroti tassa santike brahmacariyaṃ careyyāsī’’ti.
ат̇а ко сабхияо бариб̣б̣ааж̇аго д̇ассаа д̣̇звад̇ааяа санд̇игз д̇з бан̃хз уг̇г̇ахзд̇ваа яз д̇з саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, сзяяат̇ид̣̇ам̣ – бууран̣о гассабо магкалиг̇осаало аж̇ид̇о гзсагамб̣ало багуд̇хо 1 гажжаано сан̃жаяо 2 б̣зладтабуд̇д̇о 3 ниг̇ан̣то наадабуд̇д̇о 4, д̇з убасан̇гамид̇ваа д̇з бан̃хз бужчад̇и. д̇з сабхиязна бариб̣б̣ааж̇агзна бан̃хз будтаа на самбааяанд̇и; асамбааяанд̇аа гобан̃жа д̣̇осан̃жа аббажжаяан̃жа баад̇угаронд̇и. аби жа сабхияам̣ язва бариб̣б̣ааж̇агам̣ бадибужчанд̇и.
Atha kho sabhiyo paribbājako tassā devatāya santike te pañhe uggahetvā ye te samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā bahujanassa, seyyathidaṃ – pūraṇo kassapo makkhaligosālo ajito kesakambalo pakudho 5 kaccāno sañcayo 6 belaṭṭhaputto 7 nigaṇṭho nāṭaputto 8, te upasaṅkamitvā te pañhe pucchati. Te sabhiyena paribbājakena pañhe puṭṭhā na sampāyanti; asampāyantā kopañca dosañca appaccayañca pātukaronti. Api ca sabhiyaṃ yeva paribbājakaṃ paṭipucchanti.
ат̇а ко сабхияасса бариб̣б̣ааж̇агасса зд̇ад̣̇ахоси – ‘‘яз ко д̇з бхонд̇о саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, сзяяат̇ид̣̇ам̣ – бууран̣о гассабо…бз… ниг̇ан̣то наадабуд̇д̇о, д̇з маяаа бан̃хз будтаа на самбааяанд̇и, асамбааяанд̇аа гобан̃жа д̣̇осан̃жа аббажжаяан̃жа баад̇угаронд̇и; аби жа ман̃н̃звзд̇т̇а бадибужчанд̇и. яаннууннаахам̣ хийнааяаавад̇д̇ид̇ваа гаамз барибхун̃ж̇зяяа’’нд̇и.
Atha kho sabhiyassa paribbājakassa etadahosi – ‘‘ye kho te bhonto samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā bahujanassa, seyyathidaṃ – pūraṇo kassapo…pe… nigaṇṭho nāṭaputto, te mayā pañhe puṭṭhā na sampāyanti, asampāyantā kopañca dosañca appaccayañca pātukaronti; api ca maññevettha paṭipucchanti. Yannūnnāhaṃ hīnāyāvattitvā kāme paribhuñjeyya’’nti.
ат̇а ко сабхияасса бариб̣б̣ааж̇агасса зд̇ад̣̇ахоси – ‘‘аяамби ко саман̣о г̇од̇амо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; яам̣нуунаахам̣ саман̣ам̣ г̇од̇амам̣ убасан̇гамид̇ваа имз бан̃хз бужчзяяа’’нд̇и.
Atha kho sabhiyassa paribbājakassa etadahosi – ‘‘ayampi kho samaṇo gotamo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; yaṃnūnāhaṃ samaṇaṃ gotamaṃ upasaṅkamitvā ime pañhe puccheyya’’nti.
ат̇а ко сабхияасса бариб̣б̣ааж̇агасса зд̇ад̣̇ахоси – ‘‘язби ко д̇з 9 бхонд̇о саман̣аб̣раахман̣аа ж̇ин̣н̣аа вуд̣дхаа махаллагаа ад̣̇д̇хаг̇ад̇аа ваяоануббад̇д̇аа т̇зраа рад̇д̇ан̃н̃уу жирабаб̣б̣аж̇ид̇аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, сзяяат̇ид̣̇ам̣ – бууран̣о гассабо…бз. … ниг̇ан̣то наадабуд̇д̇о, д̇зби маяаа бан̃хз будтаа на самбааяанд̇и, асамбааяанд̇аа гобан̃жа д̣̇осан̃жа аббажжаяан̃жа баад̇угаронд̇и, аби жа ман̃н̃звзд̇т̇а бадибужчанд̇и; гим̣ бана мз саман̣о г̇од̇амо имз бан̃хз будто б̣яаагариссад̇и! саман̣о хи г̇од̇амо д̣̇ахаро жзва ж̇аад̇ияаа, наво жа баб̣б̣аж̇ж̇ааяаа’’д̇и.
