| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਸਭਿਯਕਚ੍ਚਾਨਸੁਤ੍ਤਂ
11. Sabhiyakaccānasuttaṃ
੪੨੦. ਏਕਂ ਸਮਯਂ ਆਯਸ੍ਮਾ ਸਭਿਯੋ ਕਚ੍ਚਾਨੋ ਞਾਤਿਕੇ વਿਹਰਤਿ ਗਿਞ੍ਜਕਾવਸਥੇ। ਅਥ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਯੇਨਾਯਸ੍ਮਾ ਸਭਿਯੋ ਕਚ੍ਚਾਨੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਸਭਿਯੇਨ ਕਚ੍ਚਾਨੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਆਯਸ੍ਮਨ੍ਤਂ ਸਭਿਯਂ ਕਚ੍ਚਾਨਂ ਏਤਦવੋਚ – ‘‘ਕਿਂ ਨੁ ਖੋ ਭੋ, ਕਚ੍ਚਾਨ, ਹੋਤਿ ਤਥਾਗਤੋ ਪਰਂ ਮਰਣਾ’’ਤਿ? ‘‘ਅਬ੍ਯਾਕਤਂ ਖੋ ਏਤਂ, વਚ੍ਛ, ਭਗવਤਾ – ‘ਹੋਤਿ ਤਥਾਗਤੋ ਪਰਂ ਮਰਣਾ’’’ਤਿ। ‘‘ਕਿਂ ਪਨ, ਭੋ ਕਚ੍ਚਾਨ, ਨ ਹੋਤਿ ਤਥਾਗਤੋ ਪਰਂ ਮਰਣਾ’’ਤਿ? ‘‘ਏਤਮ੍ਪਿ ਖੋ, વਚ੍ਛ, ਅਬ੍ਯਾਕਤਂ ਭਗવਤਾ – ‘ਨ ਹੋਤਿ ਤਥਾਗਤੋ ਪਰਂ ਮਰਣਾ’’’ਤਿ।
420. Ekaṃ samayaṃ āyasmā sabhiyo kaccāno ñātike viharati giñjakāvasathe. Atha kho vacchagotto paribbājako yenāyasmā sabhiyo kaccāno tenupasaṅkami; upasaṅkamitvā āyasmatā sabhiyena kaccānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako āyasmantaṃ sabhiyaṃ kaccānaṃ etadavoca – ‘‘kiṃ nu kho bho, kaccāna, hoti tathāgato paraṃ maraṇā’’ti? ‘‘Abyākataṃ kho etaṃ, vaccha, bhagavatā – ‘hoti tathāgato paraṃ maraṇā’’’ti. ‘‘Kiṃ pana, bho kaccāna, na hoti tathāgato paraṃ maraṇā’’ti? ‘‘Etampi kho, vaccha, abyākataṃ bhagavatā – ‘na hoti tathāgato paraṃ maraṇā’’’ti.
‘‘ਕਿਂ ਨੁ ਖੋ, ਭੋ ਕਚ੍ਚਾਨ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ’’ਤਿ? ‘‘ਅਬ੍ਯਾਕਤਂ ਖੋ ਏਤਂ, વਚ੍ਛ, ਭਗવਤਾ – ‘ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ’’’ਤਿ। ‘‘ਕਿਂ ਪਨ, ਭੋ ਕਚ੍ਚਾਨ, ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ’’ਤਿ? ‘‘ਏਤਮ੍ਪਿ ਖੋ, વਚ੍ਛ, ਅਬ੍ਯਾਕਤਂ ਭਗવਤਾ – ‘ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ’’’ਤਿ।
‘‘Kiṃ nu kho, bho kaccāna, hoti ca na ca hoti tathāgato paraṃ maraṇā’’ti? ‘‘Abyākataṃ kho etaṃ, vaccha, bhagavatā – ‘hoti ca na ca hoti tathāgato paraṃ maraṇā’’’ti. ‘‘Kiṃ pana, bho kaccāna, neva hoti na na hoti tathāgato paraṃ maraṇā’’ti? ‘‘Etampi kho, vaccha, abyākataṃ bhagavatā – ‘neva hoti na na hoti tathāgato paraṃ maraṇā’’’ti.
