| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೭. ಸತ್ತರಸಮವಗ್ಗೋ
17. Sattarasamavaggo
(೧೬೮) ೩. ಸಬ್ಬಮಿದಂ ಕಮ್ಮತೋತಿಕಥಾ
(168) 3. Sabbamidaṃ kammatotikathā
೭೮೩. ಸಬ್ಬಮಿದಂ ಕಮ್ಮತೋತಿ? ಆಮನ್ತಾ। ಕಮ್ಮಮ್ಪಿ ಕಮ್ಮತೋತಿ? ನ ಹೇವಂ ವತ್ತಬ್ಬೇ…ಪೇ॰… ಸಬ್ಬಮಿದಂ ಕಮ್ಮತೋತಿ? ಆಮನ್ತಾ। ಸಬ್ಬಮಿದಂ ಪುಬ್ಬೇಕತಹೇತೂತಿ? ನ ಹೇವಂ ವತ್ತಬ್ಬೇ…ಪೇ॰… ಸಬ್ಬಮಿದಂ ಕಮ್ಮತೋತಿ? ಆಮನ್ತಾ। ಸಬ್ಬಮಿದಂ ಕಮ್ಮವಿಪಾಕತೋತಿ? ನ ಹೇವಂ ವತ್ತಬ್ಬೇ…ಪೇ॰…।
783. Sabbamidaṃ kammatoti? Āmantā. Kammampi kammatoti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ pubbekatahetūti? Na hevaṃ vattabbe…pe… sabbamidaṃ kammatoti? Āmantā. Sabbamidaṃ kammavipākatoti? Na hevaṃ vattabbe…pe….
೭೮೪. ಸಬ್ಬಮಿದಂ ಕಮ್ಮವಿಪಾಕತೋತಿ? ಆಮನ್ತಾ। ಕಮ್ಮವಿಪಾಕೇನ ಪಾಣಂ ಹನೇಯ್ಯಾತಿ? ಆಮನ್ತಾ। ಪಾಣಾತಿಪಾತೋ ಸಫಲೋತಿ? ಆಮನ್ತಾ। ಕಮ್ಮವಿಪಾಕೋ ಸಫಲೋತಿ? ನ ಹೇವಂ ವತ್ತಬ್ಬೇ…ಪೇ॰… ಕಮ್ಮವಿಪಾಕೋ ಅಫಲೋತಿ? ಆಮನ್ತಾ। ಪಾಣಾತಿಪಾತೋ ಅಫಲೋತಿ? ನ ಹೇವಂ ವತ್ತಬ್ಬೇ…ಪೇ॰…।
784. Sabbamidaṃ kammavipākatoti? Āmantā. Kammavipākena pāṇaṃ haneyyāti? Āmantā. Pāṇātipāto saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Pāṇātipāto aphaloti? Na hevaṃ vattabbe…pe….
ಕಮ್ಮವಿಪಾಕೇನ ಅದಿನ್ನಂ ಆದಿಯೇಯ್ಯ…ಪೇ॰… ಮುಸಾ ಭಣೇಯ್ಯ… ಪಿಸುಣಂ ಭಣೇಯ್ಯ… ಫರುಸಂ ಭಣೇಯ್ಯ… ಸಮ್ಫಂ ಪಲಪೇಯ್ಯ… ಸನ್ಧಿಂ ಛಿನ್ದೇಯ್ಯ… ನಿಲ್ಲೋಪಂ ಹರೇಯ್ಯ… ಏಕಾಗಾರಿಕಂ ಕರೇಯ್ಯ… ಪರಿಪನ್ಥೇ ತಿಟ್ಠೇಯ್ಯ… ಪರದಾರಂ ಗಚ್ಛೇಯ್ಯ… ಗಾಮಘಾತಕಂ ಕರೇಯ್ಯ… ನಿಗಮಘಾತಕಂ ಕರೇಯ್ಯ… ಕಮ್ಮವಿಪಾಕೇನ ದಾನಂ ದದೇಯ್ಯ… ಚೀವರಂ ದದೇಯ್ಯ … ಪಿಣ್ಡಪಾತಂ ದದೇಯ್ಯ… ಸೇನಾಸನಂ ದದೇಯ್ಯ… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಂ ದದೇಯ್ಯಾತಿ? ಆಮನ್ತಾ। ಗಿಲಾನಪಚ್ಚಯಭೇಸಜ್ಜಪರಿಕ್ಖಾರೋ ಸಫಲೋತಿ? ಆಮನ್ತಾ। ಕಮ್ಮವಿಪಾಕೋ ಸಫಲೋತಿ? ನ ಹೇವಂ ವತ್ತಬ್ಬೇ…ಪೇ॰… ಕಮ್ಮವಿಪಾಕೋ ಅಫಲೋತಿ? ಆಮನ್ತಾ। ಗಿಲಾನಪಚ್ಚಯಭೇಸಜ್ಜಪರಿಕ್ಖಾರೋ ಅಫಲೋತಿ? ನ ಹೇವಂ ವತ್ತಬ್ಬೇ…ಪೇ॰…।