Atha kho sabhiyassa paribbājakassa etadahosi – ‘‘yepi kho te 10 bhonto samaṇabrāhmaṇā jiṇṇā vuḍḍhā mahallakā addhagatā vayoanuppattā therā rattaññū cirapabbajitā saṅghino gaṇino gaṇācariyā ñātā yasassino titthakarā sādhusammatā bahujanassa, seyyathidaṃ – pūraṇo kassapo…pe. … nigaṇṭho nāṭaputto, tepi mayā pañhe puṭṭhā na sampāyanti, asampāyantā kopañca dosañca appaccayañca pātukaronti, api ca maññevettha paṭipucchanti; kiṃ pana me samaṇo gotamo ime pañhe puṭṭho byākarissati! Samaṇo hi gotamo daharo ceva jātiyā, navo ca pabbajjāyā’’ti.
ат̇а ко сабхияасса бариб̣б̣ааж̇агасса зд̇ад̣̇ахоси – ‘‘саман̣о ко 11 д̣̇ахарод̇и на ун̃н̃аад̇аб̣б̣о на барибход̇аб̣б̣о. д̣̇ахароби жзса саман̣о г̇од̇амо махид̣̇д̇хиго ход̇и махаанубхааво, яам̣нуунаахам̣ саман̣ам̣ г̇од̇амам̣ убасан̇гамид̇ваа имз бан̃хз бужчзяяа’’нд̇и.
Atha kho sabhiyassa paribbājakassa etadahosi – ‘‘samaṇo kho 12 daharoti na uññātabbo na paribhotabbo. Daharopi cesa samaṇo gotamo mahiddhiko hoti mahānubhāvo, yaṃnūnāhaṃ samaṇaṃ gotamaṃ upasaṅkamitvā ime pañhe puccheyya’’nti.
ат̇а ко сабхияо бариб̣б̣ааж̇аго язна рааж̇аг̇ахам̣ д̇зна жааригам̣ баггаами. анубуб̣б̣зна жааригам̣ жарамаано язна рааж̇аг̇ахам̣ взл̣уванам̣ галанд̣̇аганиваабо, язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сабхияо бариб̣б̣ааж̇аго бхаг̇аванд̇ам̣ г̇аат̇ааяа аж̇жхабхааси –
Atha kho sabhiyo paribbājako yena rājagahaṃ tena cārikaṃ pakkāmi. Anupubbena cārikaṃ caramāno yena rājagahaṃ veḷuvanaṃ kalandakanivāpo, yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sabhiyo paribbājako bhagavantaṃ gāthāya ajjhabhāsi –
515.
515.
‘‘ган̇кий взжигижчий ааг̇амам̣, (ид̇и сабхияо)
‘‘Kaṅkhī vecikicchī āgamaṃ, (iti sabhiyo)
бан̃хз бужчид̇ум̣ абхиган̇камаано;
Pañhe pucchituṃ abhikaṅkhamāno;
анубуб̣б̣ам̣ ануд̇хаммам̣ б̣яаагарохи мз’’.
Anupubbaṃ anudhammaṃ byākarohi me’’.
516.
516.
‘‘д̣̇уурад̇о ааг̇ад̇оси сабхияа, (ид̇и бхаг̇аваа)
‘‘Dūrato āgatosi sabhiya, (iti bhagavā)
бан̃хз бужчид̇ум̣ абхиган̇камаано;
Pañhe pucchituṃ abhikaṅkhamāno;
анубуб̣б̣ам̣ ануд̇хаммам̣ б̣яаагароми д̇з.
Anupubbaṃ anudhammaṃ byākaromi te.
517.
517.
‘‘бужча мам̣ сабхияа бан̃хам̣, яам̣ гин̃жи манасижчаси;
‘‘Puccha maṃ sabhiya pañhaṃ, yaṃ kiñci manasicchasi;
д̇асса д̇ассзва бан̃хасса, ахам̣ анд̇ам̣ гароми д̇з’’д̇и.
Tassa tasseva pañhassa, ahaṃ antaṃ karomi te’’ti.
