| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
2. ஸப்³ப³ஸத்தஹிதப²ரணபஞ்ஹோ
2. Sabbasattahitapharaṇapañho
2. ‘‘ப⁴ந்தே நாக³ஸேன, தும்ஹே ப⁴ணத² ‘ததா²க³தோ ஸப்³ப³ஸத்தானங் அஹிதமபனெத்வா ஹிதமுபத³ஹதீ’தி. புன ச ப⁴ணத² அக்³கி³க்க²ந்தூ⁴பமே த⁴ம்மபரியாயே ப⁴ஞ்ஞமானே ‘ஸட்டி²மத்தானங் பி⁴க்கூ²னங் உண்ஹங் லோஹிதங் முக²தோ உக்³க³த’ந்தி. அக்³கி³க்க²ந்தூ⁴பமங், ப⁴ந்தே, த⁴ம்மபரியாயங் தே³ஸெந்தேன ததா²க³தேன ஸட்டி²மத்தானங் பி⁴க்கூ²னங் ஹிதமபனெத்வா அஹிதமுபத³ஹிதங். யதி³, ப⁴ந்தே நாக³ஸேன, ததா²க³தோ ஸப்³ப³ஸத்தானங் அஹிதமபனெத்வா ஹிதமுபத³ஹதி, தேன ஹி அக்³கி³க்க²ந்தூ⁴பமே த⁴ம்மபரியாயே ப⁴ஞ்ஞமானே ஸட்டி²மத்தானங் பி⁴க்கூ²னங் உண்ஹங் லோஹிதங் முக²தோ உக்³க³தந்தி யங் வசனங், தங் மிச்சா². யதி³ அக்³கி³க்க²ந்தூ⁴பமே த⁴ம்மபரியாயே ப⁴ஞ்ஞமானே ஸட்டி²மத்தானங் பி⁴க்கூ²னங் உண்ஹங் லோஹிதங் முக²தோ உக்³க³தங், தேன ஹி ததா²க³தோ ஸப்³ப³ஸத்தானங் அஹிதமபனெத்வா ஹிதமுபத³ஹதீதி தம்பி வசனங் மிச்சா². அயம்பி உப⁴தோ கோடிகோ பஞ்ஹோ தவானுப்பத்தோ, ஸோ தயா நிப்³பா³ஹிதப்³போ³’’தி.
2. ‘‘Bhante nāgasena, tumhe bhaṇatha ‘tathāgato sabbasattānaṃ ahitamapanetvā hitamupadahatī’ti. Puna ca bhaṇatha aggikkhandhūpame dhammapariyāye bhaññamāne ‘saṭṭhimattānaṃ bhikkhūnaṃ uṇhaṃ lohitaṃ mukhato uggata’nti. Aggikkhandhūpamaṃ, bhante, dhammapariyāyaṃ desentena tathāgatena saṭṭhimattānaṃ bhikkhūnaṃ hitamapanetvā ahitamupadahitaṃ. Yadi, bhante nāgasena, tathāgato sabbasattānaṃ ahitamapanetvā hitamupadahati, tena hi aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggatanti yaṃ vacanaṃ, taṃ micchā. Yadi aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tena hi tathāgato sabbasattānaṃ ahitamapanetvā hitamupadahatīti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘ததா²க³தோ , மஹாராஜ, ஸப்³ப³ஸத்தானங் அஹிதமபனெத்வா ஹிதமுபத³ஹதி, அக்³கி³க்க²ந்தூ⁴பமே த⁴ம்மபரியாயே ப⁴ஞ்ஞமானே ஸட்டி²மத்தானங் பி⁴க்கூ²னங் உண்ஹங் லோஹிதங் முக²தோ உக்³க³தங், தஞ்ச பன ந ததா²க³தஸ்ஸ கதேன, தேஸங் யேவ அத்தனோ கதேனா’’தி.
