| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೧೪. ಸಬ್ಬಕಾಮಿತ್ಥೇರಗಾಥಾ
14. Sabbakāmittheragāthā
೪೫೩.
453.
ನಾನಾಕುಣಪಪರಿಪೂರೋ, ವಿಸ್ಸವನ್ತೋ ತತೋ ತತೋ॥
Nānākuṇapaparipūro, vissavanto tato tato.
೪೫೪.
454.
‘‘ಮಿಗಂ ನಿಲೀನಂ ಕೂಟೇನ, ಬಳಿಸೇನೇವ ಅಮ್ಬುಜಂ।
‘‘Migaṃ nilīnaṃ kūṭena, baḷiseneva ambujaṃ;
ವಾನರಂ ವಿಯ ಲೇಪೇನ, ಬಾಧಯನ್ತಿ ಪುಥುಜ್ಜನಂ॥
Vānaraṃ viya lepena, bādhayanti puthujjanaṃ.
೪೫೫.
455.
‘‘ರೂಪಾ ಸದ್ದಾ ರಸಾ ಗನ್ಧಾ, ಫೋಟ್ಠಬ್ಬಾ ಚ ಮನೋರಮಾ।
‘‘Rūpā saddā rasā gandhā, phoṭṭhabbā ca manoramā;
ಪಞ್ಚ ಕಾಮಗುಣಾ ಏತೇ, ಇತ್ಥಿರೂಪಸ್ಮಿ ದಿಸ್ಸರೇ॥
Pañca kāmaguṇā ete, itthirūpasmi dissare.
೪೫೬.
456.
‘‘ಯೇ ಏತಾ ಉಪಸೇವನ್ತಿ, ರತ್ತಚಿತ್ತಾ ಪುಥುಜ್ಜನಾ।
‘‘Ye etā upasevanti, rattacittā puthujjanā;
ವಡ್ಢೇನ್ತಿ ಕಟಸಿಂ ಘೋರಂ, ಆಚಿನನ್ತಿ ಪುನಬ್ಭವಂ॥
Vaḍḍhenti kaṭasiṃ ghoraṃ, ācinanti punabbhavaṃ.
೪೫೭.
457.
‘‘ಯೋ ಚೇತಾ ಪರಿವಜ್ಜೇತಿ, ಸಪ್ಪಸ್ಸೇವ ಪದಾ ಸಿರೋ।
‘‘Yo cetā parivajjeti, sappasseva padā siro;
ಸೋಮಂ ವಿಸತ್ತಿಕಂ ಲೋಕೇ, ಸತೋ ಸಮತಿವತ್ತತಿ॥
Somaṃ visattikaṃ loke, sato samativattati.
೪೫೮.
458.
‘‘ಕಾಮೇಸ್ವಾದೀನವಂ ದಿಸ್ವಾ, ನೇಕ್ಖಮ್ಮಂ ದಟ್ಠು ಖೇಮತೋ।
‘‘Kāmesvādīnavaṃ disvā, nekkhammaṃ daṭṭhu khemato;
ನಿಸ್ಸಟೋ ಸಬ್ಬಕಾಮೇಹಿ, ಪತ್ತೋ ಮೇ ಆಸವಕ್ಖಯೋ’’ತಿ॥
Nissaṭo sabbakāmehi, patto me āsavakkhayo’’ti.
… ಸಬ್ಬಕಾಮಿತ್ಥೇರೋ…।
… Sabbakāmitthero….
ಛಕ್ಕನಿಪಾತೋ ನಿಟ್ಠಿತೋ।
Chakkanipāto niṭṭhito.
ತತ್ರುದ್ದಾನಂ –
Tatruddānaṃ –
ಉರುವೇಳಕಸ್ಸಪೋ ಚ, ಥೇರೋ ತೇಕಿಚ್ಛಕಾರಿ ಚ।
Uruveḷakassapo ca, thero tekicchakāri ca;
ಕಾತಿಯಾನೋ ಮಿಗಜಾಲೋ, ಜೇನ್ತೋ ಸುಮನಸವ್ಹಯೋ।
Kātiyāno migajālo, jento sumanasavhayo;
ನ್ಹಾತಮುನಿ ಬ್ರಹ್ಮದತ್ತೋ, ಸಿರಿಮಣ್ಡೋ ಸಬ್ಬಕಾಮೀ ಚ।
Nhātamuni brahmadatto, sirimaṇḍo sabbakāmī ca;
ಗಾಥಾಯೋ ಚತುರಾಸೀತಿ, ಥೇರಾ ಚೇತ್ಥ ಚತುದ್ದಸಾತಿ॥
Gāthāyo caturāsīti, therā cettha catuddasāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೧೪. ಸಬ್ಬಕಾಮಿತ್ಥೇರಗಾಥಾವಣ್ಣನಾ • 14. Sabbakāmittheragāthāvaṇṇanā