‘‘‘ਕਿਂ ਨੁ ਖੋ, ਭੋ ਕਚ੍ਚਾਨ, ਹੋਤਿ ਤਥਾਗਤੋ ਪਰਂ ਮਰਣਾ’ਤਿ, ਇਤਿ ਪੁਟ੍ਠੋ ਸਮਾਨੋ – ‘ਅਬ੍ਯਾਕਤਂ ਖੋ ਏਤਂ, વਚ੍ਛ, ਭਗવਤਾ – ਹੋਤਿ ਤਥਾਗਤੋ ਪਰਂ ਮਰਣਾ’ਤਿ વਦੇਸਿ । ‘ਕਿਂ ਪਨ, ਭੋ ਕਚ੍ਚਾਨ, ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ, ਇਤਿ ਪੁਟ੍ਠੋ ਸਮਾਨੋ – ‘ਅਬ੍ਯਾਕਤਂ ਖੋ ਏਤਂ, વਚ੍ਛ, ਭਗવਤਾ – ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ વਦੇਸਿ। ‘ਕਿਂ ਨੁ ਖੋ, ਭੋ ਕਚ੍ਚਾਨ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ, ਇਤਿ ਪੁਟ੍ਠੋ ਸਮਾਨੋ – ‘ਅਬ੍ਯਾਕਤਂ ਖੋ ਏਤਂ, વਚ੍ਛ , ਭਗવਤਾ – ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ વਦੇਸਿ। ‘ਕਿਂ ਪਨ, ਭੋ ਕਚ੍ਚਾਨ, ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ, ਇਤਿ ਪੁਟ੍ਠੋ ਸਮਾਨੋ – ‘ਏਤਮ੍ਪਿ ਖੋ, વਚ੍ਛ, ਅਬ੍ਯਾਕਤਂ ਭਗવਤਾ – ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ’ਤਿ વਦੇਸਿ। ਕੋ ਨੁ ਖੋ, ਭੋ ਕਚ੍ਚਾਨ, ਹੇਤੁ, ਕੋ ਪਚ੍ਚਯੋ, ਯੇਨੇਤਂ ਅਬ੍ਯਾਕਤਂ ਸਮਣੇਨ ਗੋਤਮੇਨਾ’’ਤਿ? ‘‘ਯੋ ਚ, વਚ੍ਛ, ਹੇਤੁ, ਯੋ ਚ ਪਚ੍ਚਯੋ ਪਞ੍ਞਾਪਨਾਯ ਰੂਪੀਤਿ વਾ ਅਰੂਪੀਤਿ વਾ ਸਞ੍ਞੀਤਿ વਾ ਅਸਞ੍ਞੀਤਿ વਾ ਨੇવਸਞ੍ਞੀਨਾਸਞ੍ਞੀਤਿ વਾ, ਸੋ ਚ ਹੇਤੁ, ਸੋ ਚ ਪਚ੍ਚਯੋ ਸਬ੍ਬੇਨ ਸਬ੍ਬਂ ਸਬ੍ਬਥਾ ਸਬ੍ਬਂ ਅਪਰਿਸੇਸਂ ਨਿਰੁਜ੍ਝੇਯ੍ਯ। ਕੇਨ ਨਂ ਪਞ੍ਞਾਪਯਮਾਨੋ ਪਞ੍ਞਾਪੇਯ੍ਯ ਰੂਪੀਤਿ વਾ ਅਰੂਪੀਤਿ વਾ ਸਞ੍ਞੀਤਿ વਾ ਅਸਞ੍ਞੀਤਿ વਾ ਨੇવਸਞ੍ਞੀਨਾਸਞ੍ਞੀਤਿ વਾ’’ਤਿ। ‘‘ਕੀવਚਿਰਂ ਪਬ੍ਬਜਿਤੋਸਿ, ਭੋ ਕਚ੍ਚਾਨਾ’’ਤਿ? ‘‘ਨਚਿਰਂ, ਆવੁਸੋ, ਤੀਣਿ વਸ੍ਸਾਨੀ’’ਤਿ। ‘‘ਯਸ੍ਸਪ’ਸ੍ਸ, ਆવੁਸੋ, ਏਤਮੇਤ੍ਤਕੇਨ ਏਤ੍ਤਕਮੇવ ਤਂਪ’ਸ੍ਸ ਬਹੁ, ਕੋ ਪਨ વਾਦੋ ਏવਂ 1 ਅਭਿਕ੍ਕਨ੍ਤੇ’’ਤਿ! ਏਕਾਦਸਮਂ।
‘‘‘Kiṃ nu kho, bho kaccāna, hoti tathāgato paraṃ maraṇā’ti, iti puṭṭho samāno – ‘abyākataṃ kho etaṃ, vaccha, bhagavatā – hoti tathāgato paraṃ maraṇā’ti vadesi . ‘Kiṃ pana, bho kaccāna, na hoti tathāgato paraṃ maraṇā’ti, iti puṭṭho samāno – ‘abyākataṃ kho etaṃ, vaccha, bhagavatā – na hoti tathāgato paraṃ maraṇā’ti vadesi. ‘Kiṃ nu kho, bho kaccāna, hoti ca na ca hoti tathāgato paraṃ maraṇā’ti, iti puṭṭho samāno – ‘abyākataṃ kho etaṃ, vaccha , bhagavatā – hoti ca na ca hoti tathāgato paraṃ maraṇā’ti vadesi. ‘Kiṃ pana, bho kaccāna, neva hoti na na hoti tathāgato paraṃ maraṇā’ti, iti puṭṭho samāno – ‘etampi kho, vaccha, abyākataṃ bhagavatā – neva hoti na na hoti tathāgato paraṃ maraṇā’ti vadesi. Ko nu kho, bho kaccāna, hetu, ko paccayo, yenetaṃ abyākataṃ samaṇena gotamenā’’ti? ‘‘Yo ca, vaccha, hetu, yo ca paccayo paññāpanāya rūpīti vā arūpīti vā saññīti vā asaññīti vā nevasaññīnāsaññīti vā, so ca hetu, so ca paccayo sabbena sabbaṃ sabbathā sabbaṃ aparisesaṃ nirujjheyya. Kena naṃ paññāpayamāno paññāpeyya rūpīti vā arūpīti vā saññīti vā asaññīti vā nevasaññīnāsaññīti vā’’ti. ‘‘Kīvaciraṃ pabbajitosi, bho kaccānā’’ti? ‘‘Naciraṃ, āvuso, tīṇi vassānī’’ti. ‘‘Yassapa’ssa, āvuso, etamettakena ettakameva taṃpa’ssa bahu, ko pana vādo evaṃ 2 abhikkante’’ti! Ekādasamaṃ.
ਅਬ੍ਯਾਕਤਸਂਯੁਤ੍ਤਂ ਸਮਤ੍ਤਂ।
Abyākatasaṃyuttaṃ samattaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਖੇਮਾਥੇਰੀ ਅਨੁਰਾਧੋ, ਸਾਰਿਪੁਤ੍ਤੋਤਿ ਕੋਟ੍ਠਿਕੋ।
Khemātherī anurādho, sāriputtoti koṭṭhiko;
ਮੋਗ੍ਗਲ੍ਲਾਨੋ ਚ વਚ੍ਛੋ ਚ, ਕੁਤੂਹਲਸਾਲਾਨਨ੍ਦੋ।
Moggallāno ca vaccho ca, kutūhalasālānando;
ਸਭਿਯੋ ਏਕਾਦਸਮਨ੍ਤਿ।
Sabhiyo ekādasamanti;
ਸਲ਼ਾਯਤਨવਗ੍ਗੋ ਚਤੁਤ੍ਥੋ।
Saḷāyatanavaggo catuttho.
ਤਸ੍ਸੁਦ੍ਦਾਨਂ –
Tassuddānaṃ –
ਸਲ਼ਾਯਤਨવੇਦਨਾ, ਮਾਤੁਗਾਮੋ ਜਮ੍ਬੁਖਾਦਕੋ।
Saḷāyatanavedanā, mātugāmo jambukhādako;
ਸਾਮਣ੍ਡਕੋ ਮੋਗ੍ਗਲ੍ਲਾਨੋ, ਚਿਤ੍ਤੋ ਗਾਮਣਿ ਸਙ੍ਖਤਂ।
Sāmaṇḍako moggallāno, citto gāmaṇi saṅkhataṃ;
ਅਬ੍ਯਾਕਤਨ੍ਤਿ ਦਸਧਾਤਿ॥
Abyākatanti dasadhāti.
ਸਲ਼ਾਯਤਨવਗ੍ਗਸਂਯੁਤ੍ਤਪਾਲ਼ਿ ਨਿਟ੍ਠਿਤਾ।
Saḷāyatanavaggasaṃyuttapāḷi niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਸਭਿਯਕਚ੍ਚਾਨਸੁਤ੍ਤવਣ੍ਣਨਾ • 11. Sabhiyakaccānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਸਭਿਯਕਚ੍ਚਾਨਸੁਤ੍ਤવਣ੍ਣਨਾ • 11. Sabhiyakaccānasuttavaṇṇanā
