| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
९. रूपियसंवोहारसिक्खापदवण्णना
9. Rūpiyasaṃvohārasikkhāpadavaṇṇanā
कतादिवसेनाति कतअकतकताकतवसेन। सुवण्णादिचतुब्बिधम्पि निस्सग्गियवत्थु इध रूपियग्गहणेन गहितन्ति आह ‘‘जातरूपरजतपरिवत्तन’’न्ति। इदञ्च उक्कट्ठपरिच्छेदेन वुत्तन्ति दट्ठब्बं। तेनाह ‘‘पुरिमसिक्खापदेन ही’’तिआदि। परिवत्तनन्ति सादितरूपियस्स परिवत्तनं। पुरिमनयानुसारेनाति ‘‘अहं, भन्ते, नानप्पकारकं रूपियसंवोहारं समापज्जिं, इदं मे निस्सग्गिय’’न्तिआदिना (पारा॰ ५८९)।
Katādivasenāti kataakatakatākatavasena. Suvaṇṇādicatubbidhampi nissaggiyavatthu idha rūpiyaggahaṇena gahitanti āha ‘‘jātarūparajataparivattana’’nti. Idañca ukkaṭṭhaparicchedena vuttanti daṭṭhabbaṃ. Tenāha ‘‘purimasikkhāpadena hī’’tiādi. Parivattananti sāditarūpiyassa parivattanaṃ. Purimanayānusārenāti ‘‘ahaṃ, bhante, nānappakārakaṃ rūpiyasaṃvohāraṃ samāpajjiṃ, idaṃ me nissaggiya’’ntiādinā (pārā. 589).
रूपियसंवोहारवत्थुस्मिन्ति पटिग्गहणस्सेव पटिक्खित्तत्ता पटिग्गहितपरिवत्तने दोसं अदिस्वा रूपियपरिवत्तने। तस्स वाति परिवत्तितस्स वा। धनस्स वाति अत्तनो मूलधनस्स वा । अत्तनो वा हि अरूपियेन परस्स रूपियं चेतापेय्य, अत्तनो वा रूपियेन परस्स अरूपियं, उभयथापि रूपियसंवोहारो कतोव होतीति।
Rūpiyasaṃvohāravatthusminti paṭiggahaṇasseva paṭikkhittattā paṭiggahitaparivattane dosaṃ adisvā rūpiyaparivattane. Tassa vāti parivattitassa vā. Dhanassa vāti attano mūladhanassa vā . Attano vā hi arūpiyena parassa rūpiyaṃ cetāpeyya, attano vā rūpiyena parassa arūpiyaṃ, ubhayathāpi rūpiyasaṃvohāro katova hotīti.
रूपियसंवोहारसिक्खापदवण्णना निट्ठिता।
Rūpiyasaṃvohārasikkhāpadavaṇṇanā niṭṭhitā.