ат̇а ко сабхияасса бариб̣б̣ааж̇агасса зд̇ад̣̇ахоси – ‘‘ажчарияам̣ вад̇а, бхо, аб̣бхуд̇ам̣ вад̇а, бхо! яам̣ вад̇аахам̣ ан̃н̃зсу саман̣аб̣раахман̣зсу огаасагаммамад̇д̇амби 17 наалад̇т̇ам̣ д̇ам̣ мз ид̣̇ам̣ саман̣зна г̇од̇амзна огаасагаммам̣ гад̇а’’нд̇и. ад̇д̇амано бамуд̣̇ид̇о уд̣̇аг̇г̇о бийд̇исоманассаж̇аад̇о бхаг̇аванд̇ам̣ бан̃хам̣ абужчи –
Atha kho sabhiyassa paribbājakassa etadahosi – ‘‘acchariyaṃ vata, bho, abbhutaṃ vata, bho! Yaṃ vatāhaṃ aññesu samaṇabrāhmaṇesu okāsakammamattampi 18 nālatthaṃ taṃ me idaṃ samaṇena gotamena okāsakammaṃ kata’’nti. Attamano pamudito udaggo pītisomanassajāto bhagavantaṃ pañhaṃ apucchi –
518.
518.
‘‘гим̣ бад̇д̇инамааху бхигкунам̣, (ид̇и сабхияо)
‘‘Kiṃ pattinamāhu bhikkhunaṃ, (iti sabhiyo)
сорад̇ам̣ гзна гат̇ан̃жа д̣̇анд̇амааху;
Sorataṃ kena kathañca dantamāhu;
б̣уд̣̇д̇ход̇и гат̇ам̣ бавужжад̇и,
Buddhoti kathaṃ pavuccati,
будто мз бхаг̇аваа б̣яаагарохи’’.
Puṭṭho me bhagavā byākarohi’’.
519.
519.
‘‘баж̇ж̇зна гад̇зна ад̇д̇анаа, (сабхияаад̇и бхаг̇аваа)
‘‘Pajjena katena attanā, (sabhiyāti bhagavā)
бариниб̣б̣аанаг̇ад̇о вид̇ин̣н̣аган̇ко;
Parinibbānagato vitiṇṇakaṅkho;
вибхаван̃жа бхаван̃жа виббахааяа,
Vibhavañca bhavañca vippahāya,
вусид̇аваа кийн̣абунаб̣бхаво са бхигку.
Vusitavā khīṇapunabbhavo sa bhikkhu.
520.
520.
‘‘саб̣б̣ад̇т̇а убзгкаго сад̇имаа, на со хим̣сад̇и ган̃жи саб̣б̣алогз;
‘‘Sabbattha upekkhako satimā, na so hiṃsati kañci sabbaloke;
д̇ин̣н̣о саман̣о анаавило, уссад̣̇аа яасса на санд̇и сорад̇о со.
Tiṇṇo samaṇo anāvilo, ussadā yassa na santi sorato so.
521.
521.
‘‘яассинд̣̇рияаани бхаавид̇аани, аж̇жхад̇д̇ам̣ б̣ахид̣̇д̇хаа жа саб̣б̣алогз;
‘‘Yassindriyāni bhāvitāni, ajjhattaṃ bahiddhā ca sabbaloke;
ниб̣б̣иж̇жха имам̣ баран̃жа логам̣, гаалам̣ ган̇кад̇и бхаавид̇о са д̣̇анд̇о.
Nibbijjha imaṃ parañca lokaṃ, kālaṃ kaṅkhati bhāvito sa danto.
522.
522.
‘‘габбаани вижзяяа гзвалаани, сам̣саарам̣ д̣̇убхаяам̣ жуд̇уубабаад̇ам̣;
‘‘Kappāni viceyya kevalāni, saṃsāraṃ dubhayaṃ cutūpapātaṃ;
виг̇ад̇араж̇аманан̇г̇ан̣ам̣ висуд̣̇д̇хам̣, бад̇д̇ам̣ ж̇аад̇икаяам̣ д̇амааху б̣уд̣̇д̇ха’’нд̇и.
Vigatarajamanaṅgaṇaṃ visuddhaṃ, pattaṃ jātikhayaṃ tamāhu buddha’’nti.
