| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༦. སབྦདིསཱཀཐཱཝཎྞནཱ
6. Sabbadisākathāvaṇṇanā
༨༨༦. ཨིདཱནི སབྦདིསཱཀཐཱ ནཱམ ཧོཏི། ཏཏྠ ཙཏཱུསུ དིསཱསུ ཧེཊྛཱ ཨུཔརཱིཏི སམནྟཏོ ལོཀདྷཱཏུསནྣིཝཱསཾ, སབྦལོཀདྷཱཏཱུསུ ཙ བུདྡྷཱ ཨཏྠཱིཏི ཨཏྟནོ ཝིཀཔྤསིཔྤཾ ཨུཔྤཱདེཏྭཱ ‘‘སབྦདིསཱསུ བུདྡྷཱ ཏིཊྛནྟཱི’’ཏི ཡེསཾ ལདྡྷི, སེཡྻཐཱཔི མཧཱསངྒྷིཀཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། པུརཏྠིམཱཡཱཏི པུཊྛོ སཀྱམུནིཾ སནྡྷཱཡ པཊིཀྑིཔཏི། པུན པུཊྛོ ལདྡྷིཝསེན ཨཉྙལོཀདྷཱཏུཡཾ ཋིཏཾ སནྡྷཱཡ པཊིཛཱནཱཏི། ཀིནྣཱམོ སོ བྷགཝཱཏིཨཱདི ‘‘སཙེ ཏྭཾ ཛཱནཱསི, ནཱམཱདིཝསེན ནཾ ཀཐེཧཱི’’ཏི ཙོདནཏྠཾ ཝུཏྟཾ། ཨིམིནཱ ཨུཔཱཡེན སབྦཏྠ ཨཏྠོ ཝེདིཏབྦོཏི།
886. Idāni sabbadisākathā nāma hoti. Tattha catūsu disāsu heṭṭhā uparīti samantato lokadhātusannivāsaṃ, sabbalokadhātūsu ca buddhā atthīti attano vikappasippaṃ uppādetvā ‘‘sabbadisāsu buddhā tiṭṭhantī’’ti yesaṃ laddhi, seyyathāpi mahāsaṅghikānaṃ; te sandhāya pucchā sakavādissa, paṭiññā itarassa. Puratthimāyāti puṭṭho sakyamuniṃ sandhāya paṭikkhipati. Puna puṭṭho laddhivasena aññalokadhātuyaṃ ṭhitaṃ sandhāya paṭijānāti. Kinnāmo so bhagavātiādi ‘‘sace tvaṃ jānāsi, nāmādivasena naṃ kathehī’’ti codanatthaṃ vuttaṃ. Iminā upāyena sabbattha attho veditabboti.
སབྦདིསཱཀཐཱཝཎྞནཱ།
Sabbadisākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༠༥) ༦. སབྦདིསཱཀཐཱ • (205) 6. Sabbadisākathā
