| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
१४. सब्बकामित्थेरगाथा
14. Sabbakāmittheragāthā
४५३.
453.
नानाकुणपपरिपूरो, विस्सवन्तो ततो ततो॥
Nānākuṇapaparipūro, vissavanto tato tato.
४५४.
454.
‘‘मिगं निलीनं कूटेन, बळिसेनेव अम्बुजं।
‘‘Migaṃ nilīnaṃ kūṭena, baḷiseneva ambujaṃ;
वानरं विय लेपेन, बाधयन्ति पुथुज्जनं॥
Vānaraṃ viya lepena, bādhayanti puthujjanaṃ.
४५५.
455.
‘‘रूपा सद्दा रसा गन्धा, फोट्ठब्बा च मनोरमा।
‘‘Rūpā saddā rasā gandhā, phoṭṭhabbā ca manoramā;
पञ्च कामगुणा एते, इत्थिरूपस्मि दिस्सरे॥
Pañca kāmaguṇā ete, itthirūpasmi dissare.
४५६.
456.
‘‘ये एता उपसेवन्ति, रत्तचित्ता पुथुज्जना।
‘‘Ye etā upasevanti, rattacittā puthujjanā;
वड्ढेन्ति कटसिं घोरं, आचिनन्ति पुनब्भवं॥
Vaḍḍhenti kaṭasiṃ ghoraṃ, ācinanti punabbhavaṃ.
४५७.
457.
‘‘यो चेता परिवज्जेति, सप्पस्सेव पदा सिरो।
‘‘Yo cetā parivajjeti, sappasseva padā siro;
सोमं विसत्तिकं लोके, सतो समतिवत्तति॥
Somaṃ visattikaṃ loke, sato samativattati.
४५८.
458.
‘‘कामेस्वादीनवं दिस्वा, नेक्खम्मं दट्ठु खेमतो।
‘‘Kāmesvādīnavaṃ disvā, nekkhammaṃ daṭṭhu khemato;
निस्सटो सब्बकामेहि, पत्तो मे आसवक्खयो’’ति॥
Nissaṭo sabbakāmehi, patto me āsavakkhayo’’ti.
… सब्बकामित्थेरो…।
… Sabbakāmitthero….
छक्कनिपातो निट्ठितो।
Chakkanipāto niṭṭhito.
तत्रुद्दानं –
Tatruddānaṃ –
उरुवेळकस्सपो च, थेरो तेकिच्छकारि च।
Uruveḷakassapo ca, thero tekicchakāri ca;
कातियानो मिगजालो, जेन्तो सुमनसव्हयो।
Kātiyāno migajālo, jento sumanasavhayo;
न्हातमुनि ब्रह्मदत्तो, सिरिमण्डो सब्बकामी च।
Nhātamuni brahmadatto, sirimaṇḍo sabbakāmī ca;
गाथायो चतुरासीति, थेरा चेत्थ चतुद्दसाति॥
Gāthāyo caturāsīti, therā cettha catuddasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / १४. सब्बकामित्थेरगाथावण्णना • 14. Sabbakāmittheragāthāvaṇṇanā