ат̇а ко сабхияо бариб̣б̣ааж̇аго бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа ад̇д̇амано бамуд̣̇ид̇о уд̣̇аг̇г̇о бийд̇исоманассаж̇аад̇о бхаг̇аванд̇ам̣ уд̇д̇арим̣ 19 бан̃хам̣ абужчи –
Atha kho sabhiyo paribbājako bhagavato bhāsitaṃ abhinanditvā anumoditvā attamano pamudito udaggo pītisomanassajāto bhagavantaṃ uttariṃ 20 pañhaṃ apucchi –
523.
523.
‘‘гим̣ бад̇д̇инамааху б̣раахман̣ам̣, (ид̇и сабхияо)
‘‘Kiṃ pattinamāhu brāhmaṇaṃ, (iti sabhiyo)
саман̣ам̣ гзна гат̇ан̃жа нхаад̇агод̇и;
Samaṇaṃ kena kathañca nhātakoti;
нааг̇од̇и гат̇ам̣ бавужжад̇и,
Nāgoti kathaṃ pavuccati,
будто мз бхаг̇аваа б̣яаагарохи’’.
Puṭṭho me bhagavā byākarohi’’.
524.
524.
‘‘б̣аахид̇ваа саб̣б̣абаабагаани, (сабхияаад̇и бхаг̇аваа)
‘‘Bāhitvā sabbapāpakāni, (sabhiyāti bhagavā)
вимало саад̇хусамаахид̇о тид̇ад̇д̇о;
Vimalo sādhusamāhito ṭhitatto;
сам̣саарамад̇ижжа гзвалий со,
Saṃsāramaticca kevalī so,
асид̇о д̇аад̣̇и бавужжад̇з са б̣рахмаа.
Asito tādi pavuccate sa brahmā.
525.
525.
‘‘самид̇аави бахааяа бун̃н̃абаабам̣, вираж̇о н̃ад̇ваа имам̣ баран̃жа логам̣;
‘‘Samitāvi pahāya puññapāpaṃ, virajo ñatvā imaṃ parañca lokaṃ;
ж̇аад̇имаран̣ам̣ убаад̇ивад̇д̇о, саман̣о д̇аад̣̇и бавужжад̇з д̇ат̇ад̇д̇аа.
Jātimaraṇaṃ upātivatto, samaṇo tādi pavuccate tathattā.
526.
526.
‘‘нинхааяа 21 саб̣б̣абаабагаани, аж̇жхад̇д̇ам̣ б̣ахид̣̇д̇хаа жа саб̣б̣алогз;
‘‘Ninhāya 22 sabbapāpakāni, ajjhattaṃ bahiddhā ca sabbaloke;
д̣̇звамануссзсу габбиязсу, габбам̣ нзд̇и д̇амааху нхаад̇аго’’д̇и.
Devamanussesu kappiyesu, kappaṃ neti tamāhu nhātako’’ti.
527.
527.
‘‘ааг̇ум̣ на гарод̇и гин̃жи логз, саб̣б̣асам̣яог̇з 23 висаж̇ж̇а б̣анд̇ханаани;
‘‘Āguṃ na karoti kiñci loke, sabbasaṃyoge 24 visajja bandhanāni;
саб̣б̣ад̇т̇а на саж̇ж̇ад̇ий вимуд̇д̇о, нааг̇о д̇аад̣̇и бавужжад̇з д̇ат̇ад̇д̇аа’’д̇и.
Sabbattha na sajjatī vimutto, nāgo tādi pavuccate tathattā’’ti.
ат̇а ко сабхияо бариб̣б̣ааж̇аго…бз… бхаг̇аванд̇ам̣ уд̇д̇арим̣ бан̃хам̣ абужчи –
Atha kho sabhiyo paribbājako…pe… bhagavantaṃ uttariṃ pañhaṃ apucchi –
528.
528.
‘‘гам̣ кзд̇д̇аж̇инам̣ вад̣̇анд̇и б̣уд̣̇д̇хаа, (ид̇и сабхияо)
‘‘Kaṃ khettajinaṃ vadanti buddhā, (iti sabhiyo)
гусалам̣ гзна гат̇ан̃жа бан̣д̣ид̇од̇и;
Kusalaṃ kena kathañca paṇḍitoti;
муни наама гат̇ам̣ бавужжад̇и,
Muni nāma kathaṃ pavuccati,
будто мз бхаг̇аваа б̣яаагарохи’’.
Puṭṭho me bhagavā byākarohi’’.
529.
529.