‘‘Tathāgato , mahārāja, sabbasattānaṃ ahitamapanetvā hitamupadahati, aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tañca pana na tathāgatassa katena, tesaṃ yeva attano katenā’’ti.
‘‘யதி³, ப⁴ந்தே நாக³ஸேன, ததா²க³தோ அக்³கி³க்க²ந்தூ⁴பமங் த⁴ம்மபரியாயங் ந பா⁴ஸெய்ய, அபி நு தேஸங் உண்ஹங் லோஹிதங் முக²தோ உக்³க³ச்செ²ய்யாதி, ந ஹி, மஹாராஜ, மிச்சா²படிபன்னானங் தேஸங் ப⁴க³வதோ த⁴ம்மபரியாயங் ஸுத்வா பரிளாஹோ காயே உப்பஜ்ஜி, தேன தேஸங் பரிளாஹேன உண்ஹங் லோஹிதங் முக²தோ உக்³க³த’’ந்தி. ‘‘தேன ஹி, ப⁴ந்தே நாக³ஸேன, ததா²க³தஸ்ஸேவ கதேன தேஸங் உண்ஹங் லோஹிதங் முக²தோ உக்³க³தங், ததா²க³தோ யேவ தத்த² அதி⁴காரோ தேஸங் நாஸனாய, யதா² நாம, ப⁴ந்தே நாக³ஸேன, அஹி வம்மிகங் பவிஸெய்ய, அத²ஞ்ஞதரோ பங்ஸுகாமோ புரிஸோ வம்மிகங் பி⁴ந்தி³த்வா பங்ஸுங் ஹரெய்ய, தஸ்ஸ பங்ஸுஹரணேன வம்மிகஸ்ஸ ஸுஸிரங் பித³ஹெய்ய, அத² தத்தே²வ ஸோ அஸ்ஸாஸங் அலப⁴மானோ மரெய்ய, நனு ஸோ, ப⁴ந்தே, அஹி தஸ்ஸ புரிஸஸ்ஸ கதேன மரணப்பத்தோ’’தி. ‘‘ஆம மஹாராஜா’’தி. ‘‘ஏவமேவ கோ², ப⁴ந்தே நாக³ஸேன, ததா²க³தோ யேவ தத்த² அதி⁴காரோ தேஸங் நாஸனாயா’’தி.
‘‘Yadi, bhante nāgasena, tathāgato aggikkhandhūpamaṃ dhammapariyāyaṃ na bhāseyya, api nu tesaṃ uṇhaṃ lohitaṃ mukhato uggaccheyyāti, na hi, mahārāja, micchāpaṭipannānaṃ tesaṃ bhagavato dhammapariyāyaṃ sutvā pariḷāho kāye uppajji, tena tesaṃ pariḷāhena uṇhaṃ lohitaṃ mukhato uggata’’nti. ‘‘Tena hi, bhante nāgasena, tathāgatasseva katena tesaṃ uṇhaṃ lohitaṃ mukhato uggataṃ, tathāgato yeva tattha adhikāro tesaṃ nāsanāya, yathā nāma, bhante nāgasena, ahi vammikaṃ paviseyya, athaññataro paṃsukāmo puriso vammikaṃ bhinditvā paṃsuṃ hareyya, tassa paṃsuharaṇena vammikassa susiraṃ pidaheyya, atha tattheva so assāsaṃ alabhamāno mareyya, nanu so, bhante, ahi tassa purisassa katena maraṇappatto’’ti. ‘‘Āma mahārājā’’ti. ‘‘Evameva kho, bhante nāgasena, tathāgato yeva tattha adhikāro tesaṃ nāsanāyā’’ti.
