| Library / Tipiṭaka / తిపిటక • Tipiṭaka / పఞ్చపకరణ-అనుటీకా • Pañcapakaraṇa-anuṭīkā |
౧౦. సబ్బసంయోజనప్పహానకథావణ్ణనా
10. Sabbasaṃyojanappahānakathāvaṇṇanā
౪౧౩. సతిపి కేసఞ్చి సంయోజనానం హేట్ఠిమమగ్గేహి పహీనత్తే ‘‘పఞ్చన్నం ఓరమ్భాగియానం సంయోజనానం పరిక్ఖయా’’తిఆదీసు వియ వణ్ణభణనముఖేన అనవసేసతఞ్చ సన్ధాయ సబ్బసంయోజనప్పహానకిత్తనం పరియాయవచనన్తి ఆహ ‘‘ఇమం పరియాయం అగ్గహేత్వా’’తి. అరహత్తమగ్గేన పజహనతో ఏవాతి గణ్హాతీతి అగ్గమగ్గో ఏవ సబ్బసంయోజనాని పజహతీతి లద్ధిం గణ్హాతీతి వదన్తి పదకారా. ఏవం సతీతి యది అనవసేసతామత్తేన తథా పటిజానాతి.
413. Satipi kesañci saṃyojanānaṃ heṭṭhimamaggehi pahīnatte ‘‘pañcannaṃ orambhāgiyānaṃ saṃyojanānaṃ parikkhayā’’tiādīsu viya vaṇṇabhaṇanamukhena anavasesatañca sandhāya sabbasaṃyojanappahānakittanaṃ pariyāyavacananti āha ‘‘imaṃ pariyāyaṃ aggahetvā’’ti. Arahattamaggena pajahanato evāti gaṇhātīti aggamaggo eva sabbasaṃyojanāni pajahatīti laddhiṃ gaṇhātīti vadanti padakārā. Evaṃ satīti yadi anavasesatāmattena tathā paṭijānāti.
సబ్బసంయోజనప్పహానకథావణ్ణనా నిట్ఠితా.
Sabbasaṃyojanappahānakathāvaṇṇanā niṭṭhitā.
చతుత్థవగ్గవణ్ణనా నిట్ఠితా.
Catutthavaggavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౪౨) ౧౦. సబ్బసంయోజనప్పహానకథా • (42) 10. Sabbasaṃyojanappahānakathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౧౦. సబ్బసంయోజనప్పహానకథావణ్ణనా • 10. Sabbasaṃyojanappahānakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౧౦. సబ్బసంయోజనప్పహానకథావణ్ణనా • 10. Sabbasaṃyojanappahānakathāvaṇṇanā