Kammavipākena adinnaṃ ādiyeyya…pe… musā bhaṇeyya… pisuṇaṃ bhaṇeyya… pharusaṃ bhaṇeyya… samphaṃ palapeyya… sandhiṃ chindeyya… nillopaṃ hareyya… ekāgārikaṃ kareyya… paripanthe tiṭṭheyya… paradāraṃ gaccheyya… gāmaghātakaṃ kareyya… nigamaghātakaṃ kareyya… kammavipākena dānaṃ dadeyya… cīvaraṃ dadeyya … piṇḍapātaṃ dadeyya… senāsanaṃ dadeyya… gilānapaccayabhesajjaparikkhāraṃ dadeyyāti? Āmantā. Gilānapaccayabhesajjaparikkhāro saphaloti? Āmantā. Kammavipāko saphaloti? Na hevaṃ vattabbe…pe… kammavipāko aphaloti? Āmantā. Gilānapaccayabhesajjaparikkhāro aphaloti? Na hevaṃ vattabbe…pe….
೭೮೫. ನ ವತ್ತಬ್ಬಂ – ‘‘ಸಬ್ಬಮಿದಂ ಕಮ್ಮತೋ’’ತಿ? ಆಮನ್ತಾ। ನನು ವುತ್ತಂ ಭಗವತಾ –
785. Na vattabbaṃ – ‘‘sabbamidaṃ kammato’’ti? Āmantā. Nanu vuttaṃ bhagavatā –
‘‘ಕಮ್ಮೇನ ಕಿತ್ತಿಂ ಲಭತೇ ಪಸಂಸಂ,
‘‘Kammena kittiṃ labhate pasaṃsaṃ,
ಕಮ್ಮೇನ ಜಾನಿಞ್ಚ ವಧಞ್ಚ ಬನ್ಧಂ।
Kammena jāniñca vadhañca bandhaṃ;
ತಂ ಕಮ್ಮಂ ನಾನಾಕರಣಂ ವಿದಿತ್ವಾ,
Taṃ kammaṃ nānākaraṇaṃ viditvā,
ಕಸ್ಮಾ ವದೇ ನತ್ಥಿ ಕಮ್ಮನ್ತಿ ಲೋಕೇ’’ತಿ॥
Kasmā vade natthi kammanti loke’’ti.
ಅತ್ಥೇವ ಸುತ್ತನ್ತೋತಿ? ಆಮನ್ತಾ। ತೇನ ಹಿ ‘‘ಸಬ್ಬಮಿದಂ ಕಮ್ಮತೋ’’ತಿ।
Attheva suttantoti? Āmantā. Tena hi ‘‘sabbamidaṃ kammato’’ti.
ಸಬ್ಬಮಿದಂ ಕಮ್ಮತೋತಿಕಥಾ ನಿಟ್ಠಿತಾ।
Sabbamidaṃ kammatotikathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೩. ಸಬ್ಬಮಿದಂ ಕಮ್ಮತೋತಿಕಥಾವಣ್ಣನಾ • 3. Sabbamidaṃ kammatotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩. ಸಬ್ಬಮಿದಂಕಮ್ಮತೋತಿಕಥಾವಣ್ಣನಾ • 3. Sabbamidaṃkammatotikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೩. ಸಬ್ಬಮಿದಂಕಮ್ಮತೋತಿಕಥಾವಣ್ಣನಾ • 3. Sabbamidaṃkammatotikathāvaṇṇanā