‘‘кзд̇д̇аани вижзяяа гзвалаани, (сабхияаад̇и бхаг̇аваа)
‘‘Khettāni viceyya kevalāni, (sabhiyāti bhagavā)
д̣̇иб̣б̣ам̣ маанусаган̃жа б̣рахмакзд̇д̇ам̣;
Dibbaṃ mānusakañca brahmakhettaṃ;
саб̣б̣акзд̇д̇амуулаб̣анд̇ханаа бамуд̇д̇о,
Sabbakhettamūlabandhanā pamutto,
кзд̇д̇аж̇ино д̇аад̣̇и бавужжад̇з д̇ат̇ад̇д̇аа.
Khettajino tādi pavuccate tathattā.
530.
530.
‘‘госаани вижзяяа гзвалаани, д̣̇иб̣б̣ам̣ маанусаган̃жа б̣рахмагосам̣;
‘‘Kosāni viceyya kevalāni, dibbaṃ mānusakañca brahmakosaṃ;
саб̣б̣агосамуулаб̣анд̇ханаа бамуд̇д̇о, гусало д̇аад̣̇и бавужжад̇з д̇ат̇ад̇д̇аа.
Sabbakosamūlabandhanā pamutto, kusalo tādi pavuccate tathattā.
531.
531.
‘‘д̣̇убхаяаани вижзяяа бан̣д̣араани, аж̇жхад̇д̇ам̣ б̣ахид̣̇д̇хаа жа суд̣̇д̇хибан̃н̃о;
‘‘Dubhayāni viceyya paṇḍarāni, ajjhattaṃ bahiddhā ca suddhipañño;
ган̣хам̣ суггам̣ убаад̇ивад̇д̇о, бан̣д̣ид̇о д̇аад̣̇и бавужжад̇з д̇ат̇ад̇д̇аа.
Kaṇhaṃ sukkaṃ upātivatto, paṇḍito tādi pavuccate tathattā.
532.
532.
‘‘асад̇ан̃жа сад̇ан̃жа н̃ад̇ваа д̇хаммам̣, аж̇жхад̇д̇ам̣ б̣ахид̣̇д̇хаа жа саб̣б̣алогз;
‘‘Asatañca satañca ñatvā dhammaṃ, ajjhattaṃ bahiddhā ca sabbaloke;
д̣̇звамануссзхи бууж̇анийяо, сан̇г̇ам̣ ж̇ааламад̇ижжа со муний’’д̇и.
Devamanussehi pūjanīyo, saṅgaṃ jālamaticca so munī’’ti.
ат̇а ко сабхияо бариб̣б̣ааж̇аго…бз… бхаг̇аванд̇ам̣ уд̇д̇арим̣ бан̃хам̣ абужчи –
Atha kho sabhiyo paribbājako…pe… bhagavantaṃ uttariṃ pañhaṃ apucchi –
533.
533.
‘‘гим̣ бад̇д̇инамааху взд̣̇аг̇ум̣, (ид̇и сабхияо)
‘‘Kiṃ pattinamāhu vedaguṃ, (iti sabhiyo)
анувид̣̇ид̇ам̣ гзна гат̇ан̃жа вийрияаваад̇и;
Anuviditaṃ kena kathañca vīriyavāti;
ааж̇аанияо гинд̇и наама ход̇и,
Ājāniyo kinti nāma hoti,
будто мз бхаг̇аваа б̣яаагарохи’’.
Puṭṭho me bhagavā byākarohi’’.
534.
534.
‘‘взд̣̇аани вижзяяа гзвалаани, (сабхияаад̇и бхаг̇аваа)
‘‘Vedāni viceyya kevalāni, (sabhiyāti bhagavā)
саб̣б̣авзд̣̇анаасу вийд̇арааг̇о,
Sabbavedanāsu vītarāgo,
саб̣б̣ам̣ взд̣̇амад̇ижжа взд̣̇аг̇уу со.
Sabbaṃ vedamaticca vedagū so.
535.
535.
‘‘анувижжа бабан̃жанаамаруубам̣, аж̇жхад̇д̇ам̣ б̣ахид̣̇д̇хаа жа рог̇амуулам̣;
‘‘Anuvicca papañcanāmarūpaṃ, ajjhattaṃ bahiddhā ca rogamūlaṃ;
саб̣б̣арог̇амуулаб̣анд̇ханаа бамуд̇д̇о, анувид̣̇ид̇о д̇аад̣̇и бавужжад̇з д̇ат̇ад̇д̇аа.
Sabbarogamūlabandhanā pamutto, anuvidito tādi pavuccate tathattā.
536.
536.