‘‘ததா²க³தோ, மஹாராஜ, த⁴ம்மங் தே³ஸயமானோ அனுனயப்படிக⁴ங் ந கரோதி, அனுனயப்படிக⁴விப்பமுத்தோ த⁴ம்மங் தே³ஸேதி, ஏவங் த⁴ம்மே தே³ஸீயமானே யே தத்த² ஸம்மாபடிபன்னா, தே பு³ஜ்ஜ²ந்தி. யே பன மிச்சா²படிபன்னா, தே பதந்தி. யதா², மஹாராஜ, புரிஸஸ்ஸ அம்ப³ங் வா ஜம்பு³ங் வா மது⁴கங் வா சாலயமானஸ்ஸ யானி தத்த² ப²லானி ஸாரானி த³ள்ஹப³ந்த⁴னானி, தானி தத்தே²வ அச்சுதானி திட்ட²ந்தி, யானி தத்த² ப²லானி பூதிவண்டமூலானி து³ப்³ப³லப³ந்த⁴னானி, தானி பதந்தி. ஏவமேவ கோ², மஹாராஜ, ததா²க³தோ த⁴ம்மங் தே³ஸயமானோ அனுனயப்படிக⁴ங் ந கரோதி, அனுனயப்படிக⁴விப்பமுத்தோ த⁴ம்மங் தே³ஸேதி, ஏவங் த⁴ம்மே தே³ஸீயமானே யே தத்த² ஸம்மாபடிபன்னா, தே பு³ஜ்ஜ²ந்தி. யே பன மிச்சா²படிபன்னா, தே பதந்தி.
‘‘Tathāgato, mahārāja, dhammaṃ desayamāno anunayappaṭighaṃ na karoti, anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te patanti. Yathā, mahārāja, purisassa ambaṃ vā jambuṃ vā madhukaṃ vā cālayamānassa yāni tattha phalāni sārāni daḷhabandhanāni, tāni tattheva accutāni tiṭṭhanti, yāni tattha phalāni pūtivaṇṭamūlāni dubbalabandhanāni, tāni patanti. Evameva kho, mahārāja, tathāgato dhammaṃ desayamāno anunayappaṭighaṃ na karoti, anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te patanti.
‘‘யதா² வா பன, மஹாராஜ, கஸ்ஸகோ த⁴ஞ்ஞங் ரோபேதுகாமோ கெ²த்தங் கஸதி, தஸ்ஸ கஸந்தஸ்ஸ அனேகஸதஸஹஸ்ஸானி திணானி மரந்தி. ஏவமேவ கோ², மஹாராஜ, ததா²க³தோ பரிபக்கமானஸே ஸத்தே போ³தெ⁴ந்தோ 1 அனுனயப்படிக⁴விப்பமுத்தோ த⁴ம்மங் தே³ஸேதி, ஏவங் த⁴ம்மே தே³ஸீயமானே யே தத்த² ஸம்மாபடிபன்னா, தே பு³ஜ்ஜ²ந்தி. யே பன மிச்சா²படிபன்னா, தே திணானி விய மரந்தி.
‘‘Yathā vā pana, mahārāja, kassako dhaññaṃ ropetukāmo khettaṃ kasati, tassa kasantassa anekasatasahassāni tiṇāni maranti. Evameva kho, mahārāja, tathāgato paripakkamānase satte bodhento 2 anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te tiṇāni viya maranti.
‘‘யதா² வா பன, மஹாராஜ, மனுஸ்ஸா ரஸஹேது யந்தேன உச்சு²ங் பீளயந்தி, தேஸங் உச்சு²ங் பீளயமானானங் யே தத்த² யந்தமுக²க³தா கிமயோ, தே பீளியந்தி. ஏவமேவ கோ², மஹாராஜ, ததா²க³தோ பரிபக்கமானஸே ஸத்தே போ³தெ⁴ந்தோ த⁴ம்மயந்தமபி⁴பீளயதி 3, யே தத்த² மிச்சா²படிபன்னா, தே கிமீ விய மரந்தீ’’தி.
‘‘Yathā vā pana, mahārāja, manussā rasahetu yantena ucchuṃ pīḷayanti, tesaṃ ucchuṃ pīḷayamānānaṃ ye tattha yantamukhagatā kimayo, te pīḷiyanti. Evameva kho, mahārāja, tathāgato paripakkamānase satte bodhento dhammayantamabhipīḷayati 4, ye tattha micchāpaṭipannā, te kimī viya marantī’’ti.
