| Library / Tipiṭaka / တိပိဋက • Tipiṭaka / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā |
ရူပာဝစရာရူပာဝစရဝိပာကကထာဝဏ္ဏနာ
Rūpāvacarārūpāvacaravipākakathāvaṇṇanā
၄၉၉. အနန္တရာယေနာတိ ပရိဟာနိပစ္စယဝိရဟေန။ ပဋိပဒာဒိဘေဒောတိ ပဋိပဒာရမ္မဏဘေဒော။ တထာ ဟိ ဒုက္ခပဋိပဒံ ဒန္ဓာဘိညံ ဈာနံ ဥပ္ပာဒေတ္ဝာ ပုနပ္ပုနံ သမာပဇ္ဇန္တသ္သ တံ ဈာနံ တံပဋိပဒမေဝ ဟောတိ။ ဧတသ္မိံ အပရိဟီနေ တသ္သ ဝိပာကော နိဗ္ဗတ္တမာနော တပ္ပဋိပဒောဝ ဘဝိတုံ အရဟတီတိ။ ဆန္ဒာဓိပတေယ္ယာဒိဘာဝော ပန တသ္မိံ ခဏေ ဝိဇ္ဇမာနာနံ ဆန္ဒာဒီနံ အဓိပတိပစ္စယဘာဝေန ဟောတိ, န အာဂမနဝသေန။ တထာ ဟိ ဧကမေဝ ဈာနံ နာနာက္ခဏေသု နာနာဓိပတေယ္ယံ ဟောတိ။ စတုတ္ထဇ္ဈာနသ္သေဝ ဟိ စတုရိဒ္ဓိပာဒဘာဝေန ဘာဝနာ ဟောတိ, တသ္မာ ဝိပာကသ္သ အာဂမနဝသေန ဆန္ဒာဓိပတေယ္ယာဒိတာ န ဝုတ္တာ။
499. Anantarāyenāti parihānipaccayavirahena. Paṭipadādibhedoti paṭipadārammaṇabhedo. Tathā hi dukkhapaṭipadaṃ dandhābhiññaṃ jhānaṃ uppādetvā punappunaṃ samāpajjantassa taṃ jhānaṃ taṃpaṭipadameva hoti. Etasmiṃ aparihīne tassa vipāko nibbattamāno tappaṭipadova bhavituṃ arahatīti. Chandādhipateyyādibhāvo pana tasmiṃ khaṇe vijjamānānaṃ chandādīnaṃ adhipatipaccayabhāvena hoti, na āgamanavasena. Tathā hi ekameva jhānaṃ nānākkhaṇesu nānādhipateyyaṃ hoti. Catutthajjhānasseva hi caturiddhipādabhāvena bhāvanā hoti, tasmā vipākassa āgamanavasena chandādhipateyyāditā na vuttā.
ရူပာဝစရာရူပာဝစရဝိပာကကထာဝဏ္ဏနာ နိဋ္ဌိတာ။
Rūpāvacarārūpāvacaravipākakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / အဗ္ယာကတဝိပာကော • Abyākatavipāko
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā / ရူပာဝစရာရူပာဝစရဝိပာကကထာ • Rūpāvacarārūpāvacaravipākakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / ရူပာဝစရာရူပာဝစရဝိပာကကထာဝဏ္ဏနာ • Rūpāvacarārūpāvacaravipākakathāvaṇṇanā