‘‘вирад̇о ид̇ха саб̣б̣абаабагзхи, нираяад̣̇угкам̣ ад̇ижжа вийрияаваа со;
‘‘Virato idha sabbapāpakehi, nirayadukkhaṃ aticca vīriyavā so;
со вийрияаваа бад̇хаанаваа, д̇хийро д̇аад̣̇и бавужжад̇з д̇ат̇ад̇д̇аа.
So vīriyavā padhānavā, dhīro tādi pavuccate tathattā.
537.
537.
‘‘яассассу лунаани б̣анд̇ханаани, аж̇жхад̇д̇ам̣ б̣ахид̣̇д̇хаа жа сан̇г̇амуулам̣;
‘‘Yassassu lunāni bandhanāni, ajjhattaṃ bahiddhā ca saṅgamūlaṃ;
саб̣б̣асан̇г̇амуулаб̣анд̇ханаа бамуд̇д̇о, ааж̇аанияо д̇аад̣̇и бавужжад̇з д̇ат̇ад̇д̇аа’’д̇и.
Sabbasaṅgamūlabandhanā pamutto, ājāniyo tādi pavuccate tathattā’’ti.
ат̇а ко сабхияо бариб̣б̣ааж̇аго…бз… бхаг̇аванд̇ам̣ уд̇д̇арим̣ бан̃хам̣ абужчи –
Atha kho sabhiyo paribbājako…pe… bhagavantaṃ uttariṃ pañhaṃ apucchi –
538.
538.
‘‘гим̣ бад̇д̇инамааху сод̇д̇ияам̣, (ид̇и сабхияо)
‘‘Kiṃ pattinamāhu sottiyaṃ, (iti sabhiyo)
арияам̣ гзна гат̇ан̃жа жаран̣аваад̇и;
Ariyaṃ kena kathañca caraṇavāti;
бариб̣б̣ааж̇аго гинд̇и наама ход̇и,
Paribbājako kinti nāma hoti,
будто мз бхаг̇аваа б̣яаагарохи’’.
Puṭṭho me bhagavā byākarohi’’.
539.
539.
‘‘суд̇ваа саб̣б̣ад̇хаммам̣ абхин̃н̃ааяа логз, (сабхияаад̇и бхаг̇аваа)
‘‘Sutvā sabbadhammaṃ abhiññāya loke, (sabhiyāti bhagavā)
сааваж̇ж̇аанаваж̇ж̇ам̣ яад̣̇ад̇т̇и гин̃жи;
Sāvajjānavajjaṃ yadatthi kiñci;
абхибхум̣ агат̇ам̣гат̇им̣ вимуд̇д̇ам̣,
Abhibhuṃ akathaṃkathiṃ vimuttaṃ,
анигхам̣ саб̣б̣ад̇химааху сод̇д̇ияод̇и.
Anighaṃ sabbadhimāhu sottiyoti.
540.
540.
‘‘чзд̇ваа аасаваани аалаяаани, вид̣̇ваа со на убзд̇и г̇аб̣бхасзяяам̣;
‘‘Chetvā āsavāni ālayāni, vidvā so na upeti gabbhaseyyaṃ;
сан̃н̃ам̣ д̇ивид̇хам̣ бануж̇ж̇а бан̇гам̣, габбам̣ нзд̇и д̇амааху арияод̇и.
Saññaṃ tividhaṃ panujja paṅkaṃ, kappaṃ neti tamāhu ariyoti.
541.
541.
‘‘яо ид̇ха жаран̣зсу бад̇д̇ибад̇д̇о, гусало саб̣б̣ад̣̇аа ааж̇аанаад̇и 27 д̇хаммам̣;
‘‘Yo idha caraṇesu pattipatto, kusalo sabbadā ājānāti 28 dhammaṃ;
саб̣б̣ад̇т̇а на саж̇ж̇ад̇и вимуд̇д̇ажид̇д̇о 29, бадигхаа яасса на санд̇и жаран̣аваа со.
Sabbattha na sajjati vimuttacitto 30, paṭighā yassa na santi caraṇavā so.
542.
542.