‘‘நனு, ப⁴ந்தே நாக³ஸேன, தே பி⁴க்கூ² தாய த⁴ம்மதே³ஸனாய பதிதா’’தி? ‘‘அபி நு கோ², மஹாராஜ, தச்ச²கோ ருக்க²ங் தச்ச²ந்தோ 5 உஜுகங் பரிஸுத்³த⁴ங் கரோதீ’’தி? ‘‘ந ஹி, ப⁴ந்தே, வஜ்ஜனீயங் அபனெத்வா தச்ச²கோ ருக்க²ங் உஜுகங் பரிஸுத்³த⁴ங் கரோதீ’’தி. ‘‘ஏவமேவ கோ², மஹாராஜ, ததா²க³தோ பரிஸங் ரக்க²ந்தோ ந ஸக்கோதி போ³த⁴னெய்யே 6 ஸத்தே போ³தே⁴துங், மிச்சா²படிபன்னே பன ஸத்தே அபனெத்வா போ³த⁴னெய்யே ஸத்தே போ³தே⁴தி, அத்தகதேன பன தே, மஹாராஜ, மிச்சா²படிபன்னா பதந்தி.
‘‘Nanu, bhante nāgasena, te bhikkhū tāya dhammadesanāya patitā’’ti? ‘‘Api nu kho, mahārāja, tacchako rukkhaṃ tacchanto 7 ujukaṃ parisuddhaṃ karotī’’ti? ‘‘Na hi, bhante, vajjanīyaṃ apanetvā tacchako rukkhaṃ ujukaṃ parisuddhaṃ karotī’’ti. ‘‘Evameva kho, mahārāja, tathāgato parisaṃ rakkhanto na sakkoti bodhaneyye 8 satte bodhetuṃ, micchāpaṭipanne pana satte apanetvā bodhaneyye satte bodheti, attakatena pana te, mahārāja, micchāpaṭipannā patanti.
‘‘யதா², மஹாராஜ, கத³லீ வேளு அஸ்ஸதரீ அத்தஜேன 9 ஹஞ்ஞதி, ஏவமேவ கோ², மஹாராஜ, யே தே மிச்சா²படிபன்னா, தே அத்தகதேன ஹஞ்ஞந்தி பதந்தி.
‘‘Yathā, mahārāja, kadalī veḷu assatarī attajena 10 haññati, evameva kho, mahārāja, ye te micchāpaṭipannā, te attakatena haññanti patanti.
‘‘யதா², மஹாராஜ, சோரா அத்தகதேன சக்கு²ப்பாடனங் ஸூலாரோபனங் ஸீஸச்சே²த³னங் பாபுணந்தி, ஏவமேவ கோ², மஹாராஜ, யே தே மிச்சா²படிபன்னா, தே அத்தகதேன ஹஞ்ஞந்தி பதந்தி 11. யேஸங், மஹாராஜ, ஸட்டி²மத்தானங் பி⁴க்கூ²னங் உண்ஹங் லோஹிதங் முக²தோ உக்³க³தங், தேஸங் தங் நேவ ப⁴க³வதோ கதேன, ந பரேஸங் கதேன, அத² கோ² அத்தனோ யேவ கதேன.
‘‘Yathā, mahārāja, corā attakatena cakkhuppāṭanaṃ sūlāropanaṃ sīsacchedanaṃ pāpuṇanti, evameva kho, mahārāja, ye te micchāpaṭipannā, te attakatena haññanti patanti 12. Yesaṃ, mahārāja, saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tesaṃ taṃ neva bhagavato katena, na paresaṃ katena, atha kho attano yeva katena.
‘‘யதா², மஹாராஜ, புரிஸோ ஸப்³ப³ஜனஸ்ஸ அமதங் த³தெ³ய்ய, தே தங் அமதங் அஸித்வா அரோகா³ தீ³கா⁴யுகா ஸப்³பீ³திதோ 13 பரிமுச்செய்யுங், அத²ஞ்ஞதரோ புரிஸோ து³ருபசாரேன தங் அஸித்வா மரணங் பாபுணெய்ய, அபி நு கோ² ஸோ, மஹாராஜ, அமததா³யகோ புரிஸோ ததோனிதா³னங் கிஞ்சி அபுஞ்ஞங் ஆபஜ்ஜெய்யா’’தி? ‘‘ந ஹி, ப⁴ந்தே’’தி. ‘‘ஏவமேவ கோ², மஹாராஜ, ததா²க³தோ த³ஸஸஹஸ்ஸியா லோகதா⁴துயா தே³வமனுஸ்ஸானங் அமதங் த⁴ம்மதா³னங் தே³தி, யே தே ஸத்தா ப⁴ப்³பா³, தே த⁴ம்மாமதேன பு³ஜ்ஜ²ந்தி. யே பன தே ஸத்தா அப⁴ப்³பா³, தே த⁴ம்மாமதேன ஹஞ்ஞந்தி பதந்தி. போ⁴ஜனங், மஹாராஜ, ஸப்³ப³ஸத்தானங் ஜீவிதங் ரக்க²தி, தமேகச்சே பு⁴ஞ்ஜித்வா விஸூசிகாய மரந்தி, அபி நு கோ² ஸோ, மஹாராஜ, போ⁴ஜனதா³யகோ புரிஸோ ததோனிதா³னங் கிஞ்சி அபுஞ்ஞங் ஆபஜ்ஜெய்யா’’தி? ‘‘ந ஹி, ப⁴ந்தே’’தி. ‘‘ஏவமேவ கோ², மஹாராஜ, ததா²க³தோ த³ஸஸஹஸ்ஸியா லோகதா⁴துயா தே³வமனுஸ்ஸானங் அமதங் த⁴ம்மதா³னங் தே³தி, யே தே ஸத்தா ப⁴ப்³பா³, தே த⁴ம்மாமதேன பு³ஜ்ஜ²ந்தி. யே பன தே ஸத்தா அப⁴ப்³பா³, தே த⁴ம்மாமதேன ஹஞ்ஞந்தி பதந்தீ’’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Yathā, mahārāja, puriso sabbajanassa amataṃ dadeyya, te taṃ amataṃ asitvā arogā dīghāyukā sabbītito 14 parimucceyyuṃ, athaññataro puriso durupacārena taṃ asitvā maraṇaṃ pāpuṇeyya, api nu kho so, mahārāja, amatadāyako puriso tatonidānaṃ kiñci apuññaṃ āpajjeyyā’’ti? ‘‘Na hi, bhante’’ti. ‘‘Evameva kho, mahārāja, tathāgato dasasahassiyā lokadhātuyā devamanussānaṃ amataṃ dhammadānaṃ deti, ye te sattā bhabbā, te dhammāmatena bujjhanti. Ye pana te sattā abhabbā, te dhammāmatena haññanti patanti. Bhojanaṃ, mahārāja, sabbasattānaṃ jīvitaṃ rakkhati, tamekacce bhuñjitvā visūcikāya maranti, api nu kho so, mahārāja, bhojanadāyako puriso tatonidānaṃ kiñci apuññaṃ āpajjeyyā’’ti? ‘‘Na hi, bhante’’ti. ‘‘Evameva kho, mahārāja, tathāgato dasasahassiyā lokadhātuyā devamanussānaṃ amataṃ dhammadānaṃ deti, ye te sattā bhabbā, te dhammāmatena bujjhanti. Ye pana te sattā abhabbā, te dhammāmatena haññanti patantī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ஸப்³ப³ஸத்தஹிதப²ரணபஞ்ஹோ து³தியோ.
Sabbasattahitapharaṇapañho dutiyo.
Footnotes:
