| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༡. སབྷིཡཀཙྩཱནསུཏྟཝཎྞནཱ
11. Sabhiyakaccānasuttavaṇṇanā
༤༢༠. ཡསྶཔ’སྶཱཏི པཱཋསྶ ཨཡཾ པིཎྜཏྠོ ‘‘ཨཱཝུསོ’’ཏིཨཱདི། ཏཏྠཱཡཾ སམྦནྡྷོ – ཨཱཝུསོ, ཡསྶཔི པུགྒལསྶ ཏཱིཎི ཝསྶཱནི ཝུཊྛོ, ཨེཏྟཀེན ཀཱལེན ‘‘ཧེཏུམྷི སཏི རཱུཔཱིཏིཨཱདིཔཉྙཱཔནཱ ཧོཏི, ཨསཏི ན ཧོཏཱི’’ཏི ཨེཏྟཀཾ བྱཱཀརཎཾ བྷཝེཡྻ, ཏསྶ པུགྒལསྶ ཨེཏྟཀམེཝ བཧུ, ཀོ པན ཝཱདོ ཨཏིཀྐནྟེ! ཨིཏོ ཨཏིཀྐནྟེ དྷམྨདེསནཱནཡེ ཝཱདོཡེཝ ཝཏྟབྦམེཝ ནཏྠཱིཏི ཐེརསྶ པཉྷབྱཱཀརཎཾ སུཏྭཱ པརིབྦཱཛཀོ པཱིཏིསོམནསྶཾ པཝེདེསི།
420. Yassapa’ssāti pāṭhassa ayaṃ piṇḍattho ‘‘āvuso’’tiādi. Tatthāyaṃ sambandho – āvuso, yassapi puggalassa tīṇi vassāni vuṭṭho, ettakena kālena ‘‘hetumhi sati rūpītiādipaññāpanā hoti, asati na hotī’’ti ettakaṃ byākaraṇaṃ bhaveyya, tassa puggalassa ettakameva bahu, ko pana vādo atikkante! Ito atikkante dhammadesanānaye vādoyeva vattabbameva natthīti therassa pañhabyākaraṇaṃ sutvā paribbājako pītisomanassaṃ pavedesi.
སབྷིཡཀཙྩཱནསུཏྟཝཎྞནཱ ནིཊྛིཏཱ།
Sabhiyakaccānasuttavaṇṇanā niṭṭhitā.
ཨབྱཱཀཏསཾཡུཏྟཝཎྞནཱ ནིཊྛིཏཱ།
Abyākatasaṃyuttavaṇṇanā niṭṭhitā.
སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Sāratthappakāsiniyā saṃyuttanikāya-aṭṭhakathāya
སལཱ༹ཡཏནཝགྒཝཎྞནཱཡ ལཱིནཏྠཔྤཀཱསནཱ སམཏྟཱ།
Saḷāyatanavaggavaṇṇanāya līnatthappakāsanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༡. སབྷིཡཀཙྩཱནསུཏྟཾ • 11. Sabhiyakaccānasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༡. སབྷིཡཀཙྩཱནསུཏྟཝཎྞནཱ • 11. Sabhiyakaccānasuttavaṇṇanā