‘‘д̣̇угкавзбаггам̣ яад̣̇ад̇т̇и гаммам̣, уд̣̇д̇хамад̇хо д̇ирияам̣ вааби 31 маж̇жхз;
‘‘Dukkhavepakkaṃ yadatthi kammaṃ, uddhamadho tiriyaṃ vāpi 32 majjhe;
бариб̣б̣ааж̇аяид̇ваа барин̃н̃ажаарий, мааяам̣ маанамат̇оби лобхагод̇хам̣;
Paribbājayitvā pariññacārī, māyaṃ mānamathopi lobhakodhaṃ;
барияанд̇амагааси наамаруубам̣, д̇ам̣ бариб̣б̣ааж̇агамааху бад̇д̇ибад̇д̇а’’нд̇и.
Pariyantamakāsi nāmarūpaṃ, taṃ paribbājakamāhu pattipatta’’nti.
ат̇а ко сабхияо бариб̣б̣ааж̇аго бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа ад̇д̇амано бамуд̣̇ид̇о уд̣̇аг̇г̇о бийд̇исоманассаж̇аад̇о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ саммукаа сааруббаахи г̇аат̇аахи абхид̇т̇ави –
Atha kho sabhiyo paribbājako bhagavato bhāsitaṃ abhinanditvā anumoditvā attamano pamudito udaggo pītisomanassajāto uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ sammukhā sāruppāhi gāthāhi abhitthavi –
543.
543.
‘‘яаани жа д̇ийн̣и яаани жа садти, саман̣аббаваад̣̇асид̇аани 33 бхуурибан̃н̃а;
‘‘Yāni ca tīṇi yāni ca saṭṭhi, samaṇappavādasitāni 34 bhūripañña;
сан̃н̃агкарасан̃н̃аниссид̇аани, осаран̣аани винзяяа огхад̇амаг̇аа.
Saññakkharasaññanissitāni, osaraṇāni vineyya oghatamagā.
544.
544.
‘‘анд̇аг̇ууси баараг̇уу 35 д̣̇угкасса, арахааси саммаасамб̣уд̣̇д̇хо кийн̣аасавам̣ д̇ам̣ ман̃н̃з;
‘‘Antagūsi pāragū 36 dukkhassa, arahāsi sammāsambuddho khīṇāsavaṃ taṃ maññe;
ж̇уд̇имаа муд̇имаа бахууд̇абан̃н̃о, д̣̇угкассанд̇агарам̣ ад̇аарзси мам̣.
Jutimā mutimā pahūtapañño, dukkhassantakaraṃ atāresi maṃ.
545.
545.
‘‘яам̣ мз ган̇кид̇аман̃н̃ааси, вижигижчаа мам̣ д̇аараяи намо д̇з;
‘‘Yaṃ me kaṅkhitamaññāsi, vicikicchā maṃ tārayi namo te;
муни монабат̇зсу бад̇д̇ибад̇д̇а, акила аад̣̇ижжаб̣анд̇ху сорад̇оси.
Muni monapathesu pattipatta, akhila ādiccabandhu soratosi.
546.
546.
‘‘яаа мз ган̇каа бурз ааси, д̇ам̣ мз б̣яаагааси жагкумаа;
‘‘Yā me kaṅkhā pure āsi, taṃ me byākāsi cakkhumā;
ад̣̇д̇хаа мунийси самб̣уд̣̇д̇хо, над̇т̇и нийваран̣аа д̇ава.
Addhā munīsi sambuddho, natthi nīvaraṇā tava.
547.
547.
‘‘убааяаасаа жа д̇з саб̣б̣з, вид̣̇д̇хасд̇аа винал̣ийгад̇аа;
‘‘Upāyāsā ca te sabbe, viddhastā vinaḷīkatā;
сийд̇ибхууд̇о д̣̇амаббад̇д̇о, д̇хид̇имаа сажжаниггамо.
Sītibhūto damappatto, dhitimā saccanikkamo.
548.
548.
‘‘д̇асса д̇з нааг̇анааг̇асса, махаавийрасса бхаасад̇о;
‘‘Tassa te nāganāgassa, mahāvīrassa bhāsato;
саб̣б̣з д̣̇зваанумод̣̇анд̇и, убхо наарад̣̇абаб̣б̣ад̇аа.
Sabbe devānumodanti, ubho nāradapabbatā.
549.
549.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
сад̣̇звагасмим̣ логасмим̣, над̇т̇и д̇з бадибуг̇г̇ало.
Sadevakasmiṃ lokasmiṃ, natthi te paṭipuggalo.
550.
550.
‘‘д̇увам̣ б̣уд̣̇д̇хо д̇увам̣ сад̇т̇аа, д̇увам̣ маараабхибхуу муни;
‘‘Tuvaṃ buddho tuvaṃ satthā, tuvaṃ mārābhibhū muni;
д̇увам̣ анусаяз чзд̇ваа, д̇ин̣н̣о д̇аарзси мам̣ баж̇ам̣.
