| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੯੪. ਸਭਾਗਾਪਤ੍ਤਿਪਟਿਕਮ੍ਮવਿਧਿ
94. Sabhāgāpattipaṭikammavidhi
੧੭੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ ਹੋਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਪਞ੍ਞਤ੍ਤਂ ‘ਨ ਸਭਾਗਾ ਆਪਤ੍ਤਿ ਦੇਸੇਤਬ੍ਬਾ, ਨ ਸਭਾਗਾ ਆਪਤ੍ਤਿ ਪਟਿਗ੍ਗਹੇਤਬ੍ਬਾ’ਤਿ । ਅਯਞ੍ਚ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ। ਕਥਂ ਨੁ ਖੋ ਅਮ੍ਹੇਹਿ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ।
171. Tena kho pana samayena aññatarasmiṃ āvāse tadahuposathe sabbo saṅgho sabhāgaṃ āpattiṃ āpanno hoti. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘na sabhāgā āpatti desetabbā, na sabhāgā āpatti paṭiggahetabbā’ti . Ayañca sabbo saṅgho sabhāgaṃ āpattiṃ āpanno. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ ਹੋਤਿ। ਤੇਹਿ, ਭਿਕ੍ਖવੇ, ਭਿਕ੍ਖੂਹਿ ਏਕੋ ਭਿਕ੍ਖੁ ਸਾਮਨ੍ਤਾ ਆવਾਸਾ ਸਜ੍ਜੁਕਂ ਪਾਹੇਤਬ੍ਬੋ – ਗਚ੍ਛਾવੁਸੋ, ਤਂ ਆਪਤ੍ਤਿਂ ਪਟਿਕਰਿਤ੍વਾ ਆਗਚ੍ਛ; ਮਯਂ ਤੇ ਸਨ੍ਤਿਕੇ ਆਪਤ੍ਤਿਂ ਪਟਿਕਰਿਸ੍ਸਾਮਾਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Idha pana, bhikkhave, aññatarasmiṃ āvāse tadahuposathe sabbo saṅgho sabhāgaṃ āpattiṃ āpanno hoti. Tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike āpattiṃ paṭikarissāmāti. Evañcetaṃ labhetha, iccetaṃ kusalaṃ. No ce labhetha, byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ। ਯਦਾ ਅਞ੍ਞਂ ਭਿਕ੍ਖੁਂ ਸੁਦ੍ਧਂ ਅਨਾਪਤ੍ਤਿਕਂ ਪਸ੍ਸਿਸ੍ਸਤਿ, ਤਦਾ ਤਸ੍ਸ ਸਨ੍ਤਿਕੇ ਤਂ ਆਪਤ੍ਤਿਂ ਪਟਿਕਰਿਸ੍ਸਤੀ’’ਤਿ વਤ੍વਾ ਉਪੋਸਥੋ ਕਾਤਬ੍ਬੋ, ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬਂ, ਨ ਤ੍વੇવ ਤਪ੍ਪਚ੍ਚਯਾ ਉਪੋਸਥਸ੍ਸ ਅਨ੍ਤਰਾਯੋ ਕਾਤਬ੍ਬੋ।