Tuvaṃ anusaye chetvā, tiṇṇo tāresi maṃ pajaṃ.
551.
551.
‘‘убад̇хий д̇з самад̇игганд̇аа, аасаваа д̇з бад̣̇аалид̇аа;
‘‘Upadhī te samatikkantā, āsavā te padālitā;
сийхоси анубаад̣̇аано, бахийнабхаяабхзраво.
Sīhosi anupādāno, pahīnabhayabheravo.
552.
552.
‘‘бун̣д̣арийгам̣ яат̇аа ваг̇г̇у, д̇ояз на убалимбад̇и 37;
‘‘Puṇḍarīkaṃ yathā vaggu, toye na upalimpati 38;
звам̣ бун̃н̃з жа баабз жа, убхаяз д̇вам̣ на лимбаси;
Evaṃ puññe ca pāpe ca, ubhaye tvaṃ na limpasi;
баад̣̇з вийра басаарзхи, сабхияо ванд̣̇ад̇и сад̇т̇уно’’д̇и.
Pāde vīra pasārehi, sabhiyo vandati satthuno’’ti.
ат̇а ко сабхияо бариб̣б̣ааж̇аго бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… зсаахам̣ бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа; лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и .
Atha kho sabhiyo paribbājako bhagavato pādesu sirasā nipatitvā bhagavantaṃ etadavoca – ‘‘abhikkantaṃ, bhante…pe… esāhaṃ bhagavantaṃ saraṇaṃ gacchāmi dhammañca bhikkhusaṅghañca; labheyyāhaṃ, bhante, bhagavato santike pabbajjaṃ, labheyyaṃ upasampada’’nti .
‘‘яо ко, сабхияа, ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣, со жад̇д̇ааро маасз баривасад̇и; жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и, убасамбаад̣̇знд̇и бхигкубхаавааяа. аби жа мзд̇т̇а буг̇г̇алавзмад̇д̇ад̇аа вид̣̇ид̇аа’’д̇и.
‘‘Yo kho, sabhiya, aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, so cattāro māse parivasati; catunnaṃ māsānaṃ accayena āraddhacittā bhikkhū pabbājenti, upasampādenti bhikkhubhāvāya. Api ca mettha puggalavemattatā viditā’’ti.
‘‘сажз, бханд̇з, ан̃н̃ад̇ид̇т̇ияабуб̣б̣аа имасмим̣ д̇хаммавинаяз ааган̇канд̇аа баб̣б̣аж̇ж̇ам̣, ааган̇канд̇аа убасамбад̣̇ам̣ жад̇д̇ааро маасз баривасанд̇и, жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и, убасамбаад̣̇знд̇и бхигкубхаавааяа, ахам̣ жад̇д̇аари вассаани баривасиссаами; жад̇уннам̣ вассаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇у убасамбаад̣̇знд̇у бхигкубхаавааяаа’’д̇и. алад̇т̇а ко сабхияо бариб̣б̣ааж̇аго бхаг̇авад̇о санд̇игз баб̣б̣аж̇ж̇ам̣ алад̇т̇а убасамбад̣̇ам̣…бз… ан̃н̃ад̇аро ко банааяасмаа сабхияо арахад̇ам̣ ахосийд̇и.
‘‘Sace, bhante, aññatitthiyapubbā imasmiṃ dhammavinaye ākaṅkhantā pabbajjaṃ, ākaṅkhantā upasampadaṃ cattāro māse parivasanti, catunnaṃ māsānaṃ accayena āraddhacittā bhikkhū pabbājenti, upasampādenti bhikkhubhāvāya, ahaṃ cattāri vassāni parivasissāmi; catunnaṃ vassānaṃ accayena āraddhacittā bhikkhū pabbājentu upasampādentu bhikkhubhāvāyā’’ti. Alattha kho sabhiyo paribbājako bhagavato santike pabbajjaṃ alattha upasampadaṃ…pe… aññataro kho panāyasmā sabhiyo arahataṃ ahosīti.
сабхияасуд̇д̇ам̣ чадтам̣ нидтид̇ам̣.
Sabhiyasuttaṃ chaṭṭhaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 6. сабхияасуд̇д̇аван̣н̣анаа • 6. Sabhiyasuttavaṇṇanā