‘‘Suṇātu me, bhante, saṅgho. Ayaṃ sabbo saṅgho sabhāgaṃ āpattiṃ āpanno. Yadā aññaṃ bhikkhuṃ suddhaṃ anāpattikaṃ passissati, tadā tassa santike taṃ āpattiṃ paṭikarissatī’’ti vatvā uposatho kātabbo, pātimokkhaṃ uddisitabbaṃ, na tveva tappaccayā uposathassa antarāyo kātabbo.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਬ੍ਬੋ ਸਙ੍ਘੋ ਸਭਾਗਾਯ ਆਪਤ੍ਤਿਯਾ વੇਮਤਿਕੋ ਹੋਤਿ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Idha pana, bhikkhave, aññatarasmiṃ āvāse tadahuposathe sabbo saṅgho sabhāgāya āpattiyā vematiko hoti. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਸਬ੍ਬੋ ਸਙ੍ਘੋ ਸਭਾਗਾਯ ਆਪਤ੍ਤਿਯਾ વੇਮਤਿਕੋ। ਯਦਾ ਨਿਬ੍ਬੇਮਤਿਕੋ ਭવਿਸ੍ਸਤਿ, ਤਦਾ ਤਂ ਆਪਤ੍ਤਿਂ ਪਟਿਕਰਿਸ੍ਸਤੀ’’ਤਿ વਤ੍વਾ ਉਪੋਸਥੋ ਕਾਤਬ੍ਬੋ, ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬਂ; ਨ ਤ੍વੇવ ਤਪ੍ਪਚ੍ਚਯਾ ਉਪੋਸਥਸ੍ਸ ਅਨ੍ਤਰਾਯੋ ਕਾਤਬ੍ਬੋ।
‘‘Suṇātu me, bhante, saṅgho. Ayaṃ sabbo saṅgho sabhāgāya āpattiyā vematiko. Yadā nibbematiko bhavissati, tadā taṃ āpattiṃ paṭikarissatī’’ti vatvā uposatho kātabbo, pātimokkhaṃ uddisitabbaṃ; na tveva tappaccayā uposathassa antarāyo kātabbo.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ વਸ੍ਸੂਪਗਤੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ ਹੋਤਿ। ਤੇਹਿ, ਭਿਕ੍ਖવੇ, ਭਿਕ੍ਖੂਹਿ ਏਕੋ ਭਿਕ੍ਖੁ ਸਾਮਨ੍ਤਾ ਆવਾਸਾ ਸਜ੍ਜੁਕਂ ਪਾਹੇਤਬ੍ਬੋ – ਗਚ੍ਛਾવੁਸੋ, ਤਂ ਆਪਤ੍ਤਿਂ ਪਟਿਕਰਿਤ੍વਾ ਆਗਚ੍ਛ; ਮਯਂ ਤੇ ਸਨ੍ਤਿਕੇ ਤਂ ਆਪਤ੍ਤਿਂ ਪਟਿਕਰਿਸ੍ਸਾਮਾਤਿ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਏਕੋ ਭਿਕ੍ਖੁ ਸਤ੍ਤਾਹਕਾਲਿਕਂ ਪਾਹੇਤਬ੍ਬੋ – ਗਚ੍ਛਾવੁਸੋ, ਤਂ ਆਪਤ੍ਤਿਂ ਪਟਿਕਰਿਤ੍વਾ ਆਗਚ੍ਛ; ਮਯਂ ਤੇ ਸਨ੍ਤਿਕੇ ਤਂ ਆਪਤ੍ਤਿਂ ਪਟਿਕਰਿਸ੍ਸਾਮਾਤਿ।
Idha pana, bhikkhave, aññatarasmiṃ āvāse vassūpagato saṅgho sabhāgaṃ āpattiṃ āpanno hoti. Tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike taṃ āpattiṃ paṭikarissāmāti. Evañcetaṃ labhetha, iccetaṃ kusalaṃ. No ce labhetha, eko bhikkhu sattāhakālikaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike taṃ āpattiṃ paṭikarissāmāti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ ਹੋਤਿ। ਸੋ ਨ ਜਾਨਾਤਿ ਤਸ੍ਸਾ ਆਪਤ੍ਤਿਯਾ ਨਾਮਗੋਤ੍ਤਂ। ਤਤ੍ਥ ਅਞ੍ਞੋ ਭਿਕ੍ਖੁ ਆਗਚ੍ਛਤਿ ਬਹੁਸ੍ਸੁਤੋ ਆਗਤਾਗਮੋ ਧਮ੍ਮਧਰੋ વਿਨਯਧਰੋ ਮਾਤਿਕਾਧਰੋ ਪਣ੍ਡਿਤੋ ਬ੍ਯਤ੍ਤੋ ਮੇਧਾવੀ ਲਜ੍ਜੀ ਕੁਕ੍ਕੁਚ੍ਚਕੋ ਸਿਕ੍ਖਾਕਾਮੋ। ਤਮੇਨਂ ਅਞ੍ਞਤਰੋ ਭਿਕ੍ਖੁ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਏਤਦવੋਚ – ‘‘ਯੋ ਨੁ ਖੋ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ, ਕਿਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤੀ’’ਤਿ? ਸੋ ਏવਮਾਹ – ‘‘ਯੋ ਖੋ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ, ਇਮਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤਿ। ਇਮਂ ਨਾਮ ਤ੍વਂ, ਆવੁਸੋ, ਆਪਤ੍ਤਿਂ ਆਪਨ੍ਨੋ; ਪਟਿਕਰੋਹਿ ਤਂ ਆਪਤ੍ਤਿ’’ਨ੍ਤਿ। ਸੋ ਏવਮਾਹ – ‘‘ਨ ਖੋ ਅਹਂ, ਆવੁਸੋ, ਏਕੋવ ਇਮਂ ਆਪਤ੍ਤਿਂ ਆਪਨ੍ਨੋ; ਅਯਂ ਸਬ੍ਬੋ ਸਙ੍ਘੋ ਇਮਂ ਆਪਤ੍ਤਿਂ ਆਪਨ੍ਨੋ’’ਤਿ। ਸੋ ਏવਮਾਹ – ‘‘ਕਿਂ ਤੇ, ਆવੁਸੋ, ਕਰਿਸ੍ਸਤਿ ਪਰੋ ਆਪਨ੍ਨੋ વਾ ਅਨਾਪਨ੍ਨੋ વਾ। ਇਙ੍ਘ, ਤ੍વਂ, ਆવੁਸੋ, ਸਕਾਯ ਆਪਤ੍ਤਿਯਾ વੁਟ੍ਠਾਹੀ’’ਤਿ। ਅਥ ਖੋ ਸੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ વਚਨੇਨ ਤਂ ਆਪਤ੍ਤਿਂ ਪਟਿਕਰਿਤ੍વਾ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਤੇ ਭਿਕ੍ਖੂ ਏਤਦવੋਚ – ‘‘ਯੋ ਕਿਰ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ, ਇਮਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤਿ। ਇਮਂ ਨਾਮ ਤੁਮ੍ਹੇ, ਆવੁਸੋ, ਆਪਤ੍ਤਿਂ ਆਪਨ੍ਨਾ; ਪਟਿਕਰੋਥ ਤਂ ਆਪਤ੍ਤਿ’’ਨ੍ਤਿ। ਅਥ ਖੋ ਤੇ ਭਿਕ੍ਖੂ ਨ ਇਚ੍ਛਿਂਸੁ ਤਸ੍ਸ ਭਿਕ੍ਖੁਨੋ વਚਨੇਨ ਤਂ ਆਪਤ੍ਤਿਂ ਪਟਿਕਾਤੁਂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ।
Tena kho pana samayena aññatarasmiṃ āvāse sabbo saṅgho sabhāgaṃ āpattiṃ āpanno hoti. So na jānāti tassā āpattiyā nāmagottaṃ. Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Tamenaṃ aññataro bhikkhu yena so bhikkhu tenupasaṅkami, upasaṅkamitvā taṃ bhikkhuṃ etadavoca – ‘‘yo nu kho, āvuso, evañcevañca karoti, kiṃ nāma so āpattiṃ āpajjatī’’ti? So evamāha – ‘‘yo kho, āvuso, evañcevañca karoti, imaṃ nāma so āpattiṃ āpajjati. Imaṃ nāma tvaṃ, āvuso, āpattiṃ āpanno; paṭikarohi taṃ āpatti’’nti. So evamāha – ‘‘na kho ahaṃ, āvuso, ekova imaṃ āpattiṃ āpanno; ayaṃ sabbo saṅgho imaṃ āpattiṃ āpanno’’ti. So evamāha – ‘‘kiṃ te, āvuso, karissati paro āpanno vā anāpanno vā. Iṅgha, tvaṃ, āvuso, sakāya āpattiyā vuṭṭhāhī’’ti. Atha kho so bhikkhu tassa bhikkhuno vacanena taṃ āpattiṃ paṭikaritvā yena te bhikkhū tenupasaṅkami, upasaṅkamitvā te bhikkhū etadavoca – ‘‘yo kira, āvuso, evañcevañca karoti, imaṃ nāma so āpattiṃ āpajjati. Imaṃ nāma tumhe, āvuso, āpattiṃ āpannā; paṭikarotha taṃ āpatti’’nti. Atha kho te bhikkhū na icchiṃsu tassa bhikkhuno vacanena taṃ āpattiṃ paṭikātuṃ. Bhagavato etamatthaṃ ārocesuṃ.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ ਹੋਤਿ। ਸੋ ਨ ਜਾਨਾਤਿ ਤਸ੍ਸਾ ਆਪਤ੍ਤਿਯਾ ਨਾਮਗੋਤ੍ਤਂ। ਤਤ੍ਥ ਅਞ੍ਞੋ ਭਿਕ੍ਖੁ ਆਗਚ੍ਛਤਿ ਬਹੁਸ੍ਸੁਤੋ ਆਗਤਾਗਮੋ ਧਮ੍ਮਧਰੋ વਿਨਯਧਰੋ ਮਾਤਿਕਾਧਰੋ ਪਣ੍ਡਿਤੋ ਬ੍ਯਤ੍ਤੋ ਮੇਧਾવੀ ਲਜ੍ਜੀ ਕੁਕ੍ਕੁਚ੍ਚਕੋ ਸਿਕ੍ਖਾਕਾਮੋ। ਤਮੇਨਂ ਅਞ੍ਞਤਰੋ ਭਿਕ੍ਖੁ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਏવਂ વਦੇਤਿ – ‘‘ਯੋ ਨੁ ਖੋ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ, ਕਿਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤੀ’’ਤਿ? ਸੋ ਏવਂ વਦੇਤਿ – ‘‘ਯੋ ਖੋ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ, ਇਮਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤਿ। ਇਮਂ ਨਾਮ ਤ੍વਂ, ਆવੁਸੋ, ਆਪਤ੍ਤਿਂ ਆਪਨ੍ਨੋ; ਪਟਿਕਰੋਹਿ ਤਂ ਆਪਤ੍ਤਿ’’ਨ੍ਤਿ। ਸੋ ਏવਂ વਦੇਤਿ – ‘‘ਨ ਖੋ ਅਹਂ, ਆવੁਸੋ, ਏਕੋવ ਇਮਂ ਆਪਤ੍ਤਿਂ ਆਪਨ੍ਨੋ। ਅਯਂ ਸਬ੍ਬੋ ਸਙ੍ਘੋ ਇਮਂ ਆਪਤ੍ਤਿਂ ਆਪਨ੍ਨੋ’’ਤਿ। ਸੋ ਏવਂ વਦੇਤਿ – ‘‘ਕਿਂ ਤੇ, ਆવੁਸੋ, ਕਰਿਸ੍ਸਤਿ ਪਰੋ ਆਪਨ੍ਨੋ વਾ ਅਨਾਪਨ੍ਨੋ વਾ। ਇਙ੍ਘ, ਤ੍વਂ, ਆવੁਸੋ, ਸਕਾਯ ਆਪਤ੍ਤਿਯਾ વੁਟ੍ਠਾਹੀ’’ਤਿ। ਸੋ ਚੇ, ਭਿਕ੍ਖવੇ, ਭਿਕ੍ਖੁ ਤਸ੍ਸ ਭਿਕ੍ਖੁਨੋ વਚਨੇਨ ਤਂ ਆਪਤ੍ਤਿਂ ਪਟਿਕਰਿਤ੍વਾ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਤੇ ਭਿਕ੍ਖੂ ਏવਂ વਦੇਤਿ – ‘‘ਯੋ ਕਿਰ, ਆવੁਸੋ, ਏવਞ੍ਚੇવਞ੍ਚ ਕਰੋਤਿ ਇਮਂ ਨਾਮ ਸੋ ਆਪਤ੍ਤਿਂ ਆਪਜ੍ਜਤਿ, ਇਮਂ ਨਾਮ ਤੁਮ੍ਹੇ ਆવੁਸੋ ਆਪਤ੍ਤਿਂ ਆਪਨ੍ਨਾ, ਪਟਿਕਰੋਥ ਤਂ ਆਪਤ੍ਤਿ’’ਨ੍ਤਿ। ਤੇ ਚੇ, ਭਿਕ੍ਖવੇ, ਭਿਕ੍ਖੂ ਤਸ੍ਸ ਭਿਕ੍ਖੁਨੋ વਚਨੇਨ ਤਂ ਆਪਤ੍ਤਿਂ ਪਟਿਕਰੇਯ੍ਯੁਂ, ਇਚ੍ਚੇਤਂ ਕੁਸਲਂ। ਨੋ ਚੇ ਪਟਿਕਰੇਯ੍ਯੁਂ, ਨ ਤੇ, ਭਿਕ੍ਖવੇ, ਭਿਕ੍ਖੂ ਤੇਨ ਭਿਕ੍ਖੁਨਾ ਅਕਾਮਾ વਚਨੀਯਾਤਿ।
Idha pana, bhikkhave, aññatarasmiṃ āvāse sabbo saṅgho sabhāgaṃ āpattiṃ āpanno hoti. So na jānāti tassā āpattiyā nāmagottaṃ. Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Tamenaṃ aññataro bhikkhu yena so bhikkhu tenupasaṅkami, upasaṅkamitvā taṃ bhikkhuṃ evaṃ vadeti – ‘‘yo nu kho, āvuso, evañcevañca karoti, kiṃ nāma so āpattiṃ āpajjatī’’ti? So evaṃ vadeti – ‘‘yo kho, āvuso, evañcevañca karoti, imaṃ nāma so āpattiṃ āpajjati. Imaṃ nāma tvaṃ, āvuso, āpattiṃ āpanno; paṭikarohi taṃ āpatti’’nti. So evaṃ vadeti – ‘‘na kho ahaṃ, āvuso, ekova imaṃ āpattiṃ āpanno. Ayaṃ sabbo saṅgho imaṃ āpattiṃ āpanno’’ti. So evaṃ vadeti – ‘‘kiṃ te, āvuso, karissati paro āpanno vā anāpanno vā. Iṅgha, tvaṃ, āvuso, sakāya āpattiyā vuṭṭhāhī’’ti. So ce, bhikkhave, bhikkhu tassa bhikkhuno vacanena taṃ āpattiṃ paṭikaritvā yena te bhikkhū tenupasaṅkami, upasaṅkamitvā te bhikkhū evaṃ vadeti – ‘‘yo kira, āvuso, evañcevañca karoti imaṃ nāma so āpattiṃ āpajjati, imaṃ nāma tumhe āvuso āpattiṃ āpannā, paṭikarotha taṃ āpatti’’nti. Te ce, bhikkhave, bhikkhū tassa bhikkhuno vacanena taṃ āpattiṃ paṭikareyyuṃ, iccetaṃ kusalaṃ. No ce paṭikareyyuṃ, na te, bhikkhave, bhikkhū tena bhikkhunā akāmā vacanīyāti.
ਚੋਦਨਾવਤ੍ਥੁਭਾਣવਾਰੋ ਨਿਟ੍ਠਿਤੋ ਦੁਤਿਯੋ।
Codanāvatthubhāṇavāro niṭṭhito dutiyo.
